Lajme

Media të ndryshme po raportojnë se kreu i organiztës islamike Jabhat Al Nusra, Abu Suleiman al-Masri është vrarë në luftimet afër fshatit Tal-al-Karsani, në periferi të Halepit. Grupi është përballur me ushtrinë siriane e cila ka nisur këto ditë një ofensivë të gjerë me synij rimarrjen e qendrës strategjike në fjalë. Al Nusra lufton si kundër forcave të presidentit Bashar al Assad, ashtu edhe kundër Shtetit Islamik. Nisur nga situatat e reja të krijuara me ndërhyrjen ruse, ka disa burime që po raportojnë për vendosjen e komunkimit mes Al Nusras dhe ISIS. 

Probleme ende të pazgjidhura me rrugët e mëdha kombëtare. Sipas një kronike të trasmetuar nga “Vizion Plus” fituesi i tenderit për koncesionin e rrugës Durrës – Kukës do të përzgjidhet në bazë të ofertës së tarifës që kompania do të vendosë për qytetarët, te cilët do të kalojnë ne këtë rrugë. Tenderi u shty edhe me dy javë të tjera për shkak të kërkesave që kishin bërë 4 kompanitë ofertuese pasi nuk kishin bërë ende gati vlerësimin financiar.

Suksesi i bisedimeve në vilën 31 dhe entuziasmi i Gramoz Ruçit për arritjen e marrëveshjes  për dekriminalizimin është nga ato shfaqje demode të politikës që gjejnë terren në ambjentin e brendshëm sa kohë që publiku  mbetet i kuadratuar në ato çka i servir shpura e qeverisë dhe opozitës.

“Lufta është vrasje, përjashto rastin kur jeta e një kombi vihet në rrezik”. Me këto fjalë e përkufizonte luftën Mustafa Kemal Ataturk, një strateg lufte me origjinë shqiptare dhe themelues i Turqisë Moderne. Por ushtarëve përveç guximit për t’u përballur me armikun u duhet edhe ushqim. Njeriu që hyri në histori jo vetëm si një ushtarak, por edhe si një politikan i shkëlqyer, luftoi në të dy kampet duke mbijetuar pikërisht falë një ushqimi që do t’ju lerë me gojë hapur. Pjata e preferuar e Ataturk ishin fasulet e bardha. I pëlqente aq shumë sa mund t’i konsumonte dhe disa herë në javë.

Drejtuesi i Dhomës Amerikane të Tregtisë, Mark Crawford, i është kundëpërgjigjur kryeministri Edi Rama i cili një ditë më parë tha se: “të shohin se çfarë ndodh në SHBA nëse nuk merr kuponin tatimor”. Sipas Crawford, në SHBA nuk të burgosin për kuponin tatimor. “Nuk di të ketë ndonjë shtet tjetër ku burgosesh nëse nuk merr kuponin tatimor. Ne jemi ndër të parët që kemi kërkuar luftë kundër informalitetit, por nuk duhet bërë me represion. Deri tani rezultatet kanë qenë negative”, tha Crawford, sipas “News24”. 

Zbardhet vendimi i Prokurorisë për çështjen e Serverit të Tatimeve, raporton “News 24”. Prokurorët Julian Zonja dhe Antoneta Sevdarasi në materialin prej 15 faqesh kanë parashtruar të gjitha argumentet se përse kjo çështje duhet pushuar dhe përse nuk ka vepër penale për të dy kallëzimet e bëra si nga ana e Drejtoreshës së Përgjithshme të Tatimeve Briseida Shehaj ashtu dhe nga ish-drejtori i IT i këtij institucioni Renald Rista. “News 24” ka arritur të sigurojë vendimin e plotë të Prokurorisë së Tiranës e cila ka vendosur në muajin qershor pushimin e çështjes.

Deputeti i Peqinit Alfred Peza u jep përgjigje të gjithë skeptikëve që kanë vënë në diskutim performancën e qeverisë në këto dy vite. Në një intervistë për gazetën Mapo ai është munduar ta shpjegojë me një karahasim vlerësimin e tij për qeverinë dhe sesi duhet ta shohin shqiptarët koalicionin Rama-Meta.

Eduard Ndocaj, personazhi kontravers i listës së Partisë Socialiste në Qarkun e Lezhës me shumë gjasë do të jetë ai që do të zëvendësojë Arben Ndokën në parlament. Kjo pasi, Ndrec Deda, të cilit I takonte mandate pas largimit të Ndokës ka deklaruar se do t’I kërkojë Komisionit Qëndror të Zgjedhjeve dorëheqjen nga lista për shkak se tani ai ushtron mandatin e kryetarit të bashkisë së Mirditës të fituar në 21 Qershor. I pyetur nga Gazeta “Shqip” ai është shprehur se populli e ka votuar si kryebashkiak dhe se ai është i vendosur të vazhdojë këtë detyrë.

Pas një dite të gjatë me bllokime  dhe tension shumica parlamentare në Kosovë ia arriti të mbajë seancën plenare të kuvendit në një sallë të improvizuar në ambientet e kuvendit. Në këtë seancë, siç njofton televizioni publik, ku nuk ishin të pranishëm deputetët e opozitës u miratuan disa projekt-ligje

Mbledhja 3 orëshe e grupit të kordinatorëve të Partisë Socialiste për zgjedhjet është mbyllur me një fund jo të lumtur për kryeministrin Rama, njëherësh edhe kryetar i partisë. Shumica u shprehën kundër propozimit të deputetit Koço Kokëdhima për shtyrjen e kongresit të Partisë parashikuar për në Janar. Burime pranë selisë rozë thanë për "Respublica" se Edi Rama ka mbetur i pakënaqur nga ky vendim, çka e ka reflektuar pasi ka dalë nga zyrat e Partisë Socialiste.