Alternative

Dhimbje koke ka shkaktuar në Elize publikimi i revistës "Le Point", sipas të cilës Presidenti francez Emmanuel Macron sapo ka dhënë ... 26,000 euro për grimin e fytyrës. "Emmanuel Makron duket shumë i lidhur me grimieren e tij. Ai i ka kërkuar ta ndjekë edhe në Elise dhe të jetë grimierja e tij personale. Por, në mënyrë që fytyra e Macron të jetë e bukur në çdo rrethanë, ju duhet të vendosni dorën thellë në xhepin tuaj.

James Liang, një ish-inxhinier i Volksëagen u dënua nga gjykata e Detroitit me 40 muaj burg dhe një gjobë prej 200.000 dollarësh për rolin e luajtur në skandalin "dieselgate". Pas dhënies së dënimit, James Liang mund të deportohet në Gjermani. Inxhinieri 63 vjeçar kishte pranuar fajësinë për akuzën e mashtrimit. Ai bashkëpunoi me autoritetet amerikane për hetimin e rastit në lidhje me emitimin e më shumë ndotje sesa pareashikon legjislacioni i SHBA për makinat me naftë.

"Dita evropiane e përkujtimit për viktimat e të gjitha regjimeve totalitare dhe autoritare përfaqëson vlerat e përbashkëta të Evropës dhe shteteve anëtare të saj”- ka shkruar në Twitter nënkryetari i Komisionit Evropian, Frans Timmermans duke i vënë kapak diskutimit të hapur nga qeveria greke, e cila kontestoi shenjën e barazisë mes nazizmit dhe komunizmit.

Frank Caprio është një gjyqtar 80 vjeçar në një Rhode Island që po bën jehonë në rrjetet sociale për shkak të sjelljes së tij me të pandehurit. Më njerëzor dhe me empati ndaj njerëzve që paraqiten në sallë të gjyqit, Caprio thotë se publiciteti i madh për të ka ardhur sepse njerëzit kanë humbur besimin te qeveria dhe tek institucionet që nuk konsiderojnë më situatat personale.

Çdo gjë bëhet për para, por ndoshta paraja nuk është gjithçka. Markus Persson është 36 vjeç dhe mund të thuhet se ka arritur atë që pak njerëz munden. Ai është 36 vjeç, ka themeluar Mojang, krijoi Minecraft që ja shiti Microsoftit për 2.5 miliardë dollar. Bingo. Persson iu fut me energji një jetë të re. Një detaj: një vilë 70 milionë dollarë në Beverly Hills. Por nuk qe e thënë që paraja të sillte gëzim. Në disa postime të fundit në twitter, ai përcjell vetmi, melankoli dhe ndjesinë e izolimit.

Banorët e fshatit Antia në ishullin grek të Evias kanë kultivuar prej shekujsh një traditë komunikimi me fishkëllima. Ajo quhet Sfyria. Fshati ka pësuar rrudhje demografike, nga 250 në 37 në dekadat e fundit dhe siç mund të merret me mend, me moshën e madhe, bien edhe dhëmbët, dhe me dhëmbët e rënë, fishkëllima e pleqve nuk arrin notat e larta. Ka spekullime të shumta nga vjen sfyria: disa thonë se vjen nga ushtarët persë që u strehuan këtu mijëra vjet më parë, disa mendojnë se sfyria vjen nga kohët byzantine, të tjerë se burimi është që nga kohët antike.

Është ndarë nga jeta në moshën 87 vjeçare Ylli Popa, akademik dhe mjek. Ai u lind në Elbasan në vitin 1930 dhe u diplomua në Bukuresht. Me ardhjen në Shqipëri ai drejtoi katedrën universitare të biokimisë dhe më pas katedrën e terapisë spitalore. Studoi në Moskë në vitet 1958-1961 për të themeluar më pas në Shqipëri shkollën e kardiologjisë. Ylli Popa është bashkëautor i botimeve universitare “Leksione të Krdiologjisë” dhe “Kardiologjia”. Po kështu Popa ishte pjesë e grupit të mjekëve të Enver Hoxhës.

"Channel" 4 transmetoi të dielën një dokumentar mbi princeshën Diana, të titulluar “In Her Own Words”, pikërisht sepse ishte një rrëfim bazuar në fjalët e vetë Dianës, të regjistruara nga trajneri i saj personal i quajtur Voice Couch. Kërto regjistime mund të shpjegojnë gjithçka në lidhje me karakterin dhe personalitetin e saj të shumë diskutuar në raport me familjen mbretërore dhe princin Karl.

Në raftet e shumë supermarketeve në Zvicër nga 21 Gushti  në dispozicion të klientëve do të vihen produktet e para që kanë si bazë të tyre  insektet. Bëhet fjalë për Burger që përmbanjë insekte me bazë miellin, krimba orizi, perime dhe erëza, por edhe insekte makaronash. 
Siç shpjegoi zëdhënësi i Agjencisë Federale të Sigurisë së Ushqimit Zvicra është vendi i parë në Evropë që lejon konsumin e insekteve. Nga 1 maji në Zvicër hahet dy lloje  insektesh, karkalecat, dhe krimbat e miellit. 

Me këngët e Bob Marley-t në sfond dhe duartrokitjet e 56 mijë spektatorëve në stadiumin e Londrës, Usain Bolt, një nga sprinterët më të mirë në histori i dha zyrtarisht lamtumirën atletikës. "Njeriu-rrufe" siç u pagëzua nga komentatorët u gjunjëzua në tartan duke bërë edhe ndarjen simbolike me pistën e vrapimit. Më pas ai bëri xhiron e lamtumirës i shoqëruar nga ovacionet e pandërprera të publikut, ndërsa bëri të qartë se nuk do të kthehet për të vrapuar në gara.