Lajme

Flitet prej vitesh për investime të huaja direkte, për investime serioze që mungojnë. Italianë, gjermanë, austriakë, grekë, e së fundmi kinezë dhe turq, kanë kaluar nga Shqipëria për të parë mundësinë e investimeve, por ende asgjë e hajrit nuk duket. Çfarë i mban larg të gjithë? Përgjigja është: politika. Një episod sesi politika shqiptare ndikon që askush të mos e marrë seriozisht vendin tonë, e ka treguar sot në “Natë me Xhaxhiun”, Geri Selenica i Qendrës Shqiptare për Studime Strategjike.

Pyjet, mjedisi në tërësi, prej kohësh po kapitalizohen si burime ekonomike edhe në Shqipëri. Mjerisht pa një strategji dhe shpesh duke shkaktuar dëme. Jamarbër Malltezi, kreu i Departamentit për Ambientin, Pyjet dhe Turizmin i Partisë Demokratike, në një intervistë për “ResPublica.al”, akuzon zyrtarë të lartë të qeverisë, duke argumentuar sipas tij paaftësinë e tyre dhe mungesën e qartësisë në punët e ndërmarra. Duke folur për lejet ndërtimore, Malltezi akuzon kryeministrin për klientelizëm.

Rusia ka të dhëna se terroristët janë duke u financuar nga 40 vende gjithsej, përfshi edhe disa shtete anëtare të G20-s. Deklarata është bërë ng presidenti rus, Vladimir Putin gjatë samitit dyditor që po mbahet në Antalia të Turqisë.
"Kam ofruar shembuj bazuar mbi të dhënat tona mbi financimin e njësive të ndryshme të Shtetit Islamik nga individë të ndryshëm privatë. Këto parà, nga çfarë nga rezulton neve, vijnë nga 40 vende dhe, mes tyre ka edhe disa prej anëtarëve të G20-s”, ka thënë Putin për gazetarët, siç bën të ditur “RT”.

Sokol Mjacaj u dënua nga Gjykata e Shkodrës me burgim të përjetshëm për vrasjen e 2 turistëve çekë në 3 korrik të këtij viti. Burgim i përjetshëm për një vrasje absurde. Vendimi duket se bën drejtësi në raport me aktin e kryer. Por ka edhe një perspektivë tjetër. Konstandin Xhuvani, djali i ish-deputetes së PS-së, Luiza Xhuvani, u dënua me 35 vjet nga Gjykata e Apelit Tiranë, meqenëse kishte kërkuar gjykim të shkurtuar. Xhuvani vrau katër vetë në lokalin “Ante Grand” më 4 nëntor 2014.

Nuk ka mbushur vitin në detyrë, por Erjon Veliaj po ja del që nga një kryetar bashkie që fliste për popullin dhe hallet e tij, të kthehet në një lloj administratori i shërbimeve me pagesë që Bashkia po ofron. Pas parkingut të parë me pagesë tek sheshi “Italia”, sot, kreu i Bashkisë së Tiranës, ka përuruar një tjetër parkim me pagesë te stadiumi “Selman Stërmasi”. Mënyra sesi Veliaj e përcjell investimin është origjinale krahasuar me çdo “politikan” tjetër: “Kjo është një mënyrë se si vetëm me 100 lekë dhe me një faturë tatimore, çdo qytetar praktikisht investon në një qytet më të mirë.

755 specie janë mësyrë Mesdheun duke shtuar kështu rrezikun për vetë këtë hapësirë detare, por edhe për lumenjtë e Europës. Një studim i financuar nga BE-ja ka nxjerrë në dritë këtë fakt që ka marrë përmasa shqetësuese këto 60 vjete. Rusia, Britania e Madhe, Gjermania, Italia, janë katër vendet që shihen si porta kryesore e hyrjes së specieve ekzotike. Gjermania konsiderohet importuesi kryesor i tyre në Europë, meqenëse është një vend me shumë lumenj dhe liqene. Si faktor në këtë invadim shihet njeriu me lëvizjen dhe transportin e tij të mallrave, por edhe ndryshimet klimaterike.

Mediat ndërkombëtare njoftojnë se i dyshuari kryesor për sulmet në Paris, Salah Abdeslam është arrestuar nga forcat policore belge në një lagje të Brukselit. Dhjetëra forca policore belge mësynë sot në lagjen Molenbeek në Bruksel, e njohur edhe si “kryeqyteti i xhihadit në Europë”. Nuk ka patur të lënduar gjatë aksionit policor dhe një njeri është parë të ndalohet dhe shoqërohet nga policia. Meduat thonë se i ndaluari është Abdeslam, por deri më tani nuk ka një njoftim zyrtar.

Ylli Manjani ka bërë sot publik urdhërin e tij të parë të cilin e ka konsideruar një nismë të drejtëpërdrejtë antikorrupsion. Ai tha se për drejtësinë vendos dikush tjetër dhe se ajo që kanë në dorë është respektimi i afatave për letër këmbimet ligjore mes Ministrisë së Drejtëisë, institucioneve në varësi të saj dhe qytetarëve, duke bërë një paralajmërim në këtë mënyrë për punonjësit e ministrisë.

Kryeministri Rama ka deklaruar sot se të gjitha bizneset e vogla me xhiro vjetore deri në 5 milion lekë do të përjashtohen nga tatim fitimi. Sipas tij, ato subjekte që do të futen në këtë kategori do të paguajnë vetëm sigurimet shëndetësore dhe shoqërore, duke qenë edhe të pajisur me kasë fiskale.

Abdel Hamid Abaaoud është truri i sulmeve terroriste në Paris. Ai është me origjinë marokiene dhe ka qenë pjesëmarrës në luftrat xhihadiste në Siri.

Mediat belge i referohen burimeve të policisë franceze që besojnë se Abaaoud është një prej udhëheqësve të celulës “Vervier”, grupit të xhihadistëve të kthyer nga Siria ndaj të cilëve u krye një operacion i madh janarin që shkoi. Një telefon i tij ishte gjetur vitin e shkuar  në Pangrati të Greqisë, ç’ka alarmoi policinë greke që asokohe bëri disa arrestime.