Vulgariteti parlamentar zbardhet e pushton faqet e gazetave

Të gjitha të përditshmet i kanë dhënë një hapësirë (që s’e ka hak) kacafytjes parlamentare të djeshme, në qendër të së cilës ishte, siç ndodh shumë shpesh, Jozefina Topalli. Kjo e fundit, sikur të mos jetë mjaft që mban qëndrime partizane, është vënë në garë kohët e fundit me deputetët gjuhëzgjidhur e vulgarë. Duhet thënë se parlamenti shqiptar nuk është shquar ndonjëherë për klas e elegancë, por nuk kish zbritur ndonjëherë në këto nivele. Kreu i parlamentit citohet t’u jetë drejtuar deputetëve të opozitës me termat “keni për t’shku për lesh të gjithë”, por në tërësi të gjitha batutat mes saj e deputetëve të opozitës kanë qenë të një banaliteti të pashoq. Të vjen zor t’i dëgjosh ato batuta, të të dy krahëve. Por kampioni i ditës, pas Topallit, ish deputeti Sula, i cili i është drejtuar një kolegu me fjalë, të cilat nuk mund të shkruhen.

Por shtypi i sotëm i kish zbradhur dhe i kish nxjerrë në evidencë gjithë qejf, madje dhe duke i lajmëruar me tituj e me foto në faqet e para.

M.N.