Bota

Media të ndryshme raportojnë për një sjellje kurioze të presidentit egjiptian, Fattah Al-Sisi sipas të cilit qytetarët e vendit nuk duhet të revoltohen për çmimet e ngritura të ushqimve, por të marrin shembull nga Profeti që hëngri dikur gjethe.

Nuk jam i shqetësuar se dikush thotë se 1 kile bamje kushton 100 paund egjiptianë, sepse egjiptianët janë të vetëdijshëm se Profeti me të vetët u zunë në kurth në periferinë e Makkah për 3 vjet der isa nisën të hanë gjethe. Ata nuk I kërkuan Profetit ushqim apo që toka të shpërthente me ta

Shtetet e Bashkuara të Amerikës kanë prezantuar një nismë të re për tregtinë në zonën e Paqësorit dhe oqeanit Indian, si kundërpërgjigje ndaj ekspansionit të Kinës. Njoftimin e ka dhënë vetë presidenti amerikan, Joe Biden gjatë një vizite në Japoni ku është firmosur edhe një dokument i posaçëm.

Regjimi Taliban në Afganistan vijon të instalojë kanonet e veta në vend, duke mbërritur deri në urdhërimin e mbulimit të fytyrës së prezantueseve televizive. Në fillim të këtij muaji, lideri suprem i vendit, Hibatullah Akhundzada firmosi një Diktat përmes të cilit urdhëron mbulimin e fytyrës me Burka. Pas këtij urdhëri, ishte Ministria e Virtytit dhe Parandalimit të Vesit që e aplikoi urdhërin mbi punonjësit e telvizioneve, çka u kundërshtua fillimisht, por sot është vënë në zbatim.

A po e humbet Gjermania rolin e vet të lidershipit në Europë?

Gjigandi rus i gazit,  Gazprom, ka ndërprerë furnizimin me gaz të Finlandës. Sipas agjencisë ruse, Tass, vendimi është marrë pasi kompania finlandeze, Gasum, nuk ka bërë pagesat në rubla për furnizimet e mëparëshme.

Gazprom ka ndërprerë furnizimin me gaz ndaj Gasum, për shkak të mospagesës së kësaj të fundit në rubla

thuhet në deklaratë.  

Vendimi i fundit i Perëndimit për të pranuar në NATO dy vende neutrale, kufitare me Rusinë, Finlandën dhe Suedinë, ka sjellë reagimin e parë nga Kremlini. 

Ministri rus i Mbrojtjes, Sergei Shoigu ka njoftuar se Rusia do të krijojë 12 baza të reja ushtarake në Distriktin Perëndimor të saj. 

Deri në fund të vitit, 12 njësi ushtarake dhe divizione do të krijohen ne Distriktin Ushtarak Perëndimor. Ushtria do të marrë më shumë se 2 mijë njësi në pajisje dhe armë

Polonia ka shprehur gatishmërinë e saj për të mbajtur baza të përhershme të NATO-s ku mund të dislokohet këmbësoria. Kryeministri i vendit Mateusz Morawiecki ka zgjeruar madje kërkesën duke sugjeruar krijimin e bazave të ngjashme në krahun lindor të Aleancës.

Elisabeth Borne është kryeministrja e re e Francës. Ajo është zgjedhur nga presidenti Emmanuel Macron për të pasuar Jean Castex, i cili ka dhënë dorëheqjen. 

61 vjeçarja është e para kryeministre që nga Edith Cresson, e cila e mbajti detyrën për pak kohë gjatë presidemcës së  François Miterrand. 

Një gjykatë franceze ka konfirmuar së fundmi se gjigandi frëng i çimentos, “Lafarge”, duhet të përballet me akuzën, bashkëpunim në krime kundër njerëzimit. Sipas palës paditëse, punonjës të “Lafarge Cement Syria”, kompania ka paguar anëtarë të Shtetit Islamik dhe grupe të tjera xhihadiste gjatë luftës civile siriane. 

Sekretari i Këshillit të Sigurisë të Rusisë, Nikolay Patrushev, ka akuzuar Perëndimin se me veprimet e veta dhe këmbënguljen për të ruajtur dominimin, ka cenuar stabilitetin strategjik në Europë.

Me shfaqjen e qendrave të reja të pushtetit, bota është bërë përherë e më tepër e paqëndrueshme për shkak të mungesës së dëshirës së disa vendeve për lëshuar dominimin e tyre gjeopolitik. Këto vende kanë rrënur qëllimisht sistemin ndërkombëtar të stabilitetit dhe injoruan propozimet e sigurisë të Rusisë