Gafa e policisë, arrestimi i babait të Saimir Tahirit renditet si sukses

Gjatë analizës vjetore të Policisë së Qarkut Tiranë, e cila u mbajt paraditen e djeshme në kryeqytet, kryepolici i Tiranës Ardian Cipa e renditi operacionin "Risperdal" si një sukses të forcave të rendit për vitin 2013.    Pas rezymesë së çipës, analiza e krerëve të rendit vazhdoi me dyer të mbyllura, ndërsa mediat ishin në pritje në ambientet e jashtme për të marrë një deklaratë nga ministri Saimir Tahiri.    I pyetur nga gazetari i Neës24, Spartak Koka, në lidhje me përmendjen e operacionit "Risperdal", z. Tahiri u shpreh duke buzëqeshur se "ka nevojë për korrigjime".    Bashkim Tahiri, babai i ministrit të sotëm të rendit, u arrestua në mars të vitit 2013 nën akuzën e kontrabandimit të medikamenteve, por ai u la i lirë nën masën "detyrim paraqitje" pak ditë më pas.   Lajmi i raportuar dje nga News24 në edicionin e lajmeve nuk u transmetua më, ndërsa shtypi i sotëm i ka dhënë hapësirë gafës në fjalë duke shtruar pyetjen nëse korrigjimi që paralajmëroi Ministri i Brendshëm ka të bëjë me heqjen e emrit të këtij operacioni nga dosja e analizës, apo me ndëshkimin e personave që e kanë përpiluar atë.   /a.R/