Lajme

Qeveria flet për reforma, për pastrimin e Shqipërisë lart e poshtë, por një reformë kyçe nuk e ka kryer akoma: administrimin e parave publike. Burimin e një korrupsioni masiv dhe gjeneratorin e kapitalizmit fisnor që ekziston në Shqipëri. Këtë kritikë nuk e bëjmë ne, se do akuzoheshim për keqdashje ndaj përpjekjeve titanike për pakëz dritë të qeverisë, por një deputet i mazhorancës. Artan Gaçi në një intervistë për “Tema Tv” kërkon pikërisht këtë: ndryshimin e rregullave të prokurimit, pasi paratë po shkojnë në disa duar prej vitesh. Dhe shërbimet nuk përmirësohen.

Në 1 janar 2014, hyri në fuqi marrëveshja aktuale mes FMN-së dhe qeverisë shqiptare, sipas të cilës e para zotohet t’i japë së dytës një kredi të butë 3-vjeçare prej 450 milionë eurosh, dhe e dyta zotohet që të shlyejë detyrimet e vjetra të qeverisë së mëparshme ndaj bizneseve dhe individëve në vlerën 700 milionë dollarë (me kursin e këmbimit të janarit 2014).

Kajro është e zhurmshme, kaotike dhe e mbipopulluar. Qeveria egjiptiane në krye të së cilës qëndron de facto Abdel Fattah el-Sisi po mendon, madje ka vendosur të ndërtojë një kryeqytet të ri për Egjiptin. Ai do të jetë larg në shkretëtirë dhje do të jetë një “kryeqytet global”, siç tha para disa kohësh ministri i Ndërtimit. Ka investitorë të interesuar për këtë megaprojekt dhe disa prej tyre kanë parë planet e një kryeqyteti që mendohet të jetë 700 km2 me një aeroport më të madh sesa ai i Londrës.

Në një letër të posaçme, Shoqata e Hidrokarbureve ka lajmëruar Ministrinë e Financave për problemet me koncesionin e markimit të karburanteve, për të cilin prej dy vitesh është kontraktuar  GFI Albania.

Pesë universitetet publike, përkatësisht Universiteti i Tiranës, i Korçës, i Shkodrës, i Vlorës dhe Universiteti i Durrësit shihen si studentët si institucione arsimore me nivel të lartë korrupsioni te pedagogët. Sipas të dhënave të një studimi të bërë nga organizata “Mjaft” në bashkëpunim me ambasadën amerikane 87.3% e studentëve kanë pohuar se ka korrupsion në fakultet.

Vdekja e 224 pasagjerëve në tragjedinë ajrore të Sinait javën e kaluar ishte sa e papritur aq edhe e dhunshme. Ndërsa skenarët që serviren nga mediat perëndimore dhe ato ruso-egjiptiane kundërshtojnë njëra tjetrën, hetimet po i mëshojnë më shumë idesë së një akti terrorist. Televizioni “France 2”, gazetat “Le Monde” dhe “Le Point” thonë se ekspertiza e kutive të zeza ka zbuluar se shkak i tragjedisë u bë një shpërthim në brendësi të avionit që sipas të dhënave lidhet me një akt terrorist.

Qeveria është nën presionin e FMN-së për të rritur në masë drastike taksat, kërkesë që ka alarmuar palën shqiptare, pasi një rritje e barrës fiskale për xhepat e shqiptarëve do ishte me kosto politike të paparashikueshme për qeverinë. Në këto kushte mazhoranca mobilizoi të gjitha influencat politike për të rezistuar ndaj kushteve të FMN-së, duke organizuar edhe takimin në vilën 31, pas të cilit ministri Ahmetaj dhe ish-drejtori i doganave Shpëtim Idrizi deklaruan se janë kundër rritjes së mëtejshme të taksave dhe ashpërsimit të penaliteteve ndaj biznesit.

Qeveria nuk po kalon ditë të mira. Kjo është e qartë si drita e diellit dhe një provë për këtë është irritimi kosntant i kryeministrit me mediat. Mirëpo problemet janë reale, nuk janë shpikur nga mediat dhe ndërkohë që ministra të ndryshëm përfliten për tendera e çdo gjë, poshtë, aty ku Edi Rama flet për Shqipërinë e vërtetë, gjërat janë rënduar. Sidomos ekonomikisht. Me sa duket një ndërhyrje duhet të isë dhe ajo ka zënë fill në planin politik. Meqenëse përpara është kongresi i PS-së, i pari në linjë është vënë Gramoz Ruçi, mbështetja e të cilit për Edi Ramën është e domosdoshme.