Ekonomi

Nga Elona Bedalli

Kompania shtetërore e nxjerrjes së naftës, Albpetrol edhe pse ka përmirësuar treguesit financiar për shkak të mirëmenaxhimit të dy viteve të fundit ndodhet në një lumë kërkesash për sekuestro në Qendrën Kombëtare të Regjistrimit (QKR) nga shoqëritë përmbarimore që kërkojnë bllokimin e dokumentacionit të kompanisë deri në shlyerjen e detyrimeve ndaj klientëve të tyre.

Vetëm gjatë vitit 2015 janë lëshuar të paktën 6 urdhra bllokimi në emër individëve dhe kompanive ndaj të cilave Albpetrol ka detyrime.

Ndërkohë që në Parlament u përmbyll rivotimi i marrëveshjes koncesionare me “Rapsican”, për skanimin në dogana, e për të cilën ministri i Financave deklaroi se “marrëveshja e parë ishte mbyllur me shpejtësi të madhe”, një nismë pason nga Ministria e Ekonomisë; nismë e cila rregullon pikërisht shpejtësinë e trajtimit të kërkesave. Me këtë rast, ministria ka ngurtur edhe një njësi të posaçme. “Ngritja e Njësisë së Trajtimit të Koncesioneve të partneritetit publik/privat pranë Ministrisë për Zhvillimin Ekonomik, e bën më të mundshme uljen e ditëve të procedurës.

“Eksportet në pesë muajt e parë të këtij viti kanë shënuar një rritje prej 11.9% krahasuar me të njëjtën periudhë të një viti më parë”, ka pohuar kryeministri Edi Rama, gjatë inagurimit të djeshëm të punimeve të gazsjellësit TAP. Një deklaratë kjo që ka shkaktuar ilaritet tek mediat e pranishme, të cilat ishin njohur tashmë me shifrat e eksportit të 5 mujorit, ndryshe nga pohimi i njëjtë i ministrit të ekonomisë Arben Ahmetaj në fillim të qershorit, kur shifrat zyrtare nuk ishin publikuar ende.

Dy vjet ndoshta nuk mjaftojnë për të ndryshuar statistikat pesimiste të investimeve të huaja në Shqipëri, por nga ana tjetër është kohë më se mjaftueshme për të marrë sinjale se investitorët e huaj kanë kthyer vëmendjen nga ekonomia shqiptare.

ARMO dhe dy kompanitë që kanë marrë me qira një pjesë të aktivitetit të saj janë në gjendje të rëndë financiare me borxhe që arrijnë gati 400 milionë dollarë.
Gjiganti i përpunimit të naftës në vend, ARMO praktikisht ka falimentuar, por ligji që e klasifikon atë si sektor strategjik pengon procesin. Një korrespondencë ndërmjet dikastereve të qeverisë zbardh planin se si do të falimentohet dhe pas do të shtetëzohet ARMO, e cila ka aktualisht 207 milionë USD kredi për të shlyer në bankat dhe 53 milionë USD në tatime.

Leximi i të dhënave të fundit të publikuara nga INSTAT dhe FMN mbi ecurinë ekonomike të Shqipërisë është një “lumë uji” që rrëmben me vete çdo retorik të propagandës institucionale ku ekonomia shqiptare po ecën në rrugën e duhur dhe po del përfundimisht nga qorrsokaku i mëparshëm.

Kontrolli i Lartë i Shtetit ka publikuar buletinin e parë për vitin 2015, i cili është një përmbledhje e auditimeve të realizuara gjatë periudhës janar-prill 2015. Janë kryer 99 auditime, nga të cilët 36 janë ende në proces. Të përfunduar janë auditimet e kryera në ministritë dhe institucionet qendrore, ato të administratës vendore, drejtoritë dhe degët e tatimtaksave dhe doganave, Institucionet financiare dhe shoqëritë me kapital të përbashkët shtetëror, njësitë dhe projektet me financime të huaja dhe subjekte të mbrojtjes së mjedisit.

Besar Likmeta/Flamur Vezaj 

Dokumente të siguruara nga BIRN tregojnë se ish kreu i bordit të drejtorëve të CEZ Shpërndarje, dega e grupit CEZ në Shqipëri, Josef Hejsek, dhe biznesmeni shqiptar, Kastriot Ismailaj, janë organizatorët e një skeme mashtruese të mbledhjes së borxheve e cila i kushtoi kompanisë miliona euro.