Balkan Insight denoncon një biznes të padeklaruar të Andis Harasanit

Një raportim me titull “Zbulohet biznesi i fshehtë i Andis Harasanit”, i shkruar nga Altin Raxhimi e Besar Likmeta, ka filluar të publikohet në shumicën e siteve të lajmeve online. “Të dhënat e nxjerra nga një mal me dokumente që ranë në dorë të një grupi gazetarësh investigativë, tregojnë se 41 vjeçari Harasani, i cili u largua nga parlamenti një vit para përfundimit të mandatit shtatorin e kaluar, përdori adresë në Bon për të regjistruar një kompani 8 mijë kilometra në më perëndim në parajsën fiskale të Ishujve Virxhin të Britanisë. Sipas dokumenteve që zbuloi Balkan Insight, në nëntor 2007, Harasani e regjistroi kompaninë në Ishujt Virxhin të Britanisë me emrin Ëhite Ebony Holdings Ltd, ku ai rezulton drejtor dhe aksioner.”, thuhet në këtë raportim.

Autorët thonë se e kanë kapur Andis Harasanin në telefon, apo online, por ai nuk ka pranuar të japë shpjegime lidhur me këtë argument. Shkrimi i gazetarëve në fjalë fokusohet tek korrupsioni në tërësi, e prandaj aty ka dhe emra të tjerë zyrtarësh. Por Harasani është emri më i rëndësishëm që përmendet.

Shkrimin e plotë mund ta ndiqni në linkun e Shqipit http://gazeta-shqip.com/lajme/2013/04/12/zbulohet-kompania-e-fshehte-e-andis-harasanit/

Re.Pu.