Shpipëri Hesapi

Agjencia Telegrafike Shqiptare ka përcjellë sot me tre tituj një vizitë të kryeministrit Edi Rama në Veri. Së pari lajmi i legalizimeve, së dyti lajmi i faljes së disa gjobave, së treti lajmi i rindërtimit të rrugës së Komanit. Bashkë me inaugurimin sot të rrugës së Thumanës, bëhen katër habere për Veriun që kështu duhet të mbajë parasysh ta votojë 100% partinë në pushtet.

Kur vija në Himarë përpara, sikur vija në një Bathore, por jo Bathorja sot, por Bathorja e dikurshme, me det, nuk është bërë në të gjitha kohërat përpara kësaj periudhe që ne qeverisim, me fakte.

Se është rritur numri i turistëve, ashtu si kundër pakkush mund ta imagjinonte. 10 milionë turistë u arrit vjet, sivjet mund të shkojë 12, mund të shkojë 13. Kjo ndodh sepse turistët që vijnë në këtë zonë gjejnë arsye për të ardhur

Nuk duhen anatemuar bluzat e bardha. Mjekët janë aty për të shpëtuar jetë! 

Ja këshilla që lexon sapo një skandal i radhës pushton sektorin e skandaleve si shëndetësia. 

Gazetari nuk shkruan për gazetarin se tani jemi kolegë. 
Nuk duhet shkruar për bankat dhe mikrokredite se sulmohet sistemi dhe përhapet panik. 
Duhet shkruar pët politikën, gjyqësorin, policinë, doganat, Samir Manen dhe Shefqetin dhe duhen zbardhur debatet apo Saliu nga Dritarja. 

Lexoni fjalën e Agron Gjekmarkajt sot në Parlament. E ka publikuar syri.net, media pranë Berishës dhe teorikisht kundër Bashës. Gjekmarkaj është politikisht një ylberist parimor, pra ai bën kalime diametrale duke iu përmbajtur parimeve. Sot z. Gjekamarkaj e ndante Shqipërinë në “ata” dhe “ne”, ku Ata janë qeveritarët dhe të vetët, të cilëve u shton shumë epitete dhe cilësime.

Athina zyrtare ka hedhur një hap tjetër për vlerësimin dhe ruajtjen e Marrëveshjes së Prespës që garantoi zgjidhjen edebatiti për emrin e Maqedonisë së Veriut. Një konferencë me pjesëmarrësit e marrëvëshjes është mbajtur në Athinë dhe aty ka qenë i pranishëm edhe ministri i Jashtëm i Shqipërisë, Igli Hasani. Ish-kryeministri maqedonas Zoran Zaev ka deklaruar se shpreson se qeveria e re në Shkup nuk do ta bëjë gabimin e anullimit të marrëveshjes, ndërkohë që në dritë ka dalë edhe debati mes Tiranës dhe Athinës për z. Beleri.

Janë përcjellë sot pamjet e mbërritjes së ekipit kombëtar të futbollit në Gjermani ku pritet të nisë kampionati europian.

Qeleshe, flamuj, festë, e gjitha sipas një zakoni të ri tonit që zhurmën dhe kapardisjen ta quajmë festë globale. Si pak kush në botë. Ndjesë: bota ka shansin të kuptojë si bëhet festa!

Një ankesë e bërë në MCN Tv nga disa punonjës të Gardës së Republikës për kushtet e punës dhe trajtimin e tyre, ka sjellë hetim administrativ nga institucioni. Përtej alibisë së njohur tashmë “bëj kërkesë zyrtare për informacion”, përfaqësues të Gardës së Republikës janë shprehur se Rregullorja e Gardës nuk lejon krijimin e sindikatave ndaj edhe ka nisur hetimi.

Pas kalimit në dyert të gjykatës të skandalit të Mikrofinancës, në media ka nisur kundërofensiva e njerëzve të “sistemit” për të mbrojtur shëndetin e sistemit. Themi njerëz të sistemit sepse janë po këta që thonë se “raste të veçanta nuk mund ta vënë në dyshim sistemin”. Në dy intervista, avokati Bledar Cenameri i “CLO Legal Solutions” dhe Arlinda Muja e shoqatës “Mikrofinanca” vënë në dukje se i ashtuquajtur sistem ka rregulla të qarta dhe askush nuk duhet të druhet.

Në revistën “Monitor” është shfaqur me një shkrim, Emin Barçi, një ekonomist që dikur ishte si përmbarues personal i Fatos Nanos kryeministër. Z. Barçi shkruan ndër të tjera se ajo që ka ndodhur me kompanitë e mikrokredive lidhet kryesisht me mungesën e kulturës financiare të kredimarrësve ndërkohë shton se:

Rasti po përdoret për sulmuar sistemin bankar dhe financiar

Erjon Veliaj, kryebashkiak i Tiranës, ka deklaruar sot në një intervistë se ai nuk ka fare frikë dhe as droje nga SPAK. Se e bën gjumin të qetë, sepse ai ka patur gjithë kohës shqetësimin e interesit publik dhe se askush nuk mund të dalë të thotë se Erjon Veliaj “më ka kërkuar këtë apo atë gjë”. Është padyshim një ndër ato spazmat e sëmundjes së tij të përjetshme të maskimit të vetes deri në pikën e mosnjohjes.