Lajme

Parisi është goditur sërish nga terrorizmi. Akte të njëpasnjëshme terroriste në kryeqytetin francez kanë lënë pas dhjetra viktima e të plagosur. Sulmet ndodhën në kohën që po luhej miqësorja Francë-Gjermani mbrëmjen e së premtes brenda një harku kohor prej pak minutash. Gjithçka ka qenë e kordinuar në mënyrë që aktet të ishin të njëkohshme.

Presidenti Olond, i cili ishte duke ndjekur takimin Francë-Gjermani është larguar nga tribuna i shoqëruar nga forca të shumta të sigurisë. Dyshimet janë se pas këtyre sulmeve qëndron Shteti Islamik.

Media tregoi interes të madh për takimin e vilës 30 ku Rama e Meta kishin thirrur ministrat e treguar me gisht nga opozita për korrupsion, lidhje kriminale e përfitime nga tendera publikë, Sajmir Tahiri, Ilir Beqaj e Damian Gjiknuri.

Shqipëria është shndërruar vitin e fundit në një nga ekonomitë me ecurinë më të dobët të kredisë në rajon. Konkluzioni del nga një raporti i posçaëm i Bankës së Shqipërisë, i cili analizon me hollësi tendencat e kreditimit në vendet e Europës qëndrore dhe asaj juglindore.

Sipas raportit, thuajse i gjithë rajoni po përballet me rritje anemike të kredisë. Por disa vende, në të cilat përfshihet edhe Shqipëria janë duke përjetuar rënie të këtij treguesi. Situata e Shqipërisë rezulton problematike veçanërisht tek kredia e biznesit.

Më 20 tetor të vitit 2013, në kulmin e operacionit “Fundi i Marrëzisë”, kundër lojërave të paligjshme të fatit, Ervis Martinaj, I akuzuari kryesor për vrasjen e Enton Nikës të mërkurën në Linzë ka kërcënuar me jetë shefin e repartit special “Shqiponja” në drejtorinë e policisë së Tiranës, Engjëllush Avdulaj.

Përfaqësues të biznesit kanë dalë sot në protestë dhe kanë paralajmëruar se ka nisur procedura e ankimimit kushtetues të ligjit të ri të procedurave tatimore. “Po ju bëj me dije që gjysmë ore më parë nisi procedura për të cuar në kushtetuese ligjin dhe kemi shpresë që do të fitojmë. Kushtetuta parashikon gjobë progresive, jo për një fije gjilpëre të gjetur në faturën tatimore të falimentosh një biznes. Dënohesh me tre vite burg dhe 10 mln gjobë, më thoni në 25 vite cili nga politikanët shqiptarë është burgosur”, thanë disa prej protestuesve.

Shkencëtarët kinezë kanë zhvilluar një material që do t’i bënte avionët ushtarakë të realizuar me të, të padetektueshëm nga radarët e sotshëm. Përfshirë ata me mikrovalë që punojnë në frekuenca super të larta apo UHF. Në përgjithësi këto materiale janë shumë të holla sa të përdoren në avionë ushtarakë, por ky materila bënë ndryshimin. Madje ai mund të përdoret edhe në anije ushtarake. Radarët e sotshëm përdëroin disa antena që përdorin energjinë e mikrovalëve që të shohin dhe identifikojnë përmasën e objekteve përtej reve dhe mjegullës. Kjo quhet seskioni i kryqëzimit të radarit.

Një planet i ri, i sapozbuuar jashtë sistemit tonë diellor, ka entuziazmuar shkencëtarët. GJ 1132b, ka afërsisht përmasat e Tokës dhe ndodhet në një sistem diellor 39 vite dritë larg nga Toka. Ai është më i ngjashmi me planetin tonë edhe sa i përket përbërjes shkëmbore,  çka e bën atë të quhet si “planeti më i rëndësishëm i zbuluar jashtë sistemit tonë diellor”.  Rëndësia e këtij planeti qëndron te ngjashmëria me Tokën dhe afërsia me të, që bën të mundshëm studime të detajuar të tij. Sa i përket mundësisë së jetës në të: zero.

Edward Snowden këshillon përmes një interviste për “Intercept” sesi duhet të mbrohemi të gjithë nga survejimi në internet dhe nga vjedhja e të dhënave tona personale. Snowden mborn idenë se shërbimet sekrete, agjenci të ndryshme, por edhe njerëz të ndryshëm, mund të depërtojnë në të dhënat tona, t’i ruajnë dhe përdorin ato për qëllime që bien ndesh me interesat e gjithësecilit. Për mbrojtjen dy sugjerime: përdorni Tor, brouzerin e kriptuar dhe një menaxhues fjalëkalimesh, që gjeneron fjalëkalime për çdo faqe që ju hapni.

Koalicioni është shumë i qëndrueshëm dhe opsioni i zgjedhjeve të parakohshme është një fantazi e medias. Kështu janë shprehur pas takimit të sotshëm, kryeministri Edi Rama dhe aleati i tij, Ilir Meta. Ky i fundit madje ka përjashtuar edhe ndryshimet e mëtejshme në qeveri. “Sa i përket takimit të sotëm, ne çdo të premte mbledhim njësinë e koordinimit të koalicionit. Sot ishte në fokus progres-raporti. Është progres-raporti më i mirë për Shqipërinë, që e vendos Shqipërinë në një nivel të vlerësueshëm lart edhe në raport me vendet që tani janë në periudhë negociatash.