Për gazetën DITA, Personazhi i Vitit janë 1 milion shqiptarët që rrëzuan Berishën

Në redaksionalen e postuar sot në faqen e saj online, gazeta DITA shkruan: Shpesh na është dukur sikur viti që shkoi, ka qenë padurueshëm i gjatë, ndoshta edhe për faktin se kishte një ndërprerje në mesin e tij: 23 qershorin, një nga ato ngjarje që e ka “ndarë” kohën më dysh: tani themi shpesh ‘përpara’ apo ‘pas 23 qershorit’. Cili ka qenë personazhi i vitit që shkoi? Për revistën Mapo “Njeriu i vitit 2013” është Edi Rama. Edhe për televizionin TCH ështe kryeministri i vendit Edi Rama, personazhi i Vitit 2013. “Ai është me i votuari nga publiku, ne anketen e  pervitshme te organizuar nga Top Channel  –lajmëroi ky kanal televiziv. Më herët Mustafa Nano bën një renditje që e quan që në krye të herës personale dhe vendos në krye “protestuesit kundër armëve kimike”, e cila sipas tij ishte “protesta më e bukur që është bërë ndonjëherë në historinë e Shqipërisë”. Mero Baze i Temës thotë që bie dakord që vitit 2013 ishte një vit i Edi Ramës. “Fundi i betejës së tij triumfatore i ngjan një maratonomaku. Ai është njeriu i vitit 2009, 2010, 2011 2012 dhe kryeministër i vitit 2013 – shkruan Baze.Bedri Islami, ka përmbledhur ndërkohë mendimin redaksional të DITA-s për personazhin e vitit.  Në një shkrim që do botohet i plotë në numrin e parë të DITA të vitit 2014 në 5 janar, Isami shkruan ndër të tjera:  “Personazhi i Vitit janë një milion shqiptarët që goditën brinjë më brinjë pushtetin e Berishës. Këto meritojnë çdo respekt, sepse mrekullisht, pa asnjë bujë, heshtas, dëshmuan se ky vend nuk ka vetëm “goxhër”,”guriçka” por edhe dinjitet… Pushteti i ri nuk duhet të harrojë se erdhi në pushtet përmes tyre, dhe se, po përmes tyre mund të ikë më shpejt nga sa e mendon. Këto njerëz, të thjeshtë janë mrekullia e vitit 2013 dhe do të jenë për shumë kohë mrekullia jonë. Ne u falemi atyre dhe vetëm atyre…” Zh.