Në Vëmendje

Moti i keq dhe parashikimet për reshje me intensitet të lartë në ditët në vijim kanë shtuar frikën e përmbytjeve.Zyrtarisht thuhet se në bazë të parashikimeve të motit, në orët dhe ditët në vijim pritet një situatë e rënduar e reshjeve të shiut, të cilat mund t’i kalojnë nivelet normale. Pasojat e motit kanë shkaktuar viktimën e parë në Kurjan të Fierit, ku një elektriçist ra në kontakt me energjinë elektrike.

Pas reportazheve në mediat italiane për fëmijët e Bulqizës, zyrtarët rajonalë dhe lokalë janë mbledhur në jë takim për të ndaluar shfrytëzimin e fëmijëve në stoqet e kromit. Sipas prefektit të qarkut Dibër, Nexhmedin Shehu, institucionet duhet të shohin mundësinë e futjes së këtyre familjeve në skema punësimi dhe ndoshta duhen siguruar donacione për të lehtësuar vështirësitë ekonomike të familjeve, fëmijët e të cilave ngjiten në stoqet e kromit, mbi qytetin e Bulqizës.

Komuniteti ndërkombëtar nuk do të lejojë ndarjen e Bosnje-Hercegovinës. Kështu është shprehur për Deutsche Welle, Valentin Inzko, Përfaqësuesi i Lartë për BH, sipas të cilit komuniteti ndërkombëtar ka të gjitha instrumentet për ta ruajtur integritetin e Bosnjes. 
“Ne kemi një mandat nga OKB dhe ne nuk do ta lejojmë atë”, citohet ai. p
Duke iu referuar disa deklaratave të kreut të Republikës Srpska, Milorad Dodik, Inzko është shprehur se “ripërcaktimi i kufijve është përherë i rrezikëshëm”.

Televizioni kombëtar Top Channel ka shfaqur më datën 26 Nëntor një kronikë mbi Panairin e Brukselit dhe pjesëmarrjen e Bashkisë së Tiranës në të. Ndryshe nga TV-të e tjera, që e kanë bërë traditë tashmë të transmetojnë materialet e gatshme të ardhura nga zyra për shtyp e bashkisë, Televizioni Top Channel e ka ndjekur Erion Veliajn me grup xhirimi nga Tirana në Bruksel për të pasqyruar këtë aktivitet. http://top-channel.tv/2017/11/26/made-in-albania-ne-bruksel/

Në kulmin e debatit për trafikun e drogës nga Shqipëria, vendi ekspozohet me një tjetër provë të fortë se vijon të jetë hambar i kanabisit të kultivuar vitet e fundit. Trafikantë  shqiptarë të drogës u nisën të premten pasdite me një gomone me shpejtësi të lartë, "të ngarkuar" në brigjet të Shqipërisë për të shkuar drejt Greqisë dhe Italisë.

Në arkivin e Gjykatës së Lartë, 20 mijë e 500 dosje pritet të gjykohen nga vetëm 9 anëtarë, nga 19 që parashikoheshin në ligjin e vjetër. Shefja e marrëdhënieve me median, Ida Vodica sqaron problematikën për kameran e TemA TV.

Për gazin lotsjellës të hedhur në sallën e kuvendit sesionin e kaluar deputeti i Vetëvendosjes, Albin Kurti është u arrestua nga Policia e Kosovës në bazë të urdhërarrestit të lëshuar nga Prokuroria. Ai u vu nw  pranga teksa po hynte në ambientet e Kuvendit të Kosovës për vazhdimin e seancës.
Po ashtu edhe Albulena Haxhiu dhe Donika Kadaj – Bujupi janë arrestuar nga Policia e Kosovës.
Sakaq raportohet se Policia e Kosovës u ka hedhur gaz lotsjellës deputetëve të Vetëvendosjes, të cilët kundërshtonin arrestimin e kolegëve të tyre.
 

Teatri i Kukullave të Tiranës, godinë që ndodhet në qendrën historike të kryeqytetit dhe që dikur ka qenë parlamenti i Shqipërisë do të kthehet në një Qendër Hebraike. Propozimi është bërë nga vetë kryebashkiaku Veliaj në mbledhjen e Këshillit Bashkiak, ku theksoi se ky projekt dhe ai për rindërtimin e Teatrit Kombëtar janë në fazë diskutimi. 

Report Tv raporton se Prokuroria e Krimeve të Rënda ka kërkuar sekuestro preventive për resortin turistik “Santa Quaranta” në Sarandë dhe disa prona të tjera të familjes së Klemend Balialjt.

Ish-drejtori i Transporteve në Sarandë dyshohet p[ër trafik droge dhe është person i shpallur në kërkim. Sipas televizionit në fjalë prokuroria e ka bërë kërkesën për të bllokuar mundësinë e tjetërsimit të pronave të Balilajt dhe për këtë qëllim është kërkuar sekuestro edhe për prona të tjera.

Ministria e Brendshme pranoi zyrtarisht se aksioni për arrestimin e tre ish-drejtuesve të policisë të akuzuar për trafikim droge dhe lidhje me grupin e Habiljave dështoi. Në një deklaratë të saj thuhet specifikisht “Megjithë kontrollet e ushtruara në banesa dhe vendet ku dyshohej se mund të strehoheshin personat e mësipërm, nuk është bërë e mundur gjetja dhe ndalimi i tyre.