Lajme

Eurobondit shqiptar i ka kushtuar një hapësirë edhe agjencia “Reuters” e cila i referohet kryeministrit Edi Rama. Agjencia vë në dukje se Shqipëria është një vend me nivel të ulët të mbledhjeve të taksave, por për kryeministrin shqiptar, “Ky duhet të jetë një shqetësim i qeverisë dhe i popullit shqiptar, jo i investitorëve, për shkak se për investitorët kjo nuk përbën asnjë ndryshim”. Eurobondini emetuar kësaj radhe është 500 milionë euro dhe qeveria ka angazhuar J.P Morgan dhe Deutsche Bank si agjentë të vetët.

“Miremengjes miq, fotografi dixhital denoncon plantacione masive kanabisi ne Smokthine, arat e Sajmir Shullazit!!”- shkruan Berisha në një postim bërë paraditen e sotme në rrjetin social Facebook.
Këtë postim Berisha e ka shoqëruar me një foto, në të cilën sipas tij janë plantacionet me kanabis të Tahirit
Tahiri prej kohësh tashmë është në qendër të akzuave të opozitës për lidhjet me trafikanët e drogës dhe po prej kohësh PD po kërkon me këmbëngulje dorëheqjen e tij.

Thirrja e Papa Françeskut nuk i ndaloi autoritetet e Georgias në Shtetet e Bashkauara të ekzekutojnë femrën e parë pas 70 vitesh qëkurse u krye ekzekutimi i fundit për dënimin me vdekje.
Kelly Renee Gissendaner gjeti vdekjen pas injeksionit që iu bë nga autoritetet e burgut të Georgias. Ajo ishte dënuar me vdekje oër vrasjen e bashkëshortit të saj në vitin 1997, krim që e kishte kryer në bashkëpunim me të dashurin e saj.

Objekt i veifikimit të pretendimeve që parashtrohen në letrën e Spartak Brahos janë edhe disa vizita që i janë kryer Kastriot Ismailajt në burgun e Fierit dhe kërcënimet që ai të dëshmojë kundër Ilir Metës. Për këtë arsye, pritet që Prokuroria të verifikojë librin e fletëhyrjeve në burgun e Fierit. Panorama raporton se grupi i hetimit pritet të marrë në pyetje edhe biznesmenin me të shoqen. Mësohet se dy javë më parë Kastriot Ismailaj është lëvizur nga burgu i Fierit dhe është sjellë në Tiranë, pasi në Gjykatën e Apelit u mbajt seanca për çështjen e sekuestros së pasurive të tij.

Greqia dhe Maqedonia janë përplasur edhe njëherë për shkak të diferencave për emrin. Mediat flasin për një incident diplomatik me protagonist kryeministrin grek Aleksis Tsipras, i cili refuzoi të jetë i pranishëm në samitin e thirrur nga presidenti Obama në kuadër të luftës kundër terrorizmit.
Pala greke kishte kërkuar që Maqedonia të prezantohej në këtë samit me emrin e njohur nga OKB, si FYROM, por kjo kërkesë nuk u mor parasysh nga organizatorët qe lejuan prezantimin e Shkupit me emrin Republika e Maqedonisë.

“Putini ka të drejtë. Ai i ka lexuar ashtu siç duhet Iranin, Indinë dhe Sirinë”. Kështu shkruan në britaniken “The Guardian” Simon Jenkins, sipas të cilit koha ka ardhur që Perëndimi të adresojë krizat mbi premisa të realizmit dhe pragmatizmit, për të hequr dorë nga qasja dogmatike dhe kushtëzimi i tyre nga kërkesat e politikës së brendshme. Më e dukshme kjo është bërë në krizën siriane, ku presidenti Bashar al Assad është tani pjesë e zgjidhjes dhe jo aq e problemit.

Kompania japoneze “Hitachi” ka bërë të ditur zbulimin e një mënyre për të ruajtur informacionin dixhital, thuajse përgjithnjë dhe pa u degraduar. Materiali konservues është xham kuarci, i cili mund të durojë temperatura ekstreme. "Mundësia e humbjes së informacionit është rritur dhe jeta e cd-ve dhe hard drive mund të zgjasë disa dekada, e shumta një shekull”, shprehet Kazuyoshi Torii, kërkues në kompaninë “Hitachi”. Teknologjia e re konsiston në krijimin e njollave-nyjeve brenda një flete xhami kuarci që mund të lexohet me një mikroskop të zakonshëm.

Fondi Monetar Ndërkombëtar po monitoron nga shumë afër ecurinë e ekonomisë shqiptare dhe performacën e qeverisë në përputhje me angazhimet që ajo ka marrë sipas  marrëveshjes së nënshkruar me FMN.

Në prag të takimit të radhës mes dy palëve, përfaqësues i përhershëm i FMN-së në Shqipëri Jens Reinke në një intervistë të posaçme për Monitor ka zbuluar edhe kërkesat që do t’I parashtrohen palës shqiptare, ku më kryesorja është rikthimin në skemën e TVSH-së i kategorive të përjashtuara siç janë makineritë dhe paisjet.

Një denoncim në News24 dhe Avokati i Popullit ka hapur hetimet. Bëhet fjalë për mungesën e trinitrinës, që shërben për kurimin e të sëmurëve me zemër, që mungon edhe në QSUT. Tashmë është normale, janë praktikat tenderuese ato që e lënë spitalin si han duke detyruar njerëzit pastaj të blejnë vetë ilaçet.

Ministria e Bujqësisë nuk do të tolerojë më shitjen e prodhimeve bujqësore në tezgat e lagjeve apo që fermeret ta shesin vetë mallin e tyre në tregje. Çdo prodhim përpara se të dalë në treg do të kalojë nga pikat e shumicës për t’u pajisur me çertifikatën e mallit të origjinës dhe faturën përkatëse. Sipas udhësizmit fermerët do ta bëjnë këtë gjë vetëm pasi të  kenë vetëdeklaruar produktet  dhe  të  jenë pajisur me një kod që merret pranë Drejtorive Rajonale Tatimore, ose në Drejtoritë e Bujqësisë.