Lajme

Për fatin e Adolf Hitlerit, themelues dhe lider i Gjermanisë Naziste, ka një mitografi jo të vogël. Vdiq apo jetoi pas Luftës së Dytë Botërore Fyhreri? A është fotoja e kufomës së tij pranë shefit të shërbimit sekret sovjetik të asaj kohe, Lavrenti Beria e vërtetë? Spekullimi se Hitleri i shpëtoi luftës me trukun e njohur të inskenimit të vdekjes e ka kërkuar atë zakonisht në Argjentinë, një vend ku u mblodhën disa eksponentë gjermanë të nazizmit. 

Diskutimi më i madh pas publikimit të skemës së re të qeverisë dhe përbërjes së saj ishte shkrirja e Ministrisë së Integrimit, një dikasteri të krijuar posaçërisht për të përshpejtuar afrimin e shqiptarëve me Europën. Diçka që nuk pritej aq më tepër pas dushit të ftohtë që kryeministri  Rama u bëri ambadadorëve në prani edhe të ministrit të Jashtëm, Ditmir Bushati, për të cilin pati dyshime se do të dorëzonte portofolin.

Minus 200 mijë vota e lanë sërish PD-në e drejtuar nga Lulzim Basha dhe Sali Berisha sërish në opozitë, më të dobët në numra dhe me të njëjtin enturazh në ballinën e forcës që vazhdon të mbajë flamurin e antikomunizmit përveç të tjerave që dalin rrugës.

Një ditë para nisjes së sesionit të ri parlamentar, Lulzim Basha doli për të na kujtuar se mban ekskluzivitetin e opozitës, të cilin e pretendon edhe Petrit Vasili dhe Monika Kryemadhi. Shumë domethënëse është fjala e Lulzim Bashës se do bëjë opozitarin derisa shqiptarët ta votojnë për të bërë kryeministrin.

Sekretari i Përgjithshëm i NATO-s Jens Stoltenberg ka deklaruar se bota ndodhet në situatën më të rrezikshme që ka njohur ky brez. Lajmi bëhet publik nga gazeta britanike “The Guardian” e cila shton se deklarata vjen ndërkohë që është njoftuar dislokimi i 100 mijë trupave ruse në kufi me Bashkimin Europian dhe ndërkohë që kriza bërthamore me Korenë e Veriut përkeqësohet.

Në një analizë të përgjithshme Stoltenberg përmes intervistës së tij, thekson se bota përballet sot me sfida më komplekse dhe të njëkohëshme se më parë. Më të vështira për t'u parashikuar dhe të disa natyrave.

Qeveria thotë se policia shqiptare është institucioni më i besueshëm nga shqiptarët, por kërkesat e policive partnere për ngritjen e grupeve të përbashkëta hetimore vënë në dyshim integritetin e policisë shqiptare. Janë të paktën 3 vende të Bashkimit Europian që kanë kërkuar ngritjen e grupeve të përbashkëta hetimore për çështjet e azilit, luftës kundër krimit të organizuar dhe trafikut të drogës.

Konsorciumi i kompanive Total, Hellenic Petroleum dhe Edison (kompani e grupit francez EDF) që ka marrë të drejtën për eksplorimin dhe shfrytëzimin e hidrokarbureve  në veri të Koruzit, një zonë detare afër Shqipërisë i ka kërkuar parlamentit grek të ratifikojë sa më shpejt marraveshjen.Çështja u rikthye në qendër të vëmendjes për shkak të vizitës së Presidentit, francez Emanuel Macron në Athinë.  

Partia Socialiste po bëhet gati të ushtrojë mandatin e dytë parlamentar me një trupë të zgjedhur sipas kalemit të kryetarit dhe llogarive natyrisht që kombinojnë eksperiencën e më të dalluarve në menaxhimin e fondeve publike dhe rishtarëve që do flasin me zërin e kryetarit, në mos me stilin e tij. 

Që nga nëntori 2016, pas zgjedhjes së Donald Trump në presidencën amerikane, numri i shtetasve amerikanë që kërkojnë shtetësi gjermane është rritur ndjeshëm, sipas të dhënave të mbledhura nga Ministria e Jashtme Gjermane.
Numri i përgjithshëm i aplikacioneve (përfshirë ato të shtetasve amerikanë që tashmë jetojnë në Gjermani) regjistrohen çdo vit dhe të dhënat për këtë vit nuk priten të dalin para verës së vitit 2018.

Në një darkë të shtruar për nder të vizitës së presidentit francez  Emmanuel Macron, e para jashtë Francës që prej fitores së tij në zgjedhje, homologu I tij grek Prokopis Pavlopoulos ka çuar mesazhe të rrepta ndaj Shqipërisë dhe Ish Republikës Jugosllave të Maqedonisë.

Midis të tjerash, në fjalimin e tij presidenti grek ka thënë se Shkupi dhe Tirana po minojnë, me veprimet e tyre politike, ecurinë e tyre europiane,njëri fqinj duke përdorur një emër që përcjell irredentizmin dhe fqinji tjetër duke shkelur të drejtat themelore të njeriut dhe në veçanti të pronës.

Dita Ndërkombëtare për Avancim të Shkrim-leximit e cila shënohet çdo vit më 8 shtator ka për qëllim që të rrisë vëmendjen e opinionit ndërkombëtar në lidhje me problemin e analfabetizmit i cili fatkeqësisht si proces është prezent në shumë shoqëri.