Lajme

Oferta PS-LSI për të qeverisur edhe 4 vjet Shqipërinë sipas ish-ministrit të Transporteve, Edmond Haxhinasto ka vlerë për sa kohë të dyja partitë nuk i kanë ezauruar potencialet e tyre. Në cilësinë e sekretarit për programin elektoral të LSI-së, Haxhinasto thotë se të dyja partitë jo gjithmonë kanë patur konsensus për reformat, por kjo nuk i pengon të vazhdojnë bashkëpunimin.

Në Greqi jetojnë më shumë se gjysmë milioni emigrantë të ligjshëm. Dy të tretat e tyre ose 401 mijë janë shqiptarë, siç rezulton nga statistikat zyrtare.
Shifrat janë publikuar në Ditën Ndërkombëtare të Emigrantit. Ministri i emigracionit, Janis Muzalas ka rreshtuar si prioritete ofrimin e kushteve me dinjitet të jetesës për refugjatët, gjetjen e zgjidhjeve ndaj vështirësive që ka krijuar kriza ekonomike posaçërisht për emigrantët, si dhe luftimin e racizmit dhe ksenofobisë.

Komisionit Shtetëror i Zgjedhjeve vendosi të pranojë kërkesën e Lëvizjes "Besa" për ripërsëritjen e zgjedhjeve në Gostivar, zonë e banuar në shumicë nga elementi shqiptar. Ky zhvillim i hap rrugë një skenari të ri krize pasi mund të barazojë mandatet në 50 me 50 mes dy koalicioneve, duke çuar sërish vendin në zgjedhje. Aktualisht koalicioni i udhëhequr nga VMRO-DPMNE e Gruevskit ka siguruar 51 mandate ndërsa opozita e bashkuar e udhëhequr nga LSDM e Zoran Zaev ka 49 mandate.

Kështu e cilëson gazeta izraelite atë çfarë ndodhi në qytetin sirian që u rikthye në kontrollin e Damaskut zyrtar. 

Kompania amerikane Gallup, e cila ka kryer sondazhe opinioni qysh nga viti 1935, ka publikuar sondazhin e fundit të saj rreth opinionit të amerikanëve për presidentin e zgjedhur Donald Trump (http://www.gallup.com/poll/199997/trump-maintains-post-election-bounce-no-new-gains.aspx?g_source=Politics&g_medium=newsfeed&g_campaign=tiles )

Një libër plot zbulime që do të përmbysë raportet e të vërtetave që janë thënë mbi Sadam Hussein pritet të publikohet në 27 Dhjetor. Titulli i librit është “Marrja në pyetje e Presidentit" dhe mban autorësinë e ish-hetuesit të CIA-s, Xhon Nikson. Ndër të tjera ai thekson në libër se pas marrjes në pyetje "diktatori brutal Saddam Hussein» përmbysi të gjitha përfundimet mbi të cilat u planifikua pushtimi i Irakut.

Kryeministri deklaroi sot në komunikimin e tij javor se qeveria do të falë kamatëvonesat e energjisë elektrike për pensionistët. Kryeministri ka bërë të ditur madje se i kanë dhënë uratën për këtë akt, që bën pjesë në atë që quhet paketa e solidaritetit, e cila konsiston në falje dhe shpërblime për shtresat në nevojë.

18 vjeçari, Kristi Panajoti ishte viktima e fundit e një aksidenti që ndodhi në rrugët pa sinjalistikë të Shqipërisë, e aq më tepët në një segment në ndërtim e sipër siç është aksi i Lungomares në Vlorë. Babai i tij e ka quajtur vrasje shtetërore dhe ka kërkuar drejtësi.