Reforma, por edhe ndëshkime

Në shkrimin me titull: “Shqipëria ka nevojë për reforma, jo për arrestime”, me autor Genc Burimin, komentuesi “illi” ka lënë këtë koment të cilin menduam ta nxjerrim më vete:

Të kërkosh vetëm reforma, pa ndëshkuar vjedhjet, hajdutllëqet dhe dëmet e tjera të qeverise apo qeverive të shkuara, është njësoj si të bësh gjysma punësh. Dhe gjysmat e punëve, këtu tek ne dihet se përfundojnë në hiç punë. Po ashtu, vihet re një frymë e justifikimit të Berishës, i cili gjoja nuk ka parashikuar krizën që po vinte! Kur kërkohet dënimi i Berishës, Bodes apo Gjikës, besoj se ky nuk duhet të jetë qëllim në vetvete, por nga ana tjetër, duhet ndarë mosaftësia për ta parë krizën, me veprimet e qëllimshme që synonin ruajtjen me çdo kusht të pushtetit (pra jo për të shpëtuar skemën e sigurimeve shoqërore etj.). A mundet ta shpëtojë njërin apo tjetrin një vendim që i sjell dëme kolosale vendit, vetëm sepse ai është marrë në mënyrë kolektive?! (si p.sh leja e pallatit të Vlorës). Titulli besoj se duhej të ishte "reformat dhe ndëshkimi duhet të shkojnë paralel" dhe shtjellimi besoj se duhej të ishte në këtë linjë.