Ekonomi

Sipërmarrjet e huaja që operojnë në Shqipëri kanë transferuar jashtë vendit 238 milionë euro në 2015-n, me një rritje prej 11% në raport me të njëjtën periudhë të vitit 2014. Në krahasim me 2013-n, fitimi i transferuar është trefishuar

Shoqata për Mbrojtjen e Tregëtarëve ka ankimuar në Gjykatën Kushtetuese taksën e përkohshme për arsimin, që Bashkia e Tiranës i ka vënë çdo biznesi, të cilëve ua faturon në NIPT-in sekondar. Sipas kësaj shoqate taksa është antikushtetuese pasi arsimi ofrohet falas, për më tepër që ajo rrit kosotot. 35 mijë dollarë është pesha e taksës vetëm në një vit, deklaroi Nikollq Neranxi, një biznesmen me aktivitet të gjerë në kryeqytet. “Kërkesën në Kushtetuese për shfuqizimin taksës e ka bërë Shoqata për Mbrojtjen e Tregtarëve bazuar në nenet 57 dhe 59 të kushtetutës.

Ashtu si me shumë vende të Ballkanit, Shqipëria është një vend që është relativisht i pazbuluar nga udhëtarët, shkruan kësaj here portali i njohur Travel Pulse. “ Jo vetëm që është në vetvete një peisazh me shumë vende për të eksploruar, por jo shumë njerëz janë në dijeni në fakt edhe për kuzhinën e shijshme të këtij vendi. A keni dëgjuar për Fërgesën?

Sot kryeministri i vendit, Edi Rama, bashkë me ministrin e Ekonomisë, Arben Ahmetaj, kanë prezantuar atë që e kanë quajtur faza e dytë kundër informalitetit. Kryeministri ka vlerësuar se kjo sipërmarrje synon mbrojtjen e biznesit dhe jo luftën ndaj tij, por duke vepruar në një mënyrë të re. “Synimi ynë është që bizneset në Shqipëri të rrinë me vite pa u kontrolluar, të mos kenë nevojë të kontrollohen. Dhe ndërkohë, sistemi të jetë i tillë që mungesën e kontrolleve në terren ta kompensojë me një kapacitet monitorues në çdo sekondë.

Instituti i Statistikave raporton për një prirje problematike në popullsinë shqiptare. Buletini Statistikor Tremujor IV 2015, që u publiku këtë javë nga INSTAT, jep të dhëna për shtesën natyrore të popullsisë, lidnjet, vdekjet, martesat, emigrimin, ku shihet një rënie e përgjithshme. Kështu shtesa natyrore e popullsisë ka rënie me 7% krahasuar me një vit më parë, pra me vitin 2014, kurse lindjet kanë rënie me 2%. Kësaj prirjeje i mbivendoset edhe emigrimi që për vitin 2015 kap shifrën e 42 922 personave. Bashkëlidhur edhe me lëvizjet hyrëse rënia është diku te 6 700 persona. 

Në kuadër të rishikimit të Strategjisë Kombëtare për Zhvillim dhe integrim në pesë vitet e ardhshme deri më 2020, qeveria ka artikuluar se dobësitë në administratën publike dhe korrupsioni me format e veta të shumëfishta janë pengesat themelore për jetësimin e reformave.

Banka e Shqipërisë ka marrë një tjetër ambient me qira për aktivitetin e vet: 106 milionë lekë është tarifa për tre vjet. Vendimi është marrë nga Këshilli Mbikëqyrës dhe ai vjen pak pasi u përurua rikonstruksioni i godinës qendrore, ku morën pjesë thuajse të gjithë drejtuesit politikë. “Vizion Plus” raporton se kontrata e re e qirasë shtron pikëpyetje për shpenzimin e parave nga ky institucion që disponon edhe hotel “Dajti”, i cili ende nuk ka përfunduar rikonstruksionin. “Që nga koha kur ajo ia bleu qeverisë e deri me sot ajo vijon e të mbetet një gërmadhë në qendër të qytetit.

Mbështetja publike për të papunët dhe shtresat në nevojë është ulur. Një vendim i datës 9 mars të këtiuj viti, i Këshillit të Ministrave, sanksionon rregulla të reja që në thelb çojnë në uljen e trajtimit financiar për ata që humbasin vendin e punës.  “Me një vendim të posaçëm, pagesa e papunësisë është rritur 60%. Kështu nëse më parë, një i papunë përfitonte 6850 lekë në muaj, tani përfiton 11 mijë lekë në muaj. Deri në fund të marsit çdo i papunë, merrte 12 pagesa papunësie, pra një vit me nga 6850 lekë në muaj.

Kryeministri Edi Rama ka paralajmëruar rishikimn e titujve të pronësisë që janë dhënë në bregdet, ku siç u shpreh ai nga Vunoi, janë 11 mijë ha të tjetërsuara. “Janë 11 mijë hektarë tituj të rremë pronësie të zhvendosur nga pronarët legjitime tek pronarë të supozuar, që do t’i rikthehen qoftë shtetit qoftë njerëzve legjitimë, ashtu sikundër do t’u rikthejmë të gjithëve një territor të zaptuar nga çibanët”, tha Rama.

Qeveria shqiptare shpreson se legjislacioni i ri i pronave do të ndalojë vendimet e mëtejshme nga Gjykata Evropiane e Të Drejtave të Njeriut në favor të ish-pronarëve. Zyra e Avokaturës së Shtetit që funksionon brenda Ministrisë së Drejtësisë dhe që përfaqëson shtetin shqiptar në Gjykatën e Strasburgut tha për BIRN se shuma totale e kompesimit që u desh të paguhej në vitin 2014 ishte rreth 2.4 milionë euro, ndërsa për 2015 më shumë se 10.7 milionë euro. Për vitin 2016 kjo faturë pritet të jetë edhe më e lartë.