Lajme

Makina e kreut të OSHEE-së Adrian Çela ështe shkrumbuar totalisht, teksa ndodhej e parkuar në parkingun nëntokesorët të pallatit ku banon. Ngjarja është regjistruar pas mesnatës në lagjen nr 1 të qytetit të Durrësit. Fillimisht policia njoftoi se  flakët kanë rënë në mjetin mjetin tip “Range Rover” me targa AA 164 AX, në pronësi të Adrian Çelës, duke rrezikuar të përhapej edhe tek të tjerë automjete që ndodheshin të parkuar.

BERZH parashikon që rritja ekonomike në Shqipëri për 2016 të jetë rreth 2 3.3% në kuadër të përmirësimit të situatës në Eurozonë dhe efekteve pozitive të programeve të reformës strukturale në disa sektorë, vazhdimësisë së Investimeve të Huaja Direkte; një rritjeje graduale në huadhënien e bankave dhe fillimit të punimeve për ndërtimin e linjës së gazsjellësit Trans-Adriatik (TAP).Drejtori për Shqipërinë Christoph Denk thotë se qeveria ka rritur përpjekjet për uljen e informalitetit në ekonomi të cilat do të gjenerojnë përfitime të gjëra në kuadrin e një periudhe afatmesme.Sipas tij mundësit

Kompania, e cila jep asistencën për qeverinë shqiptare, “Crown Agents” denoncon korrupsionin në radhët e doganave dhe kontrabandën, si shkakun kryesor në rënien e të ardhurave në buxhetin e shtetit. Në një raport të gjatë të nisur në Kryeministri dhe në Ministrinë e Financave, në 17 shkurt të 2015-ës, “Crown Agents” kundërshton akuzat për paaftësi në përmbushjen e kontratës që ka me qeverinë, për mosrealizimin e të ardhurave në buxhet.

Komisioni i Venecias nuk merr përsipër të zgjidhë mosmarrëveshjen mes mazhorancës dhe opozitës për mënyrën e zgjedhjes së kandidaturave për organet e sistemit të drejtësisë. Eksperti, Thomas Markert tha se të dy variantet, si ai i paraqitur nga mazhoranca me votim 3/5 dhe ai nga opozita me votim 2/3 janë brenda standardeve europiane. Ai tha se i takon partive politike të gjejnë një marrëveshje për këtë çështje dhe jo Komisionit të Venecias.

Vizita para pak e muajsh e kancelares Merkel në Tiranë la përshtypjen se çelja e negociatave të anëtarësimit të Shqipërisë me Bashkimin Europian ishte në prag. Por vetë qëndrimi i Merkel dhe më pas raporti i Komisionit Europian hoqën çdo ilizion se Shqipërisë po i hapej dera për anëtarësim. Kur po mbushet viti i tretë i qeverisjes së Aleancës për Shqipërinë Europiane rreziku që Shqipëria të mos hapë negociatat në këtë mandat të qeverisë Rama është evident, ndaj dhe kryeministri Rama deklaroi nga Brukseli se vendimmarrja e BE për këtë çështje është e paparashikueshme.

Zëvendësministrja e Financave Irena Beqiraj ka sqaruar në një intervistë për gazetën Tema iniciativën e qeverisë për të rritur shkallën e administrimit të TVSH-së. Sipas zonjës Beqiraj, administrimi i taksës së TVSH-së nuk do të jepet me koncesion, por është një projekt bashkëpunimi në formën e Partneritit Publik Privat, i cili pritet të minimizojë evazionin fiskal. Beqiraj sqaron se në këtë rast kemi të bëjmë me një platformë teknologjike dixhitale, e cila do të mundësojë raportimin në kohë reale të cdo transaksioni, apo për çdo shitje e blerje.

Ish-kryeministri i vendit, Sali Berisha, pretendon se në çështjen që solli arrestimin e oficerit të shërbimeve inteligjente, Florian Bushi, është i implikuar edhe ministri i Brendshëm, Sajmir Tahiri. “Oficeri i sherbimit inteligjent qe informoi vrasesit, me te drejte u arrstua! Po Saje qorri, qe i dergoi sms Memushit, nuk arrestohet? Te dashur miq, dje prokuroria prangosi ne nje operacion per t'u pershendetur, oficerin e SHISH Florian Bushi, njekohesisht vellai i avokatit direkt te Edi Rames, Ermal Bushi, si kriminel qe kishte informuar vrasesit per vendndodhjen e viktimave te tyre.

Ashtu siç ishte përfolur në media, Ministria e Financave dështoi me planin e të ardhurave në buxhet, teksa pranon se ka mbledhur për vitin 2015, 19.7 miliardë lekë më pak se objektivi. Mosrealizimet më të mëdha erdhën nga zëra si akciza, tatimi mbi të ardhurat personale dhe të ardhurat jotatimore.

Cilado qoftë situata e Bashkimit Europian sot, Shqipëria mund të shpresojë te mbështetja e Italisë, e cila sheh te vendi ynë një hapësirë europiane që i mungon unionit. Kryeministri italian, Matteo Renzi ka deklaruar gjatë një interviste në emisionin “Porta a Porta” se Shqipëria duhet të përfshihet në BE. “Zgjerimi ishte një gjë shumë e mirë. Ndoshta duhej të shiheshin pak më me kujdes detajet e procesit, por sot unë jam pro anëtarësimit të Shqipërisë. Në Ballkan do të shtohen vështirësitë nëse nuk ndërhyjmë në kohë.

Po diskutohet gjerësisht në media, me spekullime nga më të shumtat, partneriteti që qeveria ka vendosur të aplikojë me subjekte private për përmirësimin e mbledhjes së TVSH-së. Siç është sqaruar nga Ministria e Financave, kompania private që do të fitojë pas tenderit, do të mundësojë një sistem që përcjell te Drejtoria e Tatimeve faturat në kohë reale, përfshirë edhe transaksionet bankare. Mbledhja e çdo takse dhe detyrat funksionale të Tatimeve mbeten ato që janë.