Lajme

Kaluan 25 vite dhe Sali Berisha, njeriu i të gjitha bëmave, reale dhe imagjinare, ka përmendur në një intervistë Shenasi Ramën. Ky i fundit është një protagonist i lëvizjes së dhjetorit ’90 dhe ka prezantuar me këmbëngulje “konceptin” e “parisë së mbjellë në demokracinë shqiptare nga Ramiz Alia”. Saliu padyshim kryeson këtë operacion të kapjes së drejtimit të demokracisë, edhe pse, nëse do të hedhim sytë pas, do të shohim se Berisha megjithë zullumet që kanë marrë jetë njerëzish dhe çuan shtetin në shkatërrim, mbijetoi dhe u rikthye në pushtet me votë. Dha dorëheqje po nga vota.

Konfindustria shqiptare i kërkon qeverisë shqiptare dhe mazhorancës plotësimin e vendimit për heqjen e taksës për biznesin e vogël, me akte nënligjore. Sipas Konfindustrias, nëse vendimi do të aplikohet në formën e tanishme, mund të sjellë anarki në botën e biznesit.

Angazhimi i Turqisë në Siri lidhet me çështjen kurde. Ish-zyrtari i CIA-s Philip Giraldi dhe drejtor Ekzekutiv i Këshillit për Interesin Kombëtar ka komentuar në një intervistë për gazeta.ru se lufta e Turqisë ndaj qeverisë së Bashar Al Assadit lidhet pikërisht me shmangien e krijimit të shtetit kurd. Në këtë kuptim shkon edhe mbështetja për Shtetin Islamik. “Nëse kurdët krijojnë shtetin e tyre ata do të kapnin 30% të territorit të Turqisë. Ky është makthi i Erdoganit. Politika e tij në Siri duhet konsideruar nga kjo perspektivë.

Arben Malaj ka reagur ndaj një komenti të Blendi Fevziut për Lëvizjen për Mendimin Ndryshe që dikur tentoi të turbullonte ujërat në Partinë Socialiste. Arben Malaj cilëson se kjo lëvizje “ishte inspirim për njerëzit e mrekullueshëm të vendit tonë dhe jo aritmetikë personale e atyre që e iniciuan”. Malaj flet për faktin se miqësia mes Blushit dhe Ramës solli braktisjen prej të parit të LMN-së dhe reagimin e ekipit që kontrollon PS-në ndaj personave që aderonin në LMN.

59 miliardë lekë ka përcaktuar qeveria shqiptare këtë vit si fond investimesh i cili rezulton të jetë më i vogli që nga viti 2007. Shifra në fjalë pasqyron dështim të hapur në politikat fiskale të vitit që po lëmë pas, i cili u karakterizua nga ndërhyrjet represive të shtetit dhe nga shtrëngimet e mëdha në funskion të mbledhjes së të ardhurave. Për opozitën projektbuxheti 2016 e shton barrën fiskale por pa sjellë me vete rritje të investimeve dhe cilësi shërbimesh. Mund të pyetet për çfarë shërben kjo politikë fiskale dhe ku shkojnë paratë që u merren shqiptarëve?

Flet Ian Bradshaw, drejtori menaxhues i gazsjellësit Trans Adriatic Pipeline (TAP)

Vetëm disa vite më parë (pavarësisht të gjitha përpjekjeve) ishte pothuajse e pamundur për Shqipërinë që të mendonte se do të bëhej pjesë e një projekti gjigant të këtij lloji, me një rëndësi kaq të madhe gjeopolitike dhe ekonomike. Nisur nga perspektiva juaj, si mund ta ndryshojë TAP-i pozicionin e Shqipërisë në rajon?

“Pres Tv”, një ndër mediat kryesore iraniane, raporton se Rusia dhe ShBA mund të bien dakord për largimin nga pushteti të presidentit sirian Bashar al Assad dhe krijimin e një faze tranzitore që do të jepte një zgjidhje për krizën e gjatë të Sirisë. Televizioni në fjalë citon Celeste Wallander, drejtore për Rusinë dhe Eurazinë në Këshillit Kombëtar të Sigurisë, sipas të cilës procesi politik është në zhvillim e sipër. Wallander thotë se shpresat janë që kjo gjë të arrihet me vizitën e sekretarit amerikan të Shtetit John Kerry në Moskë javën që vjen.

Në vitin 2010, Kombinati i Përpunimit të Thellë të Naftës në Ballsh, në atë kohë nën pronësinë e Rezart Taçit, i shiti një sasi karburanti gjysmë të përpunuar, të njohur si “virgin”, një kompanie të panjohur me emrin “Tea Construction & Petrol”. Sasia prej 5.6 milionë kilogramësh kishte vlerën prej 500 milionë lekësh dhe qe pa taksa.

Në Shqipëri, aktualisht një litër naftë i nënshtrohet një tatimi prej rreth 100 lekësh për litër, ku përfshihet, 37 lekë akcizë, 27 lekë taksë qarkullimi, taksë karboni e TVSH, e cila varion nga çmimi final i shitjes.

21 janari është një ngjarje e rëndë në historinë e ketyre viteve të fundit. Për atë që ishte aty, apo që e ka ndjekur nga mediat, e ka ende të pakuptueshme arsyen e vrasjes së katër personave që mbetën viktima në mbyllje të protestës. Nuk arrin dot të kuptojë se përse pushteti i tanishëm nuk inicion procesin për drejtësi, jo për hakmarrje.

Në maj të këtij viti qeveria vendosi që të jepte 88 ha tokë shtetërore me synin ndërtimin e një varreze private. Përfitues nga kjo dhuratë është një kompani, “VEBO Invest” . Sipas disa raportimeve, në këtë kompani është bashkëpronar edhe Besim Cara, i vëllai i deputetit socialist Parid Cara. Për të bërë të mundur që dhënia të ishte e sigurtë, ministria e drejtuar nga ministrja Eglantina Gjermeni ka bërë ndryshimin në ligjin “Për shërbimin publik të Varrezave” duke përcaktuar se “këto lloj kontratash cilësohen si ekskluzive dhe mund të përfitohen edhe pa tender”.