Blloku Bota

Hamasit i është propozuar një marrëveshje, ndërsa pritet raundi i ri i bisedimeve në Kajro, me ndërmjetësimin e Egjiptit dhe Katarit.   

Në këmbim të lirimit të pengjeve izraelite, Hamasit i është ofruar armëpushim 40-ditor dhe lirimi i "mundësisht mijëra" të burgosurve palestinezë.

Detajet e propozimit i bëri të ditur sekretari i Jashtëm britanik, David Cameron.

SHBA ka blerë 81 avionë luftarakë të epokës sovjetike nga Kazakistani. Sipas Kyiv Post, të cilës i referohet Bussines Insider, vlera e deklaruar e shitjes është 2.26 milionë dollarë, që do të thotë 19 300 dollarë për avion.

Mendohet se avionët mund të përdoren në Ukrainë, ku të ngjashëm si ai janë ende në shërbim.

Rruga e shkurtër nxjerr për gjatë. Ky proverb provohet sërish në rastin e lojës juridike të Britanisë së Madhe me imigracionin. Pasi miratoi me luftë të madhe dhe debate ligjin për trajtimin e azilantëve në Ruanda, duke shpikur ekstraterritorialitetin si gjetje për devizualizuar Emigrantin nga përditmëria politike, Londra zyrtare krahas Italisë, hapi një dritare të re të cinizmit ndërkombëtar në menaxhimin e një dukurie që është emblematike e kohës sonë.

Universiteti i Oksfordit ka mbylllur një institut akademik të drejtuar nga një prej filozofëve të preferuar të Elon Musk. Instituti Future of Humanity, kushtuar lëvizjes për të ardhmen afatgjatë të njerëzimit dhe ideve të tjera të miratuara nga Silicon Valley, si altruizmi efektiv, u mbyll pas 19 vitesh funksionimi. Musk kishte dhuruar më shumë se 1.25 milionë dollarë në 2015 përmes një organizate motër për të hulumtuar kërcënimin e inteligjencës artificiale.

Gazeta amerikane “The Wall Street Journal” shkruan se sipas shërbimeve sekrete amerikane Presidenti rus, Vladimir Putin, nuk rezulton të ketë urdhëruar vrasjen e opozitarit Aleksey Navalny. Gazeta citon burime të vetat që vënë në dukje se të dhënat e mbledhura nuk konfirmojnë një vrasje të organizuar nga Kremlini dhe këtë pikëpamje e kanë ndarë edhe me agjencitë europiane.

Izraeli ka nisur një rrugë në të cilën është vetëm dhe madje po e vendos aleatin e vet kyç, SHBA, në një pozitë shumë të pafavorshme. Ish-ambasadori amerikan në NATO, Ivo Daalder, shkruan në “Politico” se edhe goditja e konsullatës iraniane në Siri ishte një veprim I Netanjahut që nuk kishte miratimin amerikan.

Presidenti turk ka shtyrë vizitën në Shtëpinë e Bardhë, e planifikuar për në 9 maj. Lajmin e bën të ditur Anadolu Agency, dike iu referuar një burimi që ka dijeni mbi vendimin. Megjithatë, mbetet e paqartë arsyeja e kësaj shtyrjeje.

Një zyrtar amerikan vuri në dukje se takimi nuk ishte shpallur zyrtarisht.

Uashingtoni do të tërheqë plotësisht trupat nga Nigeri dhe po zhvendos edhe personelin ushtarak të vendosur në Çad, pasi po shqyrton mundësinë e vijimit të misionit antiterrorist të Amerikës në rajonin e Sahelit.

Presidenti kinez, Xi Jinping, ka bërë thirrje gjatë një takimi me sekretarin amerikan të Shtetit, Anthony Blinken, që Kina dhe SHBA të jenë partner.

Të dyja vendet duhet të jenë partnere, jo rivale

citohet Xi pas takimit me zyrtarin amerikan që ndodhet në Kinë për herë të dytë brenda këtij viti.

Ka ende një numër çështjesh që duhen zgjidhur dhe ka ende hapësirë për përpjekje të tjera. Ne shpresojmë se SHBA mundet po ashtu të marrë një pozicion poztiv për zhvillimin e Kinës

Mediat rajonale raportojnë se votimi i Rezolutës për Srebrenicën në OKB është shtyrë. Parashikuar për në datën 2 maj, votimi është shtyrë për shkak se teksti është shpërndarë për rishikim nëse do të ketë propozime. 

Lajmi bëhet i ditur nga ambasadori i Bonsje-Hercegovinës në OKB, Zlatko Lagumdzija.