Lajme

Akademia e Shkencave dhe Arteve të Kosovës ka dalë sot me një qëndrim për sa i përket negociatave me Serbinë duke kërkuar nga faktori politik që të mos lëshojë në asnjë rast territor në funksion të idesë së një “marrëveshjeje të dhimbshme”. Mediat raportojnë deklaratën e cila sugjeron edhe bazën juridike mbi të cilën duhet të nisë dialogu ndërshtetëror, i cili nuk duhet të injorojë tërësinë e dokumenteve të firmosura që e legjitimojnë ndërkombëtarsiht Pavarësinë e Kosovës dhe e bëjnë të paprekshëm integritetin territorial të saj.

Ambasadori i Rusisë në Tiranë, Alexander Karpushin ka deklaruar në një intervistë të fundit për Albanian Daily News, se Rusia do të pranojë çdo marrëveshje të dakordësuar mes Serbisë dhe Kosovës.

Sa i përket procesit aktual të negociatave Beogradit dhe Prishtinës, pozicioni i Rusisë mbetete i njëjti. Sikurse presidentit Putin e ka shprehur një herë, Rusia do të ishte gati të pranonte çdo zgjidhje të pranuar të përbashkët nga të dyja palët përmes dialogut, në përputhje me Rezolutën 1244 të Këshillit të Sigurimit të OKB, që mbetet ende në fuqi

Më 26 prill 1986, një incident në centralin bërthamor të Çernobilit do të shënonte një kthesë të madhe në Europë dhe do të bëhej mësim për vitet e ardhshme për shumë vende të botës. Një shpërthim aksidental gjatë një testimi në reaktorin nr.4, në centralin bërthamor në Priapat, 120 km nga Kievi, do të trondiste të gjithë Bashkimin Sovjetik. Pasojat e atij shpërthimi patën pasoja në jetë njerëzish dhe mendohet se do të kenë ndikim edhe për qindra vite.

Një prej 5 anëtarëve të trupës gjyqësore që dha vendimin për Dritan Dajtin ka publikuar në rrjetet sociale faqen e fundit të vendimit që sipas tij tregon se dy nga gjyqtarët e Apelit të Krimeve të Rënda kanë qenë pjesërisht kundër shuqizimit të dënimit të përjetshëm.

Fuat Vjerdha, gjyqtar në Shkodër nuk ka dhënë më shumë detaje por, ka lënë të kuptohet se ai nuk pajtohet plotësisht me 3 nga kolegët që firmosën për uljen në 25 vjet të dënimit për Dajtin, i cili në vitin 2009 vrau katër efektivë policie.

Dhjetëra mijëra fëmijë vazhdojnë të të marrin pjesë si ushtarë në konfliktet e armatosura në mbarë botën. OKB thotë se në vendet si Sudani i Jugut, Republika e Afrikës Qendrore, RD e Kongo, Somalia, Siria, Jemeni ... fëmijët rekrutohen shpesh nga palët ndërluftuese. Ndërsa në Afganistan, Mali, e Mianmar djemtë dhe vajzat janë përdorur si ushtarë ndihmës për  grupet e armatosura.

Kur nuk angazhohen në luftime, fëmijë detyrohen të gatuajnë apo të mbledhin dru zjarri. Shpesh vajzat "martohen" me luftëtarët, ndërsa shumë prej tyre abuzohen seksualisht.

Njeriu po fajëson veten për çdo gjë. Një pjesë e madhe e raporteve të autorizuara nga qendra shkencore flet në mënyrë alarmante për shkatërrimin e natyrës, ndryshimet klimaterike dhe më tej akoma, zhdukjen në masë për herë të gjashtë në planetin tonë. Radha për të qenë viktimë e aktivitett njerëzor u ka ardhur insekteve.

Më shumë se 40% e specieve të insekteve po shkojnë drejt zhdukjes dhe një e treta e tyre rrezikohet. 41% e specieve të kësaj klase janë në rënie

Kineasti polak, Łukasz Żal, ka fituar çmimin e madh të akorduar nga Shoqata Amerikane e Kinematografëve.

Filmi i tij, "Lufta e Ftohtë", i xhiruar në bardhezi, la pas “Romën” e Alfonso Cuaron-it, si edhe tre filma të tjerë pretendentë: "First Man", "A star is born” dhe "Favorite".

Vetë kineasti 38-vjeçar nuk mori pjesë në ndarjen e çmimeve. Edicioni i 33-të u mbajt në Ray Dolby Ballroom në Hollywood & Highland në Los Anxheles.

Politika amerikane në rajonin e Ballkanit Perëndimor është vendosur së fundmi para sfidave që mund të çojnë në disa zhvillime. Së pari, SHBA nuk e kishte parashikuar këtë rezistencë nga qeveria e Kosovës për çështjen e tarfiës ndaj mallarave serbe, nisur nga investimi themelor amerikan në krijimin e këtij shteti.

Disa shkresa zyrtare që mbajnë firmën e ish-ministrit të Drejtësisë Gazmend Bardhi, që qëndroi në detyrë për 6 muaj, pas marrëveshjes politike të majit 2017, hedhin dritë të re mbi atë skandalin e fundit në Ministrinë e Drejtësisë. Sipas këtyre dokumenteve të siguruara nga TemaTv, epiqendra e auditimit të brendshëm duket se ka qenë ish-skretarja e Përgjithshme e këtij dikasteri, Juliana Hoxha që aktualisht është nën akuzë bashkë me disa kolegë të vet.

Më 21 shtator 2018, kryebashkiaku i Tiranës, Erion Veliaj me anë të një postimi në Twitter njoftoi për ndërtimin e një terminali autobusësh në hyrje të qytetit të Tiranës.

“Jemi gati për ‘Tirana West Terminal’. Javën tjetër nisim Terminalin e Autobusëve interurbanë në zonën perëndimore të qytetit që zgjidh përfundimisht hyrje-daljet në Tiranë dhe lidhjen multimodale me bus/biçi/taxi në pjesën tjetër të qytetit!”, shkruante kryebashkiaku në Twitter.