Lajme

Kërkesave të studentëve u shtohet edhe një peticion i pedagogëve të Fakultetit të Historisë dhe Filologjisë, të cilët kërkojnë  abrogimin e ligjit për Arsimin e Lartë.

Në deklaratën e nënshkruar nga  51 pedagogë  theksohet se “në vijim të qëndrimit mbështetës ndaj protestës së studentëve dhe kërkesave të tyre legjitime, pedagogët e Fakultetit të Historisë dhe të Filologjisë i falënderojmë ata për guximin dhe qëndresën qytetare”.

Matteo Salvini, Viktor Orban, Marine Le Pen dhe Alexander Gauland i AFD në Gjermani, të gjithë këta duan një Europë tjetër. Por me çfarë do të ngjasojë kjo Europë e partive populiste ekstremiste pyet gazeta gjermane Die Zeit.

"Është një pyetje që duhet të shtrohet, pasi partitë populiste pritet të rrisin mbështetjen  në zgjedhjet e ardhshme evropiane të majit. Këto parti nuk do të bëhen aq të forta sa të jenë në gjendje të kenë pozita drejtuese në Evropë. Por ato do të marrin aq shumë peshë në institucionet evropiane saqë do të ndikojnë në shumë çështje "

Të paktën 168 është numri i  të vdekurve nga cunami që goditi ishujt Java dhe Sumatra të Indonezisë. Dhjetra të tjerë janë zhdukur, ndërsa qindra shtëpi e ndërtesa kanë pësuar dëme të mëdha.  Cunami goditi ngushticën Sunda rreth orës 21:30 të së shtunës me orën lokale, pas një lëvizje tektonike që shkaktoi shpërthimi vullkanik i Anakut Krakatoa

Në datën 12 dhjetor të këtij viti, Këshilli i Ministrave ka miratuar një propozim të Ministrit të Infrastrukturës dhe Energjisë për Planin Strategjik për Reformimin e Sektorit të Energjisë. Dokumenti paraqet rëndësi të madhe qoftë edhe për faktin se në parim ai synon hapjen e tregut të pakicës në një sketor ku funksionon monopoli. Dokumenti pranon se reforma është ngadalësuar dy vitet e fundit dhe vetë struktura e burimeve prodhuese paraqet probleme.

Partia Demokratike ka akuzuar sot me dokumente sipas saj, kryebashkiakun Erjon Veliaj se ka devijuar Planin Urbanisitik të Tiranës për të favorizuar projektin 60 mln euro të biznesmenit Edmond Bego në Unazën e Madhe.

Sipas përfaqësuesve të saj, Gazmend Bardhi dhe Ina Zhupa, Veliaj ka miratuar fazën e parë të pajisjes me leje ndërtimi për prjektin “Tirana Splendor”. Në këtë kuadër të dy përfaqësuesit kanë paraitur një material video, që sipas tyre është marrë nga sistemi elektronik I Agjencisë Kombëtare të Planifikimit të Territorit.

Mediat serbe raportojnë për një vizitë të presidentit rus Vladimir Putin në Beograd në datën 17 janar 2019. Sipas tyre vizita lidhet me zhvillimet e fundit dhe sidomos me angazhimin e drejtpërdrejtë të Shtëpisë së Bardhë në çështjen e marrëveshjes eventuale mes Serbisë dhe Kosovës. 

Po e pres mbërritjen e Putin në 17 janar me gëzim. Nuk kemimpatur kurrë poblem të flasim hapur me të. Por nuk kemi parë probleme as nga pala ruse

citohet presidenti serb Vuçiç. 

Nga 1 Marsi  në Tiranë nuk do të lejohen aktivitetet e klubeve të njohura si stripclub. Me propozim të Erion Veliajt Këshilli Bashkiak vendosi që këto aktivitete të zhvendosen në periferi apo zona të caktuara siç do të bëhet edhe me pikat e basteve.

Po ashtu për këto aktivitete licencën do ta japë bashkia e Tiranës.

Një ditë pasi parlamenti rrëzoi brenda 24 orësh dekretin e presidentit që ktheu për rishqyrtim Ligjin e Tatimit mbi të ardhurat, Ilir Meta ka lënë të kuptohet se marrëzia e deputetëve socialistë meriton të trajtohet me deklarata të një naivitetit kronik që te Meta aktivizohen sa herë kërkon t’u shmanget komenteve të drejtëpërdrejta. Kujtojmë që deputetët e PS u njoftuan të mërkurën se duhet të mblidheshin në ambjentet e sallës së seancave plenare për të shyrtuar dekretin e presidentit, të cilin e rrëzuan me votë më pas në seancë. 

Nëse ballafaqon Erion Veliajn me veten, rasti i tij është klinik. Personazhi që  ka  ngritur një lapidar meritash për punën e tij si kryebashkiak ka vetëm një mënyrë për të justifikuar dështimet dhe mungesën e sinqeritetit, të mashtrojë publikisht  pa teklif, aq sa ka filluar t’i besojë edhe vetë gënjeshtrat që artikulon publikisht.

Këtu i jep dorë terreni ku vepron, pasi shoqëria është një fazë që nuk i kushton vëmendjen e duhur paqëndrueshmërive të këtij karakteri, aq më tepër kur demostrohen publikisht nga një kryetar bashkie. 

Edhe pse i sapokonstituuar dhe një institucion që presupozohet të sjellë një standard në transparencën e Gjyqësorit,  Këshilli i Lartë i Gjyqësorit e nis me hermetizëm punën si organi më i lartë i qeverisjes së gjyqësorit.

Naureda Llagami, e zgjedhur si kryetare e këtij Këshilli urdhëroi që mbledhja e parë të zhvillohej më dyer të mbyllura.Temë e mbledhjes ishte  se cili institucion do të vlerësojë gjyqtarët për anën profesionale nën kuadër të Vettingut.