Shqiptarja. Com del me një redaksionale; dhe u bie borive të alarmit

E përditshmja shqiptarja.com ka publikuar sot një shkrim të lajmëruar qysh në faqe të parë e të kataloguar nën emërtimin “redaksionale”. Është një gjë që kjo gazetë e bën herë pas here në momente të supozuara si dramatike, e mund të merret me mend se kjo “redaksionale” ka të bëjë me situatën e djeshme në Kuvend, ku Berisha ia doli, në luftë me të gjithë, të rekuperonte kontrollin në KQZ. Titulli është “Seanca e frikshme”, dhe shkrimi fillonte me frazën e shkurtër: Ajo që pritej, ndodhi. Mesazhi kryesor përcillet në paragrafin: “Ajo e djeshmja ishte një seancë që brenda një ore tregoi qartë se si do të jenë zgjedhjet e ardhshme. Maxhoranca e sotme do të përpiqet me të gjitha mundësitë, me të gjitha format, me të gjitha mënyrat, që të jetë sërish maxhoranca e ardhshme”.

Redaksionalen e plotë mund ta ndiqni në linkun http://www.shqiptarja.com/analiza/2709/seanca-e-frikshme-152018.html

Re.Pu.