LSI tërhiqet nga "Fasonët", sepse "problemi është kompleks". Qeveria i premton ta shohë në Pranverë
Projektbuxheti i vitit 2014 dhe paketa fiskale do të hidhen në votim në seancën e sotme plenare, bashkë me amendamentet e partive politike.
LSI ka paraqitur 3 amendamente, njëri prej të cilëve, ai për mos ndryshimin e taksës së tatim fitimit për fasonët nuk është pranuar nga qeveria. Sipas burimeve të SH, LSI ka tërhequr përkohësisht amendamentin për mbajtjen të pandryshuar të tatim fitimit për biznesin e fasonëve.
Me sa duket, kushti i LSI-së ka qenë që të mbajë pezull këtë amendament duke i dhënë kohë qeverisë brenda pranverës të hartojë një paketë integrale që do t’i vijë në ndihmë këtij biznesi.
Kreu i grupit të LSI-së Petrit Vasili e ka kaluar me frazën "Problemi është kompleks".
Sipas tij, "Qeveria tha garancinë për trajtim të paketës integrale të çështjes së biznesit fason që do të shqyrtohet edhe me grupet e interesit, lehtësira të karakterit infrastrukturor, dhe administrativ duke e bërë të mundshëm të jetë një biznes i shëndetshëm“.
k.c.
Comments
Na shpiegoni pak cfare dreqin
<p>Na shpiegoni pak cfare dreqin eshte ky biznesi fason?!? S'ka googlim qe i jep pergjigje.....</p>
Add new comment