Lajme

Nuk mjafton vetëm kriza e brendshme që ka vënë në pikëpyetje vetë ekzistencën e shtetit, por tashmë Libani po përballet edhe me një lloj izolimi rajonal. Mediat raportojnë se Kuvajti ka dëbuar ambasadorin e Libanit, të cilit i ka lënë 48 orë për t’u larguar. Kuvajti po ashtu ka tërhequr ambasadorin e vet nga Bejruti. 

Taulant Balla i Partisë Socialiste deklaronte sot se PS-ja është e gatshme të ngrejë të hënën Komisionin Parlamentar për Reformën Zgjedhore.

Një ditë më parë foli Damian Gjiknuri për të njëjtën gjë. Një shenjë kjo e rivalitetit qesharak që ka kapluar partinë kryesore në vend për poste e ofiqe formalë që nuk ngrenë kandar në një organizatë personale si ajo.

Përtej kësaj, çështja që ka interes është të numerizohet reforma zgjedhore. E sata është në 30 vjet pluralizëm? E 35-ta? e 59-ta? apo e 100-ta?

Më 20 mars të vitit 2018, Erion Veliajt I është dërguar një letër nga nxënës të klasës së 4-t A të shkollës “Gjergj Fishta”. Përmes saj, nxënësit ankohen për trafikun e madh në Unazën e Re të “qytetit tonë” dhe i bëjnë një sugjerim që të vendoset një polic dhe një semafor.

Letra është në fakt një improvizim me natyrë didaktike i përfshirë në tekstin e lëndës “Gjuha Shqipe” e klasës së 4-të të shkollave fillore, faqja 38 dhe ajo synon të udhëzojë fëmijët për hartimin e një letre zyrtare.

Një grup biznesmenësh me në krye miliarderët Reid Hoffman dhe George Soros ka ndërmarrë nismën e krijimit të disa mediave me synim luftën ndaj dizinformimit. Grupi në fjalë do të drejtohet nga Tara McGowan, një ish-stratege e demokratëve e që deri pak kohë më parë ka drejtuar një OJQ të quajtur ACRONYM, e cila menaxhoi një fushatë të tërë dixhitale kundër Trump në shifrat që arritën në 100 milionë dollarë. Në mbështetje të ACRONYM ishte edhe Hoffman, themelues i LinkedIn.

Kjo është një intervistë e sociologut të njohur, Zygmunt Bauman, publikuar më 2016-ën në spanjollen “El Pais”. Ndonëse disa gjëra kanë ndryshuar, vërejtjet e përcjella në të mbeten të paktën si probleme: kriza e tanishme është krizë e demokracisë, institucioneve të saj, se ne epokën e individualizmit komunitetet po asgjësohen dhe se mediat sociale po konsolidojnë këtë prirje.

Gjykata e Apelit në Amsterdam të Hollandës ka vendosur se koleksioni i Arit të Skithëve duhet t’i dorëzohet Ukrainës. Sipas gjykatës ky koleksion, i prezantuar në Allard Pierson Museum në universitetin e Amsterdamit në vitin 2014, i përket shtetit të Ukrainës dhe është pjesë e trashëgimisë së tij.

Komisioni Federal i Komunikimeve në SHBA, ka votuar unanimisht kundër dhënies së autorizimit për kompaninë China Telecom Americas, çka e bën praktikisht të pamundur që kjo e fundit të ushtrojë aktivitet brenda SHBA. Sipas Komitetit, kompania në fjalë paraqet rrezik për sigurinë kombëtare të SHBA pasi sipas saj është subjekt i shfrytëzimit të qeverisë kineze dhe me gjasë u përgjigjet kërkesave të Pekinit për të ekspozim të dhënash të klientëve.

Ky nuk është një vendim i lehtë, por është një hap i domosdoshëm dhe i rëndësishëm

Kompania e Elon Musk, Tesla, ka kapërcyer në aksione vlerën e 1 trilionë dollarëve.

"Bloomberg" raporton se një ndër shkaqet për këtë rritje të menjëhershme është shitja e 100 000 makinave elektrike kompanisë “Hertz Global Holding Inc” e cila synon elektrifikimin e flotës së vet të makinave që jepen me qira.

Mediat përcjellin sot një të ashtuquajtur debat në Komisionin Parlamentar të Ligjeve mes zv.ministrit të Energjetikës, Ilir Bejtja dhe deputetit të PD-së, Gazmend Bardhi. Teksa ishin duket diskutuar për situatën energjetike në vend, dyshja intelektuale ka kaluar në këtë lloj regjistri:

Bejtja: Ti ke vrarë një njeri në Elbasan dhe nuk ke kërkuar falje akoma

Bardhi: Ik more hajdut, dil përjashta

Ja një lajm në republikën e rrugaçëve: Ministria e Drejtësisë kërkon nga mjekësia ligjore informacion të përshpejtuar mbi shkaqet e vdekjes së 4 turistëve rusë në një hotel në Qerret të Kavajës.

Lajmi vazhdon: Ende nuk dihet nëse kjo bëhet për shkak të përgjigjeve negative të njëpasnjëshme nga ana e institucioneve, të cilat duhet të bënin ekzaminimet e provave apo nëse ka një kërkesë të tillë nga Moska zyrtare.