Lajme

Një vit më parë me urdhërin e Ministres së Mbrojtjes, Mimi Kodheli u krijua një komision i posaçëm, misioni i të cilit ishte evidentimi i 1000 veteranëve të Luftës Antifashiste Nacional-Çlirimtare, të cilëve do t’ju jepej “Medalja e Mirënjohjes” me rastin e 70-vjetorit të Çlirimit të Atdheut. Sipas ministrisë dekoratat u akorduan në bazë të propozimeve të shoqatave të veteranëve. Një vit më pas “Gazeta Shqiptare” siguroi ekskluzivisht listën e plotë, e cila u mbajt sekret dhe deri më sot nuk ishte bërë publike.

LSI është një parti me përvojë të vyer në politikë. Në thuajse 11 vjet ekzistencë gjysmën e viteve e ka kaluar në pushtet, ndaj dhe sugjerimet e saj për zgjidhjen ekrizës politike në Kosovë janë sa realiste aq edhe pragmatiste. Sekretari i Përgjithshëm Petrit Vasili thotë se përshkallëzimi i konfliktit politik në Kosovë nuk i shërben zgjidhjes së problemeve dhe përparimit demokratik të vendit ndaj dhe sipas tij duhen gjetur forma bashkëpunimi dhe modele të ngjashme që kanë çuar në zgjidhje të krizave politike edhe në Shqipëri .

Për të gjashtën javë radhazi çmimi i arit pësoi rënie duke arritur nivelin më të ulët historik të 5 viteve. Çmimi i arit këtë fundjavë u llogarit në 1056 dollarë për onz, duke shënuar një rënie me 13 për qind në krahasim me muajin Janar.

Bizneset shqiptare të cigareve dhe karburanteve transferuan këtë vit si çmime fundore ndaj konsumatorëve rreth 20 milionë euro të krijuara si kosto shtesë nga koncesionet e markimit, skanimit dhe pullës fiskale. Vala e re e koncesioneve 200 milionë euro në një vit në shëndetësi dhe projektet për rreth 70 koncesione të reja rrisin skepticizmin tek ekspertët dhe institucionet ndërkombëtare. Banka Botërore lajmëron për rreziqe që vijnë nga këto projekte.

Ishte Nëntor i vitit 1995 kur në bazën amerikane të Dejtonit në Ohaio të Shteteve të Bashkuara, tre protagonistët e mëdhenj të krizës së ish-Jugosllavisë, Sllobodan Millosheviç, Franio Tuxhman dhe Alia Izetbegoviç hodhën firmat për t'i dhënë fund luftës civile në Bosnjë-Hercegovinë që kishte shënuar më shumë se 100 mijë viktima dhe 2 milionë refugjatë.

Pa një strategji të përbashkët për të menaxhuar fluksin e emigrantëve nga Lindja, Maqedonia dhe Greqia do ta ndajnë kufirin me një gardh me tela si një mënyrë për të kufizuar hyrjen e emigrantëve. Ushtria maqedonase ka nisur prej pak ditësh ndërtimin e gardhit në zonën e Idomenit për të ndalur intervenimin e emigrantëve që duan të kalojnë në Europën Qëndrore.
500 forca janë angazhuar në vendosjen e kolonave në një largësi 3 metra nga njëra-tjetra me një lartësi më shumë një metër.

Albin Kurti u shfaq ditën e 28 Nëntorit në manifestimin e opozitës së bashkuar kosovare për të shpëtuar Republikën nga korrupsioni, vasaliteti apo “tradhëtia” kombëtare. Jo e rastësishme një protestë e tillë në ditën e pavarësisë së Shqipërisë, çka e vërtetoi edhe vetë fjalimi i Albin Kurtit që deklaroi publikisht dhe politikisht se nuk njeh flamurin lara lara të Kosovës, por atë me shkabë dykrenare.Zyrtarisht nga sheshi qëndror i Prishtinës opozita artikuloi një kërkesë politike që zhbën gjithçka është arritur deri më tani në Kosovë me ndihmën e faktorit ndërkombëtar.

Kriza siriane po kthehet me shpejtësi në një krizë ruso-turke që me gjasë mund të përfshijë edhe aktorë të tjerë. Në themel të përballjes duket se qëndron cenimi i interesave të mëdha të Turqisë dhe Erdoganit nga njëra anë, që kanë investuar shumë, pa sukese deri më tani në goditjen e regjimit shiit të Bashar Al-Assadit dhe nga ana tjetër qëndron irritimi dhe shqetësimi i fuqive krysore perëndimore, SHBA-Britani për suksesin e ndërhyrjes ruse. Parë në këtë aspekt kriza siriane po merr formën e një subversioni të dyanshëm që e çon edhe më larg zgjidhjen e vërtetë.

Kina ka kryer me sukses testin e gjashtë të një rakete ultra të shpejtë, që sipas disa analistëve depërton edhe mbrojtjen  raketore amerikane. DF-ZF u lëshua në qendrës e testimit raketor në Ëuzhai, në Kinën Qendrore. Ajo u transportua në kufijtë e atmosferës nga një raketë balisitike, ku u krye ndarja nga lëshuesi për t’u drejtuar në një rreze goditjeje disa mijëra kilometra në Perëndim të Kinës. Agjencitë amerikane të inteligjencës gjurmuan raketën e cila lëvizte me Mach 5, pra pesë herë mbi shpejtësinë e zërit.