Ekonomi

Me një tender 1 milion euro OSHEE ka pajtuar një konsulent që do ta këshillojë për ndarjen e kompanisë. Drejtues të OSHEE deklaruan ekskluzivisht për TemA TV se ndarja do të bëhet në bazë të funksioneve në dy kompani bija, njëra që u shërben klientëve dhe tjetra që blen energjinë elektrike nga prodhuesit.

Kontrolli i Lartë i Shtetit njoftoi se nga auditimi i administrimit të barnave në QSUT, konstatoi se ka një listë shumë të madhe barnash të skaduara në depot farmaceutike. Për vitin 2014 rezultojnë të jenë skaduar 146.863 medikamente në vlerë 38,203,099 lekë, me arsyen se të gjitha këto barna janë blerë në sasi të konsiderueshme dhe që nuk kanë arritur të përdoren, pavarësisht se afati i përdorim ka qenë relativisht nga 1-2 vjet.

Shoqata Pronësi me Drejtësi ka kundërshtuar nisjen e zbatimit të ligjit të ri të pronave nga Agjensia e Kthimit e Kompensimit të Pronës. Publikimi i regjistrit të vendimeve të viteve 93-94 të trajtuara me këtë ligj për shoqatën është një pabesi, për të cilën Agjensia duhet të shprehet, pasi të prekurit kërkojnë të ankimohen.

Ministria e Financave ka publikuar treguesit fiskalë paraprakë të pesëmujorit 2016. Sipas njoftimit zyrtar, pesëmujori i parë i vitit 2016 ka shënuar një performancë tejet të mirë të të ardhurave të cilat në total, kanë rezultuar 163.8 miliardë lekë, me një realizim 100% të planit të periudhës. Përmirësim ka edhe në shpenzimet buxhetore.

Kryetari i Bashkisë së Tiranës Erjon Veliaj, ka bërë sot një analizë të punës një vjeçare në krye të institucionit. “Rikthyem vlerësimin dhe besimin tek gjërat publike. Bilanci është transparencë për qytetarët tanë. Tirana pas një viti është shumë më e pastër dhe e gjelbër seç ishte një vit më parë. Vendosëm tualete portative publike. Kemi nevojë për investime në infrastrukturë e kulturë. Sot kërkohet që atdheun të mos e bëjmë pis. Ne po e bëjmë Tiranën si gjithë Europa. Tiranën nuk mund ta vandalizosh, bësh pis apo shkatërruar.

Pak ditë më parë u bë publik lajmi se prokuroria sekuestroi 220 ha tokë në Karaburun, pasi ishin tjetërsuar përmes falsifikimit dokumentar dhe kaluar në pronësi të shtetasit Rajmond Mezi. Sot bëhet e ditur se një tjetër sipërfaqe prej 89 ha, kësaj radhe në Zvërnec, është sekuestruar për të njëjtat arsye dhe ku figuron i njëjti shtetas. “Toka është përfituar në mënyrë të paligjshme nga Raimond Mezi, i njëjti person që përfitoi 220 hektarë toke edhe në Karaburun.

Qeveria ka depozituar në Kuvendin e Shqipërisë një projektligj që synon t’i japë zgjidhje problemit të falimentit të bizneseve. Në të parashikohet edhe ngritja e Gjykatës së Falimentit, që do të funksionojë brenda Gjykatës së Rrethit. “Gjykata...do të ketë kompetenca të shtuara për të gjitha procedurat e falimentit, duke përfshirë edhe bllokimin e pasurisë së debitorit, por edhe përcaktimin e një administratori të përkohshëm për kompaninë debitore që është në proces falimenti.

Shqipëria është zgjuar sot e përmbytur, gjendja e qyteteve kryesore shfaqet e rënduar nga trafiku i makinave, vështirësia në kalim dhe reshjet e dendura. Sipas Autoritetit Rrugor Shqiptar, gjendja e kalueshmërisë në rrugët kryesore në vend duket se ka hasur vështirësi më tepër në pjesën e rajonin verior Shkodër. Ndërsa pamjet e qytetit të Durrësit na sugjerojnë për një situatë që vazhduar që vijon të shfaqet që me nisjen e reshjeve të para. Përmbytje raportohen në disa zona problematike si tek Stacioni i Trenit, Plazh, Shkozet, ish-Kënetës dhe Spitallë.

Qeveria do të ketë gati në shtator ligjin me formulën e llogaritjes për taksën e re të pronës. Pas kërkesave të vazhdueshme të Fondit Monetar Ndërkombëtar për futjen e taksës së re për pasurinë e paluajtshme sipas vlerës së tregut, qeveria në letrën dërguar Fondit pranon se në muajin shtator do të ketë gati ligjin me formulën e re të taksës së pronës.

Ministri i Transporteve "ka përveshur mëngët" dhe ka nisur inspektimin e rrugëve. Ajo që ndodhi në aksin Plepa -Kavajë po kalohet pa asnjë përgjegjësi dhe këtu na vjen në ndihmë preambula dhe pasthënia e këtij shteti: Shqipëri hesapi.

Ministri ka qenë në aksin Mbikalimi i Trenit -Ura e Mesit në Shkodër ku është konstatuar vjedhja e elementëve të sinjalistikës. Një hall më vete ky në Shqipëri. Ministri ka bërë thirrje që të kihet kujdes dhe të ruhet sinjalistika, pasi ka rrezik për aksidente.