Ekonomi

Edmond Haxhinasto iku, ose më saktë i vunë dëckën nga Ministria e Transporteve, por në çdo rast duket se një “dhuratë e ka lënë pas. “VizionPlus” raporton për një urdhër të lëshuar nga Haxhinasto, sipas të cilit “automjetet të cilat bëjnë transportin e produkteve ushqimore do ta bëjnë kontrollin teknik të tyre te një kompani tjetër”.

Raporti i Kontrollit të Lartë të Shtetit për nxjerrjen e kartëmonedhave nga tregu do të jetë bazë për hetim penal nga Prokuroria e Përgjithshme. “Vizion Plus” raporton sot se Prokuroria ka marrë një kallëzim nga KLSH dhe pritet që të marrë në pyetje drejtuesit e Bankës së Shqipërisë në vitet 2010-2014.

Autoriteti i Mbikëqyrjes Financiare vijon për të disatën ditë që të ofrojë komedinë ku gjallojnë institucionet shqiptare. Autoriteti ka tërhequr urdhrin, apo rekomandimin për anullimin e vendimit të kompanive të sigurimit për të rritur tarifën e sigurimit për automjetet.

Qeveria shqiptare do të kërkojë zgjatje të afatit për shlyerjen e faturës tatimore ndaj Bankers Petroleum. Ministri i Financave Arben Ahmetaj ka deklaruar sot për Top-Channel se shlyerja e 57 milionë dollarësh nuk ndikon në buxhet.

Kompanitë e sigurimeve nuk pranojnë të ulin tarifën ndonëse Autoriteti i Mbikëqyrjes Financiare kërkoi anullimin e rritjes prej 30%.
“Kadri Morina, pronar i dy prej kompanive në këtë treg, thotë se çmimet nuk do të ulen. Ai shpjegon se risku që mbajnë mbi vete kompanitë është shumë më i madh në vlerë. Kërkesën e AMF-së për të rikthyer tarifat e mëparshme, ai e sheh si një orientim, por jo detyrim, për sa kohë që tregu është i liberalizuar”, raporton Vizion Plus.

Mazhoranca aktuale nuk ka se çfarë të ofrojë tjetër për zgjedhjet në Dibër, përveç rrugës së Arbrit. Apk premtimit për ndërtimin e saj. Muharrem Rama, kandidati i koalicionit qeverisës në Dibër, është shoqëruar në takimet në fshatin Grevë nga ministri i Financave, Arben Ahmetaj, i cili ka përsëritur premtimin me garancinë se ai ka lejëtë e qeverisë.

Autoriteti i Mbikëqyrjes Financiare ka kërkuar nga kompanitë e sigurimeve të anulojnë vendimin për rritjen e tarifave të sigurimit për automjetet. Ky është qëndrimi i tretë i kësaj agjencie, pasi ditën e parë u dol me qëndrimin se tregu vetërregullohet. Mandej Autoriteti deklaroi se do të analizonte atë që po ndodhte dhe sot del me kërkesën për ulje.

Atë që mediat e kanë denoncuar që herët, e konfirmon së fundmi edhe Konfindustria, që është grup interesi i biznesit.

Fjala është për rritjen e sigurimit të makinave që zbulon qartë situatën oligopol në të ashtuquajturin treg të sigurimeve, e për të cilat Konfindustria thotë se nuk ka reagim nga qeveria, pse kompanitë kanë lobuar për heshtjen.

Sot u publikua në disa media një lajm sipas të cilit qeveria bashkë më Bankën Botërore po mendojnë që të bëjnë të detyrueshme sigurimin nga tërmetet, apo edhe përmbytjet. Ndonëse nuk u publikua një draft nga projektligji që është duke u hartuar, ideja është e tillë që përmbi 500 orë reshje aplikohet dëmshpërblim, ndërkohë që për tërmetet dëmshpërblimi vlen përmbi 5 ballë të shkallës Rihter. Tarifa do të jetë e detyrueshme për çdo familje dhe mendohet që për tërmetet të jetë 50 euro në vit dhe kompanitë e sigurimit do të japin 20 mijë- 40 mijë euro maksimumi.

Me zgjedhjet në Dibër, mazhoranca ka vënë në lëvizje edhe një premtim të dalë boje tashme. Ministri i Transporteve, Edmond Haxhinasto, i ka ardhur në ndihmë kandidatit Muharrem Rama, me një shpjegim të ri për rrugën e Arbrit.

“Besoj se shume shpejt do të konkludojmë ofertën e fundit të realizuar nga kjo kompani, dhe pastaj do të përcaktojmë hapat e mëtejshme për sa i takon këtij projekti të rëndësishëm”, theksoi ministri.
Projekti riaktivizohet për nevoja fushate elektorale, pasi termat e këtij projekti nuk janë bërë asnjëherë të njohura.