Lajme

Në seancën e kësaj të enjte në parlament ish-kryeministri Berisha kërkoi sqarime nga ministrja e Inovacionit Milena Harito për vendimin e qeverisë për t’u blerë dekodera dixhitalë 84 mijë familjeve në nevojë, me një shumë tenderimi prej 3.4 milionë dollarë. Ish-kryeministri tha se me këtë tender qeveria ka vendosur të shpërblejë kompaninë Dixhitalb me 3.4 milionë dollarë, ndërsa ministrja Harito nuk specifikoi se nga cila kompani do blihen dekoderat, por argumentoi se qeveria nuk mund t’i lërë shqiptarët pa parë televizor.

“Bashkimi Evropian rrezikon të shpërbëhet nëse nuk përgjigjet njëzëri, së bashku me istrumentat e unionit për menaxhimin e krizës migratore”, paralajmëroi shefja e diplomacisë së BE-së, Federica Mogherini. Në një intervistë të publikuar sot në gazetën italiane “Il Sole 24 Ore” ajo tha se: “Nëse evropianët vijojnë të kënaqur të japin përgjigje në rang kombëtar përballë një fenomeni evropian, kriza sa do të vijë e do të thellohet më tepër me reagimet e njëpasnjëshme të opinionit publik dhe të qeverive kombëtare, nesë nuk zhvillohen instrumente në lartësinë e duhur dhe me të njëjtin nivel”.

Me sa duket Gjergj Leka hapi një rrugë sesi disa këngëtarë të mund të vijnë sërish në vëmendje. Ndonëse deklaratat e tij u pasuan nga reagime të shumta, ato lanë një fill që u ndoq deri diku nga këngëtarja e dikurshme Alida Hisku. Sipas kësaj të fundit, ish-oficerë të Sigurimit të Shtetit kanë kryer përdhunime në qeli ndaj këngëtareve të dënuara. Hisku madje thoshte se ajo vetë kishte qenë një ndër viktimat.

Qeveria shkeli ligjin duke e anashkaluar Autoritetin e Konkurrencës nga koncesioni për portin e ri të karburanteve në Porto Romano. Në një prononcim për “Top Channel” kryetarja e këtij institucioni, Lindita Lati, tha se Autoriteti nuk u vu fare në dijeni për koncesionin por u njoh me të rastësisht në faqen zyrtare të Parlamentit kur kontrata gati ishte mbyllur. “Aty ne pamë ligjin që ishte në radhë për të kaluar që i jep të drejtë ekskluzive në Porto Romano.

Azilkërkimi në rritje nga shqiptarët është një dukuri që po bie në sy në Europë. Kjo ngase Shqipëria është një vend kandidat për në BE dhe rritja e kërkesave për azil, apo ikja e njerëzve, pasqyron një realitet krize. Një prononcim ka dhënë me këtë rast edhe mikesja e Partisë Demokratike, eurodeputetja Doris Pack, e cila e kërkon një përgjegjësi edhe te kryeministri Edi Rama: “Nuk e kuptoj, pse kemi kaq shumë shqiptarë që braktisin vendin. Nëse do të isha në vendin e Ramës, do të pyesja pse ndodh kjo?

Seanca e sotme plenare është shoqëruar me debate të mëdha mes pozitës dhe opozitës. Jozefina Topalli, ish-kryetare e Kuvendit, ka deklaruar se situata është e tillë që deputetët e së majtës, disa prej tyre, duhen nxjerë prej zhelesh nga Kuvendi. “Ka mbet mazhoranca të përfaqësohet nga burra 1 e 50 të gjatë. Para disa vitesh i kam thënë rojes që ta marrë ta nxjerrë prej zhelesh një deputet këtu.Por jam nxituar. Sot është koha që shqiptarët t’ju kapin të gjithëve për zhelesh dhe t’ju nxjerrin përjashta”, tha Topalli.

Në një takim me banorë të Petovës në Fier, kreu i opozitës, Lulzim Basha ka bërë të ditur se fshatarët do të paguajnë vetëm një taksë, atë të pronës. Ai ka theksuar se të gjitha paratë që do të mblidhen nga taksa e pronës do të shkojnë për investime në kanale kulluese dhe vaditëse.

Partia Demokratike dononcoi një tjetër aferë korruptive sipas saj që ka të bëjë me tenderin e ambulancave të spitaleve. Në një deklaratë për mediat nga selia blu, deputetja Eleina Qirici tha se edhe ambulancat “blihen tek Papuli”, aty ku janë porositur edhe xhaguarët e personaliteteve qeveritare.
“Para se të marrte Jaguarët me xhama të zinj, makinat e sheikëve, tek dyqani i Papulit, afera 2 milionë euroshe, Edi Rama i ka dhënë atij edhe 1 miliardë e 247 milionë lekë për blerje ambulancash.

Në muajin shtator 2014 një punonjës në administratë ka grumbulluar mesatarisht 8.7 milionë lekë për arkën e shtetit, ndërsa në shtator 2015 rendimenti për punonjës nuk është më shumë se 6 milionë lekë..
Revista Monitor raporton se grupet e përbashkëta të punës, mes punonjësve të administratës tatimore dhe institucioneve të tjera shtetërore, të krijuara në shtator, në kuadër të aksionit kundër informalitetit, nuk kanë arritur të rrisin eficiencën e mbldhjes së të ardhurave tatimore.
Konkretisht: