Arkiv-Lajme të përditësuara

Presidenti Bujar Nishani, në veprimtarinë e tij të deritanishme, nuk e ka fshehur dot faktin e përkatësisë së tij partiake. Gjatë një takimi që ai ka mbajtur gjatë ditës së sotme me ambasadorët e BE-së, Nishani, ashtu si PD dhe Berisha, ka thënë se miratimi i tre ligjeve është kusht kryesor për integrimin e Shqipërisë.

Kreu i Lëvizjes Socialiste për Integrim, Ilir Meta tha sot se do të jetë Konventa e LSI-së dhe 2300 delegatët e saj që do të vendosin për koalicionin e LSI-së.

Duke bashkëbiseduar me studentë, Meta tha se LSI do të gjykojë më shumë përgjegjësi, duke u nisur nga interesi i vendit dhe jo nga interesat e LSI-së.

Një gjë dua të siguroj, tha Meta, që me 23 qershor do të jemi më shumë se “kingmaker”

Beogradi i cilësoi jo koherente dhe destabilizuese deklaratat e kryeministrit shqiptar Sali Berisha dhe zyrtarëve të tjerë shqiptarë pas heqjes së përkujtimores së dëshmorëve të UÇPMB-së në Luginën e Preshevës.

Nëpërmjet një komunikatë zyrtare, Ministria e Jashtme serbe deklaron se deklaratat Ministria e Jashtme serbe konsideron se fjalori i përdorur nga Kryeministri Berisha nxit destabilitetin e situatës në jug të Serbisë, por edhe në vendet fqinje ku banojnë shqiptarë.

Kryeministri i Çekisë deklaroi sot se vendimi i Shqipërisë për të revokuar licencën e CEZ Shpërndarje tregon për një trajtim të keq të investitorëve të huaj nga ky vend dhe mund të pengojë shpresat e Shqipërisë për të marrë mbështetjen e Republikës së Çekisë për anëtarësimin e vendit tonë në Bashkimin Europian, bën të ditur media çeke.

“Republika e Çekisë nuk mund të injorojë përqasjen [e Shqipërisë] ndaj një investitori çek në kontekstin e aspiratave të Shqipërisë për t’u integruar [në Bashkimin Europian]“, tha Necas.

Sekretari i Përgjithshëm i Lëvizjes Socialiste për Integrim, Luan Rama, deklaroi sot se vota e partisë së tyre kundër kryetares së re të Inspektoratit të Lartë të Deklarimit dhe Kontrollit të Pasurive nuk ka qenë votë kundër PD dhe as votë kundër Zana Xhukës, që u zgjodh në këtë post.

TIRANË- Kreu i PS-së, Edi Rama ka deklaruar sot se siguria e qytetarit shqiptar është më keq se asnjëherë tjetër pas vitit ’97, nderkohe qe lufta me krimin, sipas tij, eshte si nje loje futbolli e shitur nga drejtuesit e skudres.

Në një deklaratë për mediat nga selia rozë, ai duke iu referuar shifrave deklaroi se situata është tërësisht jashtë kontrollit.

Kreu i LSI-së, Ilir Meta, konfirmoi se nuk do të dalë nga qeveria para zgjedhjeve. Ai e cilëson politikën e heqjes së taksave nga Rama si demagogji

Kreu i LSI-së, Ilir Meta, pohoi dje se do t’i qëndrojë marrëveshjes 4-vjeçare të koalicionit me PD-në. I ftuar në emisionin “Zip” në Vizion Plus, Meta ka përsëritur se vendimi për rreshtimin e LSI në zgjedhje do të merret në prill, ndërkohë që e ka cilësuar demagogji fushatën e PS-së për heqjen e taksave.

Prokurori i Përgjithshëm, Adriatik Llalla ka pritur në një takim ditën e sotme, kreun e Kontrollit të Lartë të Shtetit, Bujar Leskaj, të cilin e ka garantuar se organi i prokurorisë do të ndjekë me vëmendje të veçantë çdo rast të referuar nga Kontrolli i Lartë i Shtetit lidhur me çështjet e zyrtarëve që abuzojnë në ushtrimin e detyrave publike.

Nga ana e tij, edhe kryetari i KLSH, Leskaj shprehu gatishmërinë e institucionit që drejton për bashkëpunim të vazhdueshëm me organin e prokurorisë për të luftuar korrupsionin në administratën shtetërore

Komisioni i Jashtëm fut në procedurë rezolutën çame. Në mbledhjen e sotme të komisionit janë përzgjedhur edhe dy relatorët, të cilët do të merren me shqyrtimin e rezolutës çame, Fatbardh Kadilli nga PD-ja dhe Qemal Minxhozi nga PS-ja, raporton Ora News.

Deputetët e PDIU-së Shpëtim Idrizi dhe Dashamir Tahiri dorëzuan më 10 dhjetor 2012 në Kuvend rezolutën për zgjidhjen e çështjes çame.

Jeta e skenës masive me luftëtarë burra e gra, ilirë me parzmore e partizanë  me pushkë, që gjendet në ballin e Muzeut Kombëtar, duket se nuk është e gjatë. Një numër i madh pllakëzash të tij janë gjetur dje në mëngjes në rrugë.

“Edhe ne i kemi parë copëzat e rëna të mozaikut. Ai ka vite që është në gjendje të keqe. Janë konstatuar problemet që ka dhe dihet që dëmtimi është tërësor, çka e kanë deklaruar specialistët që e kanë parë nga afër”, ka deklaruar për GSH drejtori i Muzeut Historik, Luan Malltezi.