Lajme

Bashkia e Shkodrës dhe rajoni i veriut në tërësi nuk kanë marrë nga qeveria vëmendjen që meritojnë. Në një intervistë për Televizionin Tema, kryetarja e Bashkisë së Shkodrës, Voltana Ademi, shprehet se rajoni i Shkodrës dhe veriu në tërësi nuk është trajtuar me investime nga qeveria në raport të drejtë me kontributin që kanë në GDP-në e vendit, për shkak të burimeve të shumta natyrore.

Ndërkohë që Marrëveshja e Prespës po vlerësohet si ngjarja e vitit për Ballkanin Perëndimir, presidneti bullgar Rumen Radev ka hedhur në publik disa kundërshti që janë të vjetra por edhe aktuale. Ai ka kritikuar qeverinë bullgare të Boyko Borisov për qëndrimet e veta pro integrimit të Ballkanit Perëndimor që po ecën me faturën e ngrirjes apo anashkalimit të konflikteve të vjetra. Një ndër këto është edhe pranimi I gjuhës maqedonase e cila sipas Radev nuk ekziston. 

MIjëra qytetarë serbë janë derdhur sërish në protest kundër qeverisë dhe presidentit serb, Aleksandër Vuçiç. Mediat ndërkombëtare raportojnë se ata kërkojnë lirinë e shtypit, fund të sulmeve ndaj gazetarëve dhe politikanëve të opozitës. Thirrja që ka dominuar protestën është ajo që duket se bashkon të gjithë rajonin kundër establishmentit politik: Vuçiç hajduti!

Ishulli i Anak Krakatau në Indonezi tashmë është reduktuar në ¼ e masës fillestare. Vullkani që shpërtheu pak ditë më parë e që provokoi cunami ka çuar në humbjen e 180 milionë metra kubë. Nga cunami vdiqën 420 persona ndërkohë që ishulli ka një histori të njohur për vullkane. Ai është krijuar nga ishulli Krakatau që thuajse u zhduk nga një prej shpërthimeve më të mëdha vullknaike të regjistruara ndonjëherë në vitin 1883 e që çoi në një periudhë të ftohti global.

Departamenti i Shëndetit Publik në Angli u investua në një eksperiment për të bindur duhanpirësit të tymosin cigare elektronike deri sa të heqin dorë përfundimisht dorë nga ky ves.

Kjo pasi në shumë persona është krijuar bindja se cigarja elektronike është e njëjtë ose edhe më e dëmshme se cigarja tradicionale.

Vende si Spanja, Italia, Qipro, Greqia  dhe Turqia do të kenë çekuilibrimin më të madh të furnizimit me ujë në Evropë. Një studim i Qendrës së Përbashkët Kërkimore (JRC) të Komisionit Evropian parashikon rritje të thatësirës në këto vende. Kjo do të thotë se furnizimi me ujë i hidrocentraleve do të reduktohet dhe se përveç sektorit të energjisë do të ndikohen negativisht edhe bujqësia e transporti.

Gazeta “Dita” ka gjetur disa arsye të ndryshme, “jo politike” të cilat mund të qëndrojnë pas përzgjedhjes së ministrave të rinj që hynë në qeverinë e Edi Ramës. Në një editorial të vetin, gazeta në fjalë shkruan se pas emrave qëndron njohja private e kryeministrit dhe asgjë më shumë. Ja disa sugjerime të gazetës për çelësin e suksesit të ministrave:

Para se të largohej nga ministre e Kulturës, Mirela Kumbaro duket se ka kryer një emërim që vjen nga rrethi i ngushtë i kryebashiakut Veliaj, mikeshë e tij që nga vitet e shkollës. Bëhet fjalë për kalimin në krye të Teatrit Eksperimental të Jonida Beqos, e cila zë vendin e Kiço Londos.

Londo e Beqo ishin të vetmit kandidatë në garën e hapur nga Ministria e Kulturës. Kriteret mbi të cilat u përzgjodh Beqo janë vlerësuar nga Kumbaro më shumë sesa ato të zotit Londo, i cili ka një karrierë disavjeçare në drejtimin e Teatrit.

Me ndryshimet që bëri në kabinet, kryeministri Rama shqepi praktikisht qeverinë si të kishte në dorë gërshërën e rrobaqepësit, zanat që siç ka thënë do ta ushtrojë pasi të ketë dalë nga politika.  

Si amator kuptohet, ashtu siç ka vepruar edhe në politikë, qoftë me qeverisjen ashtu edhe me njerëzit që vuri në karriget e ministrave.

Kjo jo vetëm për faj të tij, por edhe të partisë që e prezantoi si flamurtar të ndryshimit të madh, të cilin e nisi që nga bezja e flamurit, duke i theksuar ngjyrën nga rozë në pink, gjithmonë me të njëjtën perspektivë atë të stilistit.

Në listën e ministrave që Edi Rama ka larguar sot ka rënë në sy ministri i Jashtëm Ditmir Bushati. I papërfolur për ndonjë skandal financiar sikundër Gjiknuri dhe Ahmetaj, apo pa krizat e Lindita Nikollës me studentët, Bushati ka patur një drejtim objektiv dhe me disa arritje. Në parantezë po themi se ministri i Jashtëm nuk arriti të krijonte autonominë e një figure që ka autoritetin e vet të padiskutueshëm për çështjet e politikës së jashtme, por megjithatë ai nuk hyn te servilët e Edi Ramës apo te ministrat që riprodhojnë gjuhësisht kryeministrin.