Alternative

Në qytetin Harar në Etiopi, i riu Abbas Yusuf, ka trashëguar nga i ati talentin e zbutjes dhe bashkëjetesës me hienat, një kafshë që nuk pranohet shpesh nga njerëzit.

42 vjet pas zhdukjes misterioze të sindikalistit të njohur amerikan, Jimmy Hoffa, një ekspert i krimit të organizuar në universitetin e Arizonës në SHBA, ka dalë me tezën se ai është vrarë në në një shtëpi në Bloomfield Hills.  Hoffa është një personazh publik që ka lënë gjurmë në jetën publike amerikane, drejtimi prej tij i sindikatës së kamionistëve(Teamsters) njohu kulmin me 1.5 milionë anëtarë, por siç është dokumentuar tashmë, ai u vu në kontakt me krimin e organizuar.

Në qershor të këtij viti, Departamenti amerikan i Shtetit deklasifikoi 1007 faqe dokumentacion sekret që preknin aktivitete të CIA-s, NSA-së mes të cilave mediat veçuan dokumentet që kishin të bënin me rrëzimin Mohammad Mosaddeq në Iran në vitin 1953. Siç rezultonte nga publikimet, SHBA ka qenë shumë e pasigurtë në operacionin e ndërmarrë asokohe, zyrtarët e CIA-s madje urdhëruan anullimin e tij, për shkak se nuk dëshironin që roli I SHBA të ekspozohej sidomos në kushtet kur Mosaddeq reagoi përmes ushtrisë.

Grigory Rasputin është shumë i njohur sa për të konsideruar se për të ka më ndonjë gjë të re për t’u thënë. Murgu rus hyri në historinë ruse në një periudhë të errët dhe me një rol të pasqaruar: disa thonë se bënte mrekulli, disa se ishte sharlatan. Nga e gjitha kjo dominon imazhi i tij me sytë magnetikë dhe mjekrën e zezë që plotësojnë perceptimin se ajo që pasoi profetizohej te ky njeri.

Gazeta izraelite Haaretz sjell në një shkrim të sotëm, historinë e një mjeku gjerman, Hellmut Haubold, profesor pediatër në Mynih, i cili në janar të vitit 1960 u ftua nga disa prindër hebrej në Izrael që të trajtonte disa fëmijë me sindromën Daun. Në atë kohë shkruan gazeta, përflitej se doktori aplikonte një metodë të re që konsistonte në injektim qelizor në trurin e fëmijëve me probleme. Mediat raportuan si lajm mbërritjen e mjekut, i cili nga sa rezulton së fundmi ka qenë një nga drejtuesit e ekipit të mjekëve SS që kryenin eksperimente në kampin e përqendrimit në Buchenwald.

Vitet e fundit Lindja e Mesme dhe Afrikëa e Veriut kanë tërhequr vëmendjen e opinionit ndërkombëtar për shkak të tensionit që erdhi si rezultat i Pranverës Arabe të vitit 2011 e tutje. Për çështjeve ekzistuese, pritet t'i shtohet dhe mungesa e burimeve ujore në veçanti. Rritja e kërkesës për ujë për shkak të rritjes së shpejtë të popullsisë shtojnë rreziqet për konflikte të reja në të ardhmen. Në mënyrë të veçantë, kërkesa për ujië do të rritet me 35-45% në vitin 2035.

Deklasifikimi nga Arkivat Kombëtare Amerikane javën e kaluar i mijëra dokumenteve sekrete lidhur me vrasjen e ish-presidentit amerikan John Kennedy ngrenë pyetje befasuese mbi me atë që zyrtarët e lartë të CIA dinin përveç versionit zyrtar të vrasjes dhe kur ata i mësuan këto detaje. Kennedy u vra në 22 Nëntor të 1963 gjatë turit në Dallas. Ai ishte në limuzinë bashkë me bashkëshorten Jasquelin (Jackei) Kennedy kur u qëllua me një plumb në qafë dhe një në kokë. Për këtë ngjarje u arrestua Lee Harvei Oswald, i cili u vra në mënyrë misterioze para se të merrej në pyetje.

 Italianët preferojnë Shqipërinë dhe Rumaninë, gjermanët me gjasë Bullgarinë. Është fjala për një lloj tjetër emigrimi, jo thjesht për arsye ekonomike, por një rikthim në një lloj jete që perëndimi e ka asgjësuar përfundimisht. Al Jazeera shkruan për zhvendosjen e disa gjermanëve në Bullgari, një vend që ka përjetuar shpopullim masiv të fshatrave. Fshati Odrintsi është një prej tyre, me vetëm dy banorë: një grua e shkuar në moshë dhe një bari. Tani kanë ardhur gjermanët, 14 të rritur dhe 5 fëmijë. Blenë 8 shtëpi të vjetra dhe i rregulluan.

Associated Press shkruan sot për pasuritë nënujore të Shqipërisë. Duke e cilësuar bregun shqiptar më pak të eksploruarin në botë, media në fjalë sjell në vëmendje përvojat e disa zhytësve të RPM Nautical të cilët kanë konstuar pasurinë e nëndetit në vendin tonë. Ekziston frika e grabitjeve tani që vendi ka hapur rrugën për turizmin, pasi autoritetet nuk kanë kapacitete për të mbikëqyrur edhe në këtë drejtim. Në çdo rast, artikulli i shkurtër bashkë me disa foto nga nëndeti në Sarandë janë një formë e mirë për të tërhequr vëmendjen edhe në këtë drejtim deri më tani të shpërfillur.

Pas një rekordi për vendin e parë si njeriu më i pasur në planet, drejtuesi i Microsoft, Bill Gates, ka zbritur në vend të dytë. Ai është zëvendësuar nga drejtuesi i Amazon, Jeff Bezos, pasuria e të cilit vlerësohet në 90 miliardë dollarë, ose 500 milioë më shumë sesa ajo e Gates. Lëvizjet në bursë të martën, rritën aksionet e Amazon me 1.6% që e përkthyer në pasuri të shtuar për Bezos shkon në 1.4 miliardë dollarë më shumë. Gates kryesonte listën e revistës Forbes për 18 vjet në 23 vitet e fundit dhe mbretërimit të tij i ka ardhur fundi.