Lajme

Shqipëria zien nga lajmet se politikanët kryesorë kanë vjedhur qindra milionë euro me CEZ-in e çdo gjë tjetër që u del përpara, nga lajme që flasin për koncesione të reja. E për këtë nuk po përcaktohet dot procedura hetimore. Nga ana tjetër, disa tregtarëve ambulantë në Tiranë, afër spitalit nr. 5 u është sekuestruar malli. Raportohet se dy përfaqësues të tyre kanë takuar kryetarin e Bashkisë, ku janë ankuar se tregëtojnë ngaqë nuk ka punë. Po çfarë kanë sekustruar? Mall të përdorur, pasi ai tregëtohet aty.

Çështja e CEZ-it është rikthyer sot në seancë plenare ku kanë diskutuar të njëjtët protagonistë. Kryetari i Kuvendit, Ilir Meta, ka deklaruar se çdo gjë që është hapur për këtë çështje, synon goditjen e tij. “Ka rreth një muaj që po bëhemi dëshmitarë të një operacioni mafioz politik, mediatik dhe financiar për të përfshirë me domosdo, përmes një propagande mashtruese, e cila nuk mbështetet në asnjë fakt e në asnjë provë, përmes financimit mafioz të emisioneve e gazetarëve që fabrikojnë të pavërteta, dhe kolegë të caktuar deputetë që bëhen zëdhënës të tyre.

Kryeministri Edi Rama doli dje kundër idesë së hetimit ndërkombëtar të aferat e CEZ-it. Gjatë intervistës për “Zërin e Amerikës”, kryeministri tha se Shqipëria ka institucionet e veta, të cilat mundet të zbardhin çështjen. Diçka e papritur kur për disa muaj rresht kemi dëgjuar se drejtësia është një bandë që funksionon si korporatë. Një pyetje për personin që sot merr rrogën si kryeministër nga opozita: “Ka dy vjet që shan, mallkon, akuzon dhe shantazhon sistemin e drejtësisë, por kur duhet të mbrojë aferat e tij shndrrohet si askush tjetër në avokat të saj.

Ndonëse marrëdhëniet politike janë në pikën më të ulët, ato ekonomike mbeten të një rëndësie parësore në veçanti për Shqipërinë. Statistikat e fundit të Bankës së Shqipërisë bëjnë të ditur se Greqia ka stokun më të madh të investimeve të huaja në Shqipëri, në vitin 20014, me 1.16 miliardë lekë, në rritje prej 7% në raport me të njëjtën periudhë të një viti më parë.

Edhe një koncesion tjetër. Kësaj radhe bëhet fjalë për lejet e qarkullimit, të cilat që këtej e tutje parashikohen që t’i jepen me koncesion një kompanie private. Dhe ky konçesion rregullohet me një ndryshim të miratuar dje në mbledhje qeverie, në “Vendimin nr.153, datë 7.4.2000, të këshillit të ministrave, “Për miratimin e rregullores për zbatimin e kodit rrugor të republikës së shqipërisë”, të ndryshuar”.

Nishani në sinkron me Presidenti Nishani ka dhënë sqarimet e tij lidhur me letrën e Spartak Brahos, për një skenar destabilizimi të vendit, duke lënë të nënkuptohet se gjithçka është një lojë e kryeministrit Rama për të goditur Ilir Metën.

Ky gur është një gur, por nga “gërmimi” i fakteve ka rezultuar të jetë një pajisje përgjimi e sofistikuar e kamufluar në një gur. Guri është gjetur në qytetin Bani Hayan, në jug të Libanit dhe ishte i lidhur me kabëll elektrik, katër bateri dhe një kamera. Një pajisje përgjuese e vendosur aty nga izraelitët. Dhe raportohet se nuk është hera e parë. 

Thuajse një orë ka zgjatur dëshmia e bashkëshortes së Kastriot Ismailajt në Policinë e Tiranës. Sektori i Antikorrupsionit në Policinë e Tiranës filloi dje marrjen në pyetje të personave, emrat e të cilëve ishin përmendur në letrën që Spartak Braho u dërgoi krerëve të shtetit. Gjatë dëshmisë së saj në Policinë e Tiranës, Vojsava Ismailaj shoqërohej nga avokati Vladimir Meçi. Ajo u fut në ambientet e Policisë rreth orës 16:30 dhe doli rreth një orë më pas.

Zgjidhet më në fund misteri i varrit monumental  të zbuluar në Amfipoli në Greqi, ky dyshohej se ishte varrosur Aleksandri i Madh.  Ai u ndërtua për nder të Hefestionit,  mikut të ngushtë të Aleksandrit. Këtë projekt të madh Aleksandri ia ngarkoi arkitektit të tij, Deniokratit. Sipas studiuesve tani nuk ka më asnjë dyshim se varri monumental i përket periudhës helenistike.

Bashkia ka gati një plan për largimin e romëve nga Liqeni Artificial dhe do ta vërë në zbatim javën e ardhshme. Shkak sipas Vizion Plus janë ankesat e banorëve si dhe ngjarjet e pakëndëshme që kanë ndodhur ditët e fundit dhe në veçanti dhunimi i një shtetasi gjerman që kishte tentuar të shuante një zjarrë të ndezur nga romët.

Vizion Plus thotë se nëse institucionet shtetërore, nuk ndërhyjnë me masa konkrete, rastet e dhunës mund te përsëriten e po ashtu kjo zone e Parkut Kombëtar shume shpejt mund t’i ngjaje Sharrës se dikurshme.