Në Vëmendje

Hetimi për Sajmir Tahirin nuk është një proces që po ngjall besim dhe ashtu si shumë çështje të tjera ka marrë vëmendjen e ambasadës amerikane, e cila kërkon të përfshihet direkt në hetime. Interesin amerikan e ka shprehur ambasadori Donald Lu, pas një takimi me ministrin e Brendshëm, Fatmir Xhafaj.

Ajo që përflitej prej javësh se Bashkim Fino do të ishte rivali i Agron Dukës në garën për president i FSHF-së u zyrtarizua. Deputeti socialist deklaroi nga studio e Televizionit Publik Shqiptar se nxitja për kandidimin  ka ardhë nga pasioni i tij për futbollin, por edhe mbështetja e miqve të tij. Ai parashtroi dhe platformën ku si pika kryesore janë, privatizimi i klubeve, transparenca e fondeve, ngritja e akademive sportive dhe kufizimi në dy mandate i drejtimit të FSHF-së.

Procesi për identifikimin e trupave të rënë gjatë luftës italo-greke, pas vendimit të muajit dhjetor do të nisë nga puna në terren, sipas një harte të miratuar nga komisioni i përbashkët. Gjeneral Dedë Prenga, kryetar i komisionit shtetëror, në një intervistë për Tema Tv tregon detajet e marrëveshjes, ndërsa hedh poshtë zërat për ngritjen e varrezave të reja.

Nëse mund të ketë një përkufizim mbi qeverisjen socialiste është moralizimi për shtetin e së drejtës. Për shumë arsye kjo retorikë ka gjetur audiencë, duke legjitimuar padjtësitë e pushtetit në emër të votës së shumicës.

Edi Rama zhvilloi një takim me infermierë për të prezantuar Portalin për Infermierë, një mekanizëm që sipas tij do t’i japë fund emërimeve nepotike apo klienteliste në sektorin e shëndetësisë. Këtu ai gjeti rastin të shfajësohet për filozofinë me të cilën qeverisi mandatin e parë ku sipas tij pati shumë raste ku në vend të infermierëve me përvojë që i thoshin gjilpërës gjilpërë u rekrutuan të afërm deputetësh që i thoshin gjilpërës gozhdë.

Gjetja e një zgjidhje për emrin e Maqedonisë nuk do të shtrohet për miratim në referendum. Si Athina dhe Shkupi duket se kanë rënë dakord të gjejnë një emërues  politik bazuar në propozimet e negociatorit të OKB-së, Methju Nimiç me pëlqimin e palëve për variantet që janë në tavolinë. 
Zv/kryeministri i Maqedonisë, Bujar Osmani (përfaqësues i BDI-së) i cili këtë të martë viziton Athinën deklaroi se mbajtja e një referendumi të mundshëm në Maqedoni mund të ngarkonte procesin dhe të vështirësonte gjetjen e një zgjidhje.

Në Francë u regjistruan më shumë se 100,000 aplikime për azil në vitin 2017, një rekord "historik". 
Drejtori i përgjithshëm i shërbimit për mbrojtjen e refugjatëve (OFPRA) Pascal Brice tha të hënën se ka patur një rritje të madhe të kërkesave të qytetarëve nga Shqipëria dhe Afrika Perëndimore. 

Përpjekja e Athinës dhe Shkupit për të mbërritur në një emërues të përbashkët lidhur me emrin kushtetues të ish-Republikës Jugosllave të Maqedonisë  po testohet deri më tani me sukses në atë që mund të konsiderohet si elita politike, por po has kundërshti në organizatat patriotike të diasporës së dy vendeve. Teksa mediat greke flasin për një valë protestash që po përgatiten nga shoqatat patriotike në SHBA, Australi,  Lëvizja Maqedonase e të Drejtave të Njeriut – MHRMI ka nisur një fushatë ku kërkon të ndalen bisedimet rreth emrit.

Ky vit i ka gjetur muxhahedinët iranianë në një tjetër zonë të Shqipërisë, pak më larg Tiranës ku ata ndodheshin prej kohësh. TemA TV ka realizuar një reportazh, ku shfaqen pamjet e kampit të ri në Manëz të Durrësit dhe ambientet e boshatisura në Yzberisht të Tiranës.

Tema Tv

Gjykata e Apelit për Krimet e Rënda ka ndryshuar masën e sigurisë për O.S. nga arrest me burg në detyrim paraqitje, pasi nga i akuzuari është lënë edhe garanci pasurore 5 milion leke reja.