Ekonomi

Një pallat 24-katësh pritet të ndërtohet te këndi i lojrave “7-xhuxhat” në kryeqytet duke pakësuar në këtë mënyrë hapësirat e dedikuara për fëmijët. Përveç të vegjëlve nga ky ndërtim preken dhe banorët e pallateve aty pranë të cilët thonë për "Tema Tv" se nuk do të lejojnë punimet. Ata shprehen se ankesën e tyre e kanë paraqitur në Bashki dhe Kryeministri por nuk kanë marrë asnjë përgjigje.

Miliona euro xhiro në biznesin e riciklimit të mbetjeve për LSI-në janë një realitet që nuk duhet injoruar dhe argument që Shqipëria të lejojë importin e plehrave. Sot Petrit Vasili ka bërë teatrin e radhës, duke u përpjekjur të tregojë ndjeshmërinë e LSI-së ndaj shqetësimeve të shoqërisë civile lidhur me importin e mbetjeve.

Karabinatë e ndërtesave disakatëshe në bregdetin e Palasës po ngrihen ngadalë duke u ngjitur në faqen e Malit të Çikës dhe tashmë duken që nga qafa e Llogarasë. Plazhi me guralecë të imët dhe të bardhë, që shtrihet në të dy krahët e deltës së lumit Palasë, është kthyer në një kantier ndërtimi. Makinat e tonazhit të rëndë, të ngarkuara me materiale inertesh, lënë pas shtëllunga të bardha pluhuri duke trazuar peizazhin idilik të detit Jon.

Ligji i procedurave tatimore do të ndryshohet për herë të katërt në këto tre vjet. Por ndryshe nga herët e tjera rregullimet në ligj kësaj radhe kanë një frymë probiznes, si për nivelin e gjobave të vëna për shlejet tatimore ashtu edhe për sistemin e ankimimit.

"TemaTv"

LSI ka marrë në dorë projektin për dixhitalizimin e pasurisë në hipoteka. Projekti është financuar dhe po zhvillohet tërësisht nga Zyra Qëndrore e Regjistrimit të Pasurive të Paluajtshme dhe për zbatimin e tij janë përfshirë rreth 200 deri 250 specialistë.

Ministri Drejtësisë,  Ylli Manjani, i cili ishte sot i pranishëm në ceremoninë e nisjes se fazës së parë të procesit tha se ky është vetëm fillimi i një projekti shumë të madh që mundëson shmangien e mbivendosjes së emrave.

Sot paradite, kryetari i Kontrollit të Lartë të Shtetit Bujar Leskaj dhe Guvernatori i Bankës së Shqipërisë, Gent Sejko kanë qenë në Komisionin Parlamentar të Ekonomisë ku kanë raportuar për një raport që ngre akuza për asgjësimin e kartëmonedhave të vjetra.

Për të mbajtur nën kontroll borxhin publik, Ministria e Financave ka hartuar dy skenarë alternativë. Sipas njërit prej këtyre “skenarëve”, për këtë vit buxhetor do synohet të mos tejkalohet mesatarja e llogaritur për huamarrjen e re në vlerën e 20 miliardë lekëve, ndërsa për vitin e ardhshëm është parashikuar një rritje e madhe me afro 58 miliardë lekë.

"TemaTv"

Prokuroria e Tiranës ka nxjerrë urdhër ndalimi për dy mjekë të spitalit “Koço Glozheni”, pasi, në bazë të materialit hetimor të deritanishëm, ata dyshohet se kanë kryer veprën penale “Mjekim i pakujdesshëm”.
Sipas Prokurorisë së Tiranës Aida Çakja e cila ishte ne muajin e 9 te shtatezanise, eshte paraqitur ne date 15.09.2016 rreth ores 22.30 ne Spitalin-Universitar Obsetrik- Gjinekologjik “Koco Glozheni” ne gjendje te rende shendetsore e shoqeruar nga te aferm te saj.

Rruga e Arbrit parashikohet të nisë vitin që vjen. Kësaj radhe shpresohet se do të nisë me të vërtetë, pasi një gënjeshtër për së dyti për banorët e zonës, do të ishte tepër edhe për një pushtet që fiton me 4 000 vota diferencë.

Gjatë fushatës për zgjedhjet e parakoshme lokale në Dobër, kryeministri, Edi Rama, deklaroi se rruga nuk ishte bërë deri më sot për shkak të mungesës së parave. Kryeministri nuk zuri në gojë hapjen e procedura e me kinezët, miratimin e një ligji të veçantë etj..

Platforma e të gjithë shqiptarëve. Kështu e quan veten Digitalb, që shkon më tej me sponsorizmin e himneve të një etnonacionalizmi histerik, apo të një fryme nacionaliste turbofolk. Natyrisht nuk kemi të bëjmë me dalldisje, por me biznes. Dhe te biznesi do parë edhe dëshira e Digitalb për të “qenë platformë e të gjithë shqiptarëve”. Aq sa sugjeron si mekanizëm “naiv” e në dukje “pa kosto” që edhe shërbime informacioni të hapura si Tv Klan apo Top- Channel t’i servirë me pagesë.