Bota

Revista e njohur gjermane “Der Spiegel” i kushton një shkrim të gjatë projektit kinez të “Rrugës së Mëndafshit”. Duke nisur me të dhënat fillestare për të dhe me vlerësimin e gjeopolitikës që ajo krijon, shkrimi përfundon me një shqetësim konstant të gjermanëve për këtë dalje të re të Kinës në Europë: “Është faji ynë që Europa nuk flet me një zë”, citohet në mbyllje të shkrimit kancelarja gjermane Angela Merkel.

Enrico Letta, ish-kryeministër i Italisë, i ka dhënë një intervistë “Deutsche Welle” pas punimeve të Forumit Ambrosetti ku Letta bën pjesë. Ai jep disa komente mbi situatën në Itali, një vend që konsiderohet si një minë me sahat në BE, për shkak të problemeve ekonomike dhe financiare që ka. Sipas Lettës Italia duhet të ulë shpenzimet publike dhe taksat.

Disa deklarata të Imamit të Madh egjiptian të Al-Azhar, Sheikh Ahmed al-Tayeb kanë krijuar irritim të madh mes klerikëve sauditë. Gjatë një konference në Çeçeni, al-Tayeb ka deklaruar se salafistët nuk janë pjesë e sunitëve. Ai e bëri këtë nënvizim teksa po jepte një përkufizim të sunizmit. Ky deklarim ka acaruar shumë klerikët suaditë që janë pro qeverisë së Riadit.

Refugjatët ndezin sërish tensionet mes Gjermanisë dhe Greqisë. Ministri i Brendshën i Gjermanisë, Thomas de Maziere akzuoi Athinën zyrtare se ka dështuar në regjistrimin e refugjatëve në kufijtë e jashtëm të BE-së çka sipas tij ka sjellë vendime si ato në Hungari ku janë ndërtuar mure për ndalimin e depërtimit të refugjatëve.

Maziere ka shkuar shumë larg kur duke cituar Traktatin e Dublinit 2, ka deklaruar se këto akte duhen shoqëruar me pasoja për Greqinë, të cilat do të konsistonin në kthimin e refugjatëve pas në Greqi.

Korea e Veriut ka lëshuar sot tri raketa balistike të cilat ranë në detin e Japonisë. Lajmi konfirmohet nga komanda e bashkuar e Shtabit të ushtrisë koreanojugore, ndërkohë që në Hanghou në Kinë po zhvillohen punimet e G20.

Raketat u lëshuan nga Hwangju dhe ranë në bregun perëndimor të detit të Japonisë. Nuk është përcaktuar ende tipi i raketave, por qeveria japoneze bërë një protestë të fortë në adresë të Phenianit.

Vendimi I Bashkimit Evropian që kompania Apple t’i paguajë 13 miliardë euro Irlandës detyrime taksash të prapambetura sipas Presidentit të Komisionit Europian, Zhan Klod Junker nuk është një vendim kundër Shteteve të Bashkuara, por bazohet në të dhëna dhe rregulla mbi të cilat operon ky shërbim në vendet e BE-së. Junker tha në takimin e G20 se Apple u favorizua ndjeshëm nga Dublimi në sistemin e taksave dhe se kjo çështje nuk mund të përdorej kundër Shteteve të Bashkuara.

“EuObserver” shkruan sot për një raport vjetor të shërbimit sekret çek duke u përqendruar të evidentimi i atij që quhet: kërcënimi rus. Shërbimi çek BIS vlerëson se aktivitetet e kinezëve dhe rusëve në këtë vend anëtar të BE-së, zënë vendin kryesor mes të huajve, duke veçuar këtu rusët.

Nafta nuk është e ardhmja. Në funksion të kësaj perspektive, edhe një vend si Arabia Saudite, që është prodhuesi kryesor i naftës, po rishikon të gjitha objektivat. Pak kohë më parë u bë publik fakto se Riadi zyrtar krijoi një fond sovran prej 2 trilionë dollarë për të neutralizuar varësinë ekonomike nga nafta, shoqërua kjo edhe me masa të tjera fiskale.

Autoritet amerikane kane publikuar disa dokumente ne lidhje me hetimet e kryera per përdorimin e adresës private te postes elektronike nga kandidatja demokratike Hilari Klinton, ne kohen kur ajo shërbente si sekretare e shtetit. 58 faqet e publikuara përfshijnë intervistat per emërimin presidencial te Klintonit nga demokratet, si edhe detaje te tjera per serverin e saj privat ne rezidencën ne Nju Jork. Ne muajin korrik, FBI-ja i dha fund nje hetimi te gjate 1-vjeçar per te verifikuar nese ish-sekretarja amerikane e shtetit kishte shkelur ligjin me përdorimin e serverit privat.