Lajme

Kalimi i 1.6 tonë drogë nga Porti I Durrësit në atë të Barit dyshohet se është bërë me ndihmën e punonjësve të kompanisë së skanimit  ”Rapiscan  S 2 Albania” që merret me skanimin e automjeteve në Portin e Durrësit

Sipas policisë nga veprimet e para hetimore rezultoi se para se të kalontenë Portin e Durrësit, mjeti ishte skanuar nga Shoqëria”Rapiscan  S 2 Albania”, por punonjësit nuk kanë bërë asnjë lloj sinjalizimi , edhe pse gjatë skanimit është vërejtuar qartë që në mjetin me targa AA 292 JY dhe rimorkion  me targa ACR  715 ka patur dy lloje ngarkesash.

Daily Mail publikon videon e sulmit në një prej restoranteve të Parisit të premten e 13 Nëntorit. Personi që mban një armë kallashinokov besohet se është Salah Abdelsalah, pjesë e celulës xhihadiste të Molenbekut.

Shtetet e Bashkuara vendosën shifrën prej 5 milionë dollarësh për çdo informacion që do të çonte në kapjen e Abu Muhamad Al Shimali, i njohur ndryshe si njeriu që nxit rekrutimet në Europë, apo në vende të tjerë për llogari të Shtetit Islamik në Irak dhe Siri.

Sipas Departamentit Amerikan të Shtetit, 36 vjecari saudit është përgjegjes i Komitetit të Logjistikës dhe Emigracionit, me fokus rekrutimin e vullnetarëve të huaj dhe garantimin e udhëtimit të tyre në Irak dhe Siri. Ai njihet ndryshe si Tirad Al Xharba.

Një video e publikuar nga Ministria ruse e Mbrojtjes tregon sulmin ajror mbi një konvoj të ISIS, përbërë prej 500 kamionash me naftë që do kalonin nga Siria në Irak. Siç mund të shihet ISIS provon kështu kapacitete logjistike të mëdha, pavarësisht goditjeve ushtarake që kanë nisur prej disa kohësh.

NASA publikon këtë video ku shpjegohet se përse në hapësirë shikimi i njeriut mjegullohet. Një hipotezë është graviteti i ulët, por ky problem duhet zgjidhur përpara se misionet njerëzore të shkojnë në Mars. Deri më tani astronautët kanë përdorur syze të posaçme korrigjuese.

Ministria e Mbrojtjes ka kallëzuar ish-shefin e Shtabit të Ushtrisë, gjeneral Xhemal Gjunkshi për abuzime  me fondet. “Dita” raporton se Gjunkshit i kërkohet të kthejë pas 5 845 euro, të cilat pretendohet se i ka marrë nga buxheti për të paguar udhëtimet e bashkëshortes jashtë shtetit. “...vleres se biletave te udhetimit per jashte shtetit te bashkeshortes se paditesit te paguara padrejtesisht nga buxheti i shtetit dhe 800 euro te marra paradhenie sipas urdhrit te MM nr. 1793.

Presidenti sirian Bashar Al Assad nuk zhgënjen asnjëgerë kur është puna për t’i thënë gjërat direkt, siç i mendon, në media. Kësaj radhe, gjatë një interviste për francezen “Valeurs Actuelles”, Assad e cilëson aleatin dhe mbështetësin e vet, presidentin rus, Vladimir Putin, si të vetmin që me të vërtetë po mbron sot kristianizmin. “Kur shoh sesi janë punë aktualisht në botë, kuptoj se Vladimir Putin është i vetmi mbrojtës i qytetërimit krisitan që dikush mund të mbështetet”, tha Assad.

Kanë kaluar disa ditë që nga ndotja me hidrokarbure e brengdetit në qytetin e Durrrësit e më gjerë. Autoritetet kanë deklaruar se janë marrë masa për pastrimin, i cili për aq sa raportohet konsiston në heqjen e rërës së ndotur. Mirëpo sot, “News24” raporton se nga një këqyrje në terren rezulton se tonaltatat me rërë të ndotur mund të jenë hedhur në kanalin e ujërave që përshkon zonën e Kënetës deri në Porto Romano. “Përgjatë gjithë kanalit me sy të lirë shikohen gjyrmë të qarta hidrokarbyresh që qarkullojnë në ujërat e ndotur. Anës kanalit mbetjet janë ranore”, raporton News24.

Avokati i Popullit është bërë pjesë e diskutimeve për projektligjin e ri të pronave, që ka brenda gjetje origjinale për të hequr qafe pronarët legjitimë. Vërejtjet që sugjeron zyra e drejtuar nga Igli Totozani janë pak a shumë po ato që të gjithë që kanë diskutuar për këtë nismë, kanë ngritur. Po mbajmë shënim dhe nënvizojmë vërejtjet për nenin 6:

Kërkimi për simptomat mjekësore është një praktikë shumë e përhapur, por që shpesh i lë njerëzit me më shumë pyetje se përgjigje. Një aplikacion i ri e ka thjeshtuar punën duke ofruar një diagnozë që vlerëson rrezikun për kancerin e lëkurës, i cili pretendon se mund të jetë 83 për qind i saktë.