Lajme

Fondi Monetar Ndërkombëtar nuk miraton dy këstet e kredisë për Shqipërinë sipas parashikimit të publikuar në muajin nëntor. “Ora-News” raporton se në muajin janar bordi ekzekutiv i FMN-së ka zhvilluar shtatë takime, por në asnjë prej tyre nuk figuron Shqipëria. Po kështu edhe në mbledhjen e datës 5 shkurt, Shqipëria nuk është në axhendë. Të dyja këstet kanë vlerë 73.8 milionë dollarë, lëvrimi i të cilëve “pritet të jetë çështje kohe, pasi palët kanë rënë dakord në plotësimin e detyrimeve që lindin nga marrëveshja e përbashkët tre vjeçare”.

Pas intervistës që biznesmeni Gazment Demi dha për “ResPublica” ka reaguar ish-kryeministri Sali Berisha. Përmes një postimi në profilin e vet në “Facebook” Berisha përsërit qëndrimin e tij, duke nënvizuar në fund se “Me kete rast dua ti them Edi Rames: Se pari, miqesia me Sali Berishen apo cilindo familjare te tij, e cilitdo qofte nuk eshte dhe nuk do jete kurre liçense per te vjedhur ti dhe anturazhi yt pasurite publike te ketij vendi.

Kandidatja demokrate në zgjedhjet presidenciale amerikane, Hillary Clinton ka deklaruar se presidenti aktual, Barack Obama, mund të ishte shumë mirë një gjyqtar i Gjykatës së Lartë. Gjatë një takimi në Iowa, Clinton u shpreh se nëse do të zgjidhet presidente donta caktonte Obamën gjyqtar në Gjykatën e Lartë. “Asnjë nuk ma ka sugjeruar këtë. Do ta dëshiroja shumë. Ai i ka të gjitha kredencialet”, tha ajo. Ligjiërisht kjo nuk ndalohet, por në planin politik nuk është shumë e përshtatshme.

Politikanët nacionalistë europianë, pjesë e grupit Europa e Kombeve dhe Lirisë në Parlamentin Europian, po zhvillojnë kongresin e tyre të parë në Milano të Italisë. Aktiviteti vjen një vit pasi grupi u krijua dhe ai është hapur nga Marine Le Pen e Frontit Nacional të Francës. Kjo e fundit e ka pagëzuar që në fillim drejtimin e politikës së tyre, kur ka nënvizuar se “imigrantët do t’i varfërojnë kombet europiane dhe do të asgjësojnë qytetërimin e tyre përgjithnjë”. Partitë nacionaliste po zënë përherë e më shumë vend në zgjedhjet e europianëve.

Një tjetër pengesë shfaqet për gazsjellësin Transadriatik(TAP), ndërkohë që palët janë bërë gati për investimin. Një grup prej 37 OJQ-së në BE kanë përpiluar një letër përmes së cilës i kërkojnë Bankës Europiane të Investimeve të mos lëëvrojë kredinë për Korridorin Jugor të Gazit, 3500 km, që sjell gazin nga Azerbajxhani në Europë. Letra kërkon që kredia, më e madhja që banka ka dhënë ndonjëherë, të mos i akordohet konsorciumit, i cili është ngarkuar me zhvillimin e seksionit perëndimor të Korridorit, pra TAP.

Koroporata Elektroenergjetike Shqiptare dhe Operatori i Sistemit të Transmetimit kanë vendosur të shkrijnë trupën e tyre të sigurisë. Lajmi raportohet nga “shqiptarja.com”, që referon burime të Ministrisë së Energjisë. Po sipas kësaj gazete vendimi është shoqëruar me pushime kolektive nga puna të stafit ekzsitues për arsye se siguria do t’u besohet kompanive private. Reforma në këtë sektor vjen si pasojë e konsultimeve të Bankës Boëtrore, shkruan “shqiptarja.com”.

Shkencëtarët e Royal Astronomical Society mendojnë se kanë zbuluar atë që mund të jetë sistemi diellor më i madh. Një planet i vetmuar, 2MASS i2126-8140 dhe ylli TYC 9486-927-1, u zbuluan dekadën e fundit, por vetëm tani mendohet se ata janë të lidhur me një orbitë gjigande. Miliarda vjet larg njëri-tjetrit ata konstituojnë siatemin diellor më të madh me dy trupa që ndodhen 600 miliardë milje larg njëri-tjetrit, ose 7000 herë distanca mes Tokës dhe Diellit.

Në hyrje të kishës së madhe të Saint-Sulpice, në Saint-Germain des-Près, aty ku ishte pagëzuar fëmija i quajtur Charles Baudelaire, gjenden afresket e fundit të Eugene Delacroix, pasi pikërisht aty ai u ftoh dhe shpejt sëmundja do ta mundëte për ta çuar drejt vdekjes. Pothuajse njëqind metra më tutje, në «Place Furstenberg», ishte shtëpia dhe atelieri i tij ku do të mbeteshin dhe veprat e tij të fundit.

Primati i Kishës Ortodokse Shqiptare, kryepeshkopi Anastas Janullatos është intervistuar nga CNN Greek ku ka folur rreth situatës globale të shfaqjes së terrorizmit dhe mënyrën sesi po e lufton perëndimi.

Pyetjes nëse Perëndimi ka përgjegjësi për shpërthimin e terrorizmit dhe nëse fenomeni ka implikime fetare, kryepeshkopi Janullatos u përgjigj: "Unë do t'ju them diçka provokuese. Kam përshtypjen se Perëndimi nuk shqetësohet shumë se çfarë do të thotë padrejtësi  dhe varfëri dhe se ku mund t’i çojë popujt varfëria”

Tensionet mes Turqisë dhe Rusisë rikthehen. Për Ankaranë një avion ushtarak rus ka shkelur hapsirën ajrore dhe thërriti menjeherë ambasadorin rus, Andrei Karlov.Sipas Ministrisë së Jashtme turke “avioni Su-34 i forcave ajrore të Federatës ruse shkeli hapsirën ajrore të Turqisë në orën 11:46 minuta të së premtes, pavarësisht paralajmërimeve që iu dhanë”.