Arkiv-Lajme të përditësuara

Djegia e shtëpisë detyroi Hamdi Kurtin të transferohej nga Tërnova e Madhe në Zerqan në qytetin e Bulqizës, kur për fatin e tij të mirë arriti të sigurojë një strehë falë punës. 

Po telashet nuk do të mbaronin këtu për këtë kryefamiljar, pasi paga prej minatori shtoi më tepër nivelin e varfërisë në familjen e tij. 

“Kam jetuar 4 vjet tek kampi I të burgosurve në Ternovë, se mu dogj shtëpia. Kur erdha në Bulqizë më siguroi ndërmarrja një strehë. Tani kam 9 muaj pa punë që kur u bë greva, gruan e kam të shtruar në spital”, tha minatory.

Barak Obama i kritikoi sot kandidatët republikanë për president, duke i akuzuar për kthimin në gjuhën e ashpër të kërcënimeve ndaj Iranit. 

Në konferencën e parë për shtyp që nga nëntori, shefi i Shtëpisë së Bardhë iu përgjigje me të njëjtën monedhë rivalëve të kampit tjetër që e kanë vënë në shënjestër për mënyrën sesi e ka menaxhuar cështjen e Teheranit. 

“Republikanëet” tha ai, po u bien tambureve të luftës, në një kohë kur objektivi ynë është të ndalohet një Iran bërthamor, por duke eksploruar më parë rrugët diplomatike”. 

Dimri i këtij viti e shtoi edhe më shumë varfërinë në familjet pa asnjë të ardhur në zonën e Bulqizës. Shtëpia e Ferit Dogës në komunen Fushë- Bulqizë u shemb nga dëbora e madhe dhe kryefamiljari invalid e ka të pamundur ta riparoje. 

Skadimi i pasaportave të vjetra shton fluksin e qytetarëve në pikat e aplikimit në Korçë dhe Kukës. Por qytetarët thonë se punonjësit e zyrave shkaktojnë sorollatje dhe vonesa të pajustifikueshme. 

"Ka shumë njerëz, goxha njerëz që lënë punën", shprehet një banor. "Shumë procedurë e gjatë, me atë mirë ishte. të presim tani për një muaj", thotë një tjetër.

Përballë të njëjtit shërbim ndodhen edhe personat që kërkojnë të pajisen me pasaporta me afat të përshpejtuar kundrejt shumës së 15.000 lekëve. 

Policia ruse ka liruar rreth 250 aktivistë të opozitës që u ndaluan mbrëmjen e së hënës në Moskë pas protestave kundër rizgjedhjes president të Vladimir Putin.

Lideri i protestave, Alexey Navalny, i cili u arrestua gjithashtu nga forcat e policisë, deklaroi se protestat do të vazhdojnë “derisa ne të fitojmë”.

Putin u rizgjodh për një mandat të tretë presidencial ditën e diel, në një proçes votimi që vëzhguesit e cilësojnë tërësisht me defekte.

Presidenti i Komisionit Evropian Hose Manuel Barroso thotë se dalja e Greqisë nga zona euro do të përbënte një shkatërrim për popullin grek. Duke folur për çështjen në një intervistë për të përditshmen austriake "Die Presse", ai shprehu frikën se një ngjarje e tillë mund të ketë efekt domino. 

Shqiptarët e Maqedonisë nuk do ta festojnë 28 nëntorin, ditën e pavaresisë së Shqipërisë si festë zyrtare shtetërore. Kuvendi maqedonas votoi kundër propozimit të PDSH për këte qëllim. BDI e Ali Ahmetit mbështeti këtë propozim, por nuk munguan debatet në sallë, ku sipas tyre është e papranueshme që PDSH propozon ligje të tilla dhe mbron interesat e shqiptarëve vetëm kur është në opozitë.

Banore te fshatit Dobrac të Shkodrës kane protestuar ne vendin ku po punohet per ndertimin e bypassit për shkak të devijimit të projektit për herë të tretë. Banorët e zonës thonë se nuk janë njoftuar paraprakisht që pronat e tyre do të prekeshin nga ky ndryshim i projektit dhe se nga nata e kaluar kane nisur germimet ne tokat qe ata kane perfituar me ligjin 7501. 

Gjyqtari Ridvan Hado ka vendosur të shtyjë për në datën 12 mars, vendimin për 29 të pandehurit të procesit ‘Gërdeci’. 

Gjykata e Tiranës pritej të shpallte sot vendimin përfundimtar për të pandehurit, por gjyqtari Hado caktoi datën 12 mars ora 10:00 për shpalljen e vendimit, për shkak të kompleksitetit dhe volumit të cështjes në shqyrtim.

Sipas ekspertëve, zjarri i një dite më parë në një pallat 13 katësh nxjerr në pah dy problematika në masat mbrojtëse ndaj zjarrit: Mungesa e shkallëve të emergjencës në pallate, si dhe mos pajisja me sistem mbrojtës ndaj zjarrit të hapësirave të përbashkëta. 

Vendi ynë ka një rregullore të vitit 1982 mbi masat mbrojtëse kundër zjarrit në projektimin e ndërtesave të çdo lloji. Në nenin 49 të saj përcaktohet qartësisht domosdoshmëria që të gjitha ndërtesat industriale ndihmëse dhe shoqërore më të larta se 10 metra duhet të ketë shkallë të jashtme zjarrfikëse.