Lajme

Nënkryetari i Bashkisë së Tiranës, Arbjan Mazniku, thotë në një intervistë për “Gazeta Shqiptare” se borxhi prej 30 milionë $ që ka bashkia ndaj kompanive të ndryshme, mund të rikuperohet përmes një performace të mirë në mbledhjen e taksave. I pyetur nëse bashkia mendon për rritje taksash, Mazniku shprehet për “jo” dhe sqaron se mbledhja e taksave aktuale është problemi. Sipas tij, mbledhja e taksës së parkimit është në nivelet 2-3%, kurse taksa e pasurisë në 0.5%.

Pas Shqipërisë edhe Kosova do të ketë një femër si ambasadore në ShBA. Bëhet fjalë për Vlora Çitakun e cila është emëruar në këtë detyrë e që është ambasadorja e tretë e Kosovës në Uashington që nga shpallja e pavarësisë. Çitaku ka qenë deputet, ministre e Integrimit dhe më vonë ministre e Jashtme.

Jean Marie Le Pen, themeluesi i Frontit Nancional në Francë, është përjashtuar nga partia. Ai ishte president nderi deri në momentin kur një kongres i jashtëzakonshëm vendosi ta përjashtojë. Problemet nisën që në muajin maj, kur Le Pen u shpreh se “Holokausti ishte një detaj i historisë”. Për këtë arsye ai u pezullua në muajin maj. Le Pen vendosi që të kalojë në përballje juridike dhe gjykata i dha të drejtë, me argumentin se nuk ishte ndjekur procedurë e rregullt.

Shkencëtarët e përshkruajnë Europën e Neolitit, kur janë edhe fillesat e shoqërisë bujqësore, si një epokë të dhunshme ndër njerëzit. Ky konkluzion i referohet zbulimit të disa siteve si ai i Talheim në Gjermani apo edhe i Asparn/Schletz, Austri, me trupa të lënë pa u varrosur, me gjurmë të një dhune të jashtëzakonshme, deri edhe me shenja kanibalizmi. Është folur edhe për idenë e një “lufte totale” me synim asgjësimin e komuniteteve të veçanta. Këtë ide e përforcon zbulimi rastësor në vitin 2006, i një siti tjetër, ai i Schöneck-Kilianstädten, në Gjermani.

Kisha Ortodokse Autoqefale e Shqipërisë denoncon sot një incident shumë të rëndë të ndodhur në Kishën e Shën Athanasit në Dhërmi. Sipas njoftimit të shpërndarë, thuhet se në incident janë protagonitë forcat policore dhe njerëz të pushtetit lokal. Ende nuk ka një reagim nga autoritetet shtetërore, por ngjarja nëse është e vërtetë përbën incident shumë të rëndë. Më poshtë njoftimi i KOASh:

Ish-kryeministri Sali Berisha ka përsëritur sot tezën e një revolucioni demokratik për të përmbysur qeverinë, që ai e cilëson si mashtruese. Berisha është njeriu kryesor i opozitës sot, ndonëse formalisht është Lulzim Basha ai që është kryetar. Lënda e parë e reagimit të sotshëm është projekti për konfiskim banese, siç thotë ai, por që i referohet lajmit të bërë publik se kush nuk paguan pas marrjes së kuponit të legalizimit, humbet pronësinë. “Edi Rama ka gati ligjin e konfiskimit te banesave. Ne kembe kunder mashtruesit dhe poshtruesit me te madh ne Europen e sotme!

Sigurimi i makinave do të llogaritet ndryshe që nga data 3 mars 2015. Ndryshimet ligjore parashikojnë nisjen e zbatimit të sistemit “Bonus-Malus” që kanë si premisë historikun e shoferit, ose numrin e aksidenteve. Ligji aktual parashikon sigurim fiks, i cili ndryshon vetëm në bazë të cilindratës. Me sistemin e ri parashikohet ndarja në 18 kategori të ndryshme me një koficient korrespondues. Sa më i lartë numri i aksidenteve aq më i lartë koeficienti, që çon mandej në shtim të vlerës së sigurimit të makinës.

Mediat greke tashmë e konsiderojnë fakt rrëzimin e qeverisë së Alexis Tsipras. Sipas tyre ai do të kërkojë zgjedhje të parakohshme, data e të cilave mund të jetë 13 apo 20 qershori. Shkak është humbja e numrave brenda partisë që çoi në këtë krizë të re për Greqinë, në kohën që marrëveshjet me Trojkën po ecnin përpara. Duhet thënë se Tsipras bëri shkëputje të madhe nga vota e referendumit e cila ishte kundër masave shtrënguese të kërkuara nga Gjermania. Por kryemimistri grek, duket se e gjeti gjuhën me partnerët europianë, të cilëve u bëri konçesione të mëdha.

Aksioni i qeverisë kundër informalitetit dhe evazionit po paraprihet nga dyshimet për selektim dhe goditje vetëm ndaj një kategorie. Deri sa të ndodhë, këto janë vetëm parashikime, apo në rastin më të keq, paragjykime. Gjithsesi, në vijim të procesit, mirë është të dëgjohet edhe ajo që thotë qeveria, por edhe ajo që thonë njerëz të fushës. Arben Malaj dhe Zef Preçi mendojnë se aksion është kompleks dhe nuk dihet nëse do të godasë biznesin e madh, ku shihet edhe zemra e problemit.

Opozita e kundërshton aksionin e paralajmëruar të qeverisë kundër evazionit dhe informalitetit, pasi sipas saj, përmes tij, po tentohet të mbulohet vjedhaj në tatime dhe dogana. Kryetari i Partisë Demokratike, në një deklaratë për median pak orë pasi kryeministri mblodhi në një takim drejtorët e tatimeve në lidhje me operacionin kundër informalitetit që do të nisë në shtator, u shpreh: “Rama nuk gjeti asnjë mundësi për të shpalosur përgjegjësinë që është vetëm e tija. Asnjë fajtor për 160 mln dollarë të vjedhur.