Lajme

Referendumi në Maqedoni provoi se sherbeti i integrimit në Europë nuk shijon më si më parë. Edhe spe shumica e atyre që votuan thuhet se ishte pro marrëveshjes së Prespës, pjesëmarrja e ulët në votime dëshmon për koston e madhe të një politike që mori pushtetin me mjete të tilla që kanë kompromentuar legjitimitetin e tij.

Europa e burokratëve dështoi sërish duke bërë një autogol, shija e të cilit nuk do të harrohet për një kohë të gjatë.

Taktika elektorale e opozitës maqedonase për t’u kërkuar mbështetësve të bojkotojnë referendumin u dha një fitore disi morale kundërshtarëve të Zaevit, por duket se nuk e frenon hyrjen në fuqi të marrëveshjes me Greqinë për ndryshimin e emrit të Ish-Republikës Jugosllave të Maqedonisë.

Policia e Shtetit ka bërë të ditur sot se ka arrestuar Endrit Vejsiun, 29 vjeç,  në makinën e të cilit janë gjetur 4 lëndë plasëse me telekomandë dhe 3 kg lëndë e dyshuar si kanabis sativa.

Mediat raportojnë se Endrit Vejsiu, i ndaluar në rrugën Milot – Lezhë, është vëllai i moderators së njohur të Tv Klan, Alketa Vejsiu, e cila dihet se ka edhe një miqësi familajre të afërt me kryeministrin Edi Rama dhe bashkëshorten e tij, Linda Rama. Ky ndalim vjen ndërkohë që policia po përflitet për rolin e vet në ngjarjen ku protagonsite është shtetasja Xhiseila Maloku në Fushë Krujë.

Arrestimi i djalit të deputetit duhet të kishte ndodhur që në muajin korrik qëkurse ai u denoncua por dhunë, por të qënit kanakar i pushtetit stepi policinë fillimisht dhe më pas prokurorinë.
Rilindja ka këmbëngulur vazhdimisht se ka një moral tjetër nga ai i qeverisë paraardhëse, por këtë moral e përgënjeshtruan shumë ndodhi duke nisur nga brekët e Shkukriut e kështu me radhë. 

Media pranë pushtetit njoftojnë së fudmi se djali i deputetit të Krujës, Rrahman Raja, Rexhep Rraja, është arrestuar. Kërkesa për arrest është bërë nga prokurorja Mirela Kabo me akuzën e dhunës dhe përndjekjes ndaj shtetases Xhiseila Maloku. Një akt që duhet të kishte ndodhur në kushte normale proceduriale në muajin korrik, kur edhe është konsumuar ngjarja në fjalë, sipas denoncimit të shtetases Maloku, ndodh sot, pas presionit të madh politik dhe mediatik që ngërtheu këtë çështje.

Gazeta e njohur amerikane “The Wall Street Journal” shkruan se SHBA dhe BE-ja mbështesin shkëmbimin e territoreve mes Serbisë dhe Kosovës duke kaluar tek ideja e kufijve etnikë. Sipas kësaj gazete vetëm Gjermania po e kundërshton këtë ide e cila është përaqfuar edhe nga Brukseli. Autorët citojnë një memo të autorizuar nga shërbimi i jashtëm i BE-së sipas të cilës ideja amerikane e shkëmbimit territorial është e pranueshme.

Presidenti i Kosovës, Hashim Thaçi dha sot shfaqjen e tij alla Vladimir Putin kur herë me një motoskaf, e hërë duke pirë kafe kaloi nga kufiri në liqenin e Gazivodës. Thaçi bënte këtë skeç politik ndërkohë që në Kosovë protestohej për pazarin e tij të kufijve e kur kryeministri Haradinaj përshëndeste portestën.

Ka edhe ca më tej se kaq. Presidenti i Kosovës po rrotullohet në vend me veprimet e veta edhe po të shohësh sondazhet. 

Presidenti serb Aleksandar Vuçiç urdhëroi forcat e armatosura të jenë në shkallën më të lartë të gatishmërisë. Ky vendim ishte një reagim ndaj okupimit nga forcat speciale të policisë së Kosovës së Liqenit të Ujmanit, i cili  deri më tani ishte nën kontrollin e serbëve.

Këtë të shtunë gjashtëdhjetë trupa të Njësisë së Reagimit të Shpejtë të Kosovës morën nën kontroll centralin dhe të gjitha pajisjet në liqenin artificial të Gazivodës.

Kryeministri Edi Rama është prononcuar sot përmes tuiterit për ngjarjen e Krujës ku është dhunuar shtetasja, Xhisiela Maloku. 

Dhuna ndaj vajzës është e pafalshme! Po aq i pafalshëm është abuzimi politik me vajzën. Policia ka bërë detyrën pa i bërë asnjë favor djalit të deputetit. Ata që hungërrijnë si derra në llucën e gërrgërreve politike e mediatike po ridhunojnë vajzën. Për ne askush s'është mbi ligjin

shkruan Rama. 

Kryeministri Rama ka reaguar për herë të parë për çështjen e Xhisiela Malokut, e cila bëri kallëzim për djalin e deputetit Rahman Rraja dhe më pas e tërhoqi atë.

Në një postim në twitter Rama shkruan se dhuna ndaj vajzës është e pafalshme!Po aq i pafalshëm sipas tij është abuzimi politik me vajzën.

“Policia ka bërë detyrën pa i bërë asnjë favor djalit të deputetit.Ata që hungërrijnë si derra në llucën e gërrgërreve politike e mediatike po ridhunojnë vajzën.Për ne askush s'është mbi ligjin”-shkruan Rama.