Lajme

Pietro Citati shkruan sot në “Corriere della Sera” për një projekt të Federico Fellinit për Venecian. Një film i parealizuar për një qytet që siç na thotë Citati, e kishte magjepsur mjeshtrin e madh të kinemasë. Fellini erdhi në këtë projekt pas mahnitjes me Venecian, mahnitjes personale si përvojë e ecjes në qytet, e karnavaleve, e gjeografisë së tij. Por edhe si pasojë e leximeve gati maniakale të parardhësve të tjerë që ranë në dashuri me Venecian, këtë magjistare të përjetshme. Frederick Rolfe, John Ruskin, dy mësues të mëdhenj shpirtërorë të regjizorit.

"Nëse zonja Clinton do ishte zgjedhur presidente e SHBA-së, do të kishte shpëthyer një luftë e madhe, por tani me zgjedhjen e Trump nuk mendoj se do të ndodhë”. Kështu është shprehur regjisori serb Emir Kusturica për asgjencinë ruse të lajmeve TASS.

Regjisori i njohur shtoi se fitorja e Donald Trump në zgjedhjet presidenciale amerikane ka shpëtuar njerëzimin nga një luftë e madhe.

Këtë të enjte në Kuvendin e Shqipërisë mbajti një fjalim kardinali katolik Dom Ernest Troshani, i cili iu drejtua me një mesazh deputetëve të kuvendit dhe popullit shqiptar. Ai e quajti një nder të pashoq “me folë nga foltorja e Kuvendit në emën të Kishës Katolike Shqiptare”.

Gjykata Kushtetuese ka rrëzuar kërkesën e Partisë Demokratike për shpalljen si antikushtetues të ligjit të Vettingut. Disa media raportojnë se dy gjyqtarë kanë votuar pro kërkesës, ndërkohë që gjashtë të tjerë kundër. Do të duhet pritur zbardhja e vendimit për të sqaruar argumentet, por me hyrjen në fuqi të ligjit, merr fund një debat i zgjatur që ka ngarkuar me teprica edhe vlerën e vërtetë të një ligji të tillë. 

Një interpelancë e kërkuar sot nga disa deputetë me kryeminstrin Edi Rama, ka devijuar në akuza për implikim tërësor të qeverië në aktivitet kriminale. Ndoënse një nga kërkuesit e interpelancës, Ben Blushi, e lidhi refuzimin e KE-së për Shqipërinë me krimin dhe korrupsionin, Edi Rama, refuzoi ta pranonte si argument duke vazhduar me tezën se kusht mbetet vetting. Në diskutim e sipër, deputeti i LIBRA-s, ish-drejtues në PS, ka deklaruar se një shembull që flet se përse negociatat nuk hapen është edhe ai i Klemend Balilit.

230 milionë euro – kjo është shifra e mundshme për modernizimin e ushtrisë serbe. Paketa do të mundësohet nga një marrëveshje me Rusinë, ku së fundmi ndodhet për vizitë kryeministri serb, Aleksander Vuçiç. Sipas këtij të fundit, nëse Serbia do ë blinte pajisjet dhe avionët Mig29, ato do t’I kushtonin asaj 600 milionë euro. Vuçiç, që vizitoi edhe disa mjedise ushtarake në Rusi, e ka cilësuar këtë etapë modernizimi që përfshin avionë, tanked he mjete të tjera si moment transformimi.

“Nuk ka për të qenë më e njëjta ushtri”, citojnë mediat serbe kryeministrin.

Politika perëndimore duhet të adresojë nacionalizmin si zgjidhje për paqen në Ballkan. Kjo është pak a shumë ideja që hidhet në një shkrim të publikuar në “Foreign Affairs” nga autori Timothy Less, drejtor I Nova Europa, një konsulent mbi politikat e riskut dhe ish-diplomat. Ai e nis shkrimin me pretendimet me karakter nacionalist të minoriteteve në Ballkan, të shqiptarëve, serbëve dhe kroatëve. Popuj që janë të shpërndarë në Ballkanin Perëndimor, zona më e pastabilizuar në Europë.

Në prani Të Presidentit të Federatës Ruse, Vladimir Putin u mbajt në Moskë funerali i ambasadorit rus të vrarë në Ankara, Andrei Karlov. Vladimir Putin vuri lule mbi arkivolim e diplomatit dhe më pas u ul pranë gruas së ve të ambasadorit me të cilën pati  një bisedë të shkurtër. Pak minuta më pas ai u largua. Në funeralin e Andrei Karlov, që u krye me nderimet më të larta shtetërore, ishte e pranishme gjithë udhëheqja ruse. Nisur nga zhvillimet e ditëvetë fundit presidenti Vladimir Putin e shtyu për të premten në mesditë konferencën vjetore.

Një një vizitë të programuar që përkoi me disa ngjarje me sfond terrorist në Turqi, presidenti shqiptar Bujar Nishani shprehu mbështetjen për pushtetin në Ankara, duke dënuar si sulmet terroristëve të ditëve të fundit, por edhe grushtin e shtetit të muajit korrik.