Blloku Bota

Këshilli i Ministrave i Bashkimit Evropian (BE) e ka miratuar sot vendimin përfundimtar për të ndryshuar kornizën negociuese për anëtarësim me Serbinë, duke e kushtëzuar pranimin e saj me normalizimin e marrëdhënieve me fqinjin e vet, Kosovën. Ky ndryshim ka të bëjë me kapitullin 35 të kornizës negociuese, në të cilin zbatimi i Marrëveshjes për rrugën drejt normalizimit të marrëdhënieve me Kosovën tani bëhet edhe kusht formal për Serbinë në procesin e negociatave të anëtarësimit në bllok. 

Ish-kryeministrja serbe, Ana Brnabiç, aktualisht kreytare e Parlamentit të Serbisë, ka eklaruar se mesazhet e kreut të NATO-s për Europën, Christopher Cavoli për shtim trupash në Bosnje-Hercegovinë dhe Kosovë, janë shqetësuese. Sipas saj, NATO qëndron edhe pas rezolutës në OKB për Srebrenicën ku do të përcaktohet termi genocid për atë që ndodhi dekada më parë dhe që në interpretimin e palës serbe, çon në ndarje edhe më të thella në rajon.

Kjo do të hapë Kutinë e Pandorës. Pas kësaj, Zoti i ndihmoftë të gjithë ata për atë që kjo do të shkaktojë

Paketa e re e ndihmës së Shteteve të Bashkuara të Amerikës për Ukrainën, duket se është kushtëzuar me mobilizim masiv të trupave nga Kievi. Agjencia shtetërore e lajmeve në Rusi, TASS, citon burime diplomatike nga Brukseli, sipas të cilëve dekreti presidencial i Volodymyr Zelenskiyt – të cilin TASS e raporton për Vladimir Zelenskiy - për mobilizimin e detyruar të ukrainasve, shoqëruar me sanksione të rënda për ata që shmangen, ka qenë i diktuar nga nga Aleanca Perëndimore që ka kërkuar trupa në terren përpara sesa të vijojë me furnizimin me armë dhe municione.

Duket se diçka ka ndryshuar në raport me Serbinë. Nëse pak muaj më parë, presioni perëndimor orientohej kryesisht drejt Kosovës, aktualisht, SHBA dhe BE po detyrohen të lëvizin ndaj Serbisë. Kjo u bë e qartë edhe pas një takimi të presidentit serb, Aleksander Vuçiç, me zv.sekretarin amerikan të Shtetit për Çështjet Euraziatike, James O’Brien.

Gjykata Kushtetuese kroate ka vendosur se presidenti aktual Zoran Milanoviç nuk mund të bëhet kryeministër. Vendimi vjen pas zgjedhjeve të 17 prillit në të cilat partia e Milanoviçit u pozicionua e dyta pas asaj të kryeministrit Andrej Plenkoviç, i cili drejton ekzekutivin që nga viti 2016.

Forcat ruse po tërhiqen nga rajoni i Karabakut në Azerbajxhan, ku kanë qenë të vendosur si paqeruajtës që nga përfundimi i një lufte në vitin 2020. Lajmin e konfirmuan zyrtarë të të dy vendeve.

Presidenti turk, Rexhep Tajip Erdogan, tha se Izraeli ka vrarë në Gaza më shumë fëmijë se regjimi i Adolf Hitlerit.

Gjatë një takimi me grupin parlamentar të partisë së tij, AK, Erdogan tha se forcat izraelite kanë vrarë mbi 14 000 fëmijë të pafajshëm në Gaza që nga 7 tetori, duke lënë pas mizorinë e Gjermanisë naziste.

Kandidati kryesor i socialdemokratëve francezë, Raphaël Glucksmann, kritikon nivelin e pamjaftueshëm të mbështetjes evropiane për Ukrainën, duke akuzuar liderët, mes të cilëve edhe presidentin Emmanuel Macron, për "kënaqësi në të folur, por dobësi në veprime".

"Ne ende nuk kemi rregulluar linjat tona të prodhimit, ne ende nuk kemi bërë atë që duhej bërë", tha Glucksmann për POLITICO.

Ekonomia globale është e destinuar të tkurret mesatarisht me 19% deri në vitin 2049 për shkak të krizës së vazhdueshme klimatike, por me dallime të qarta midis vendeve gjithnjë e më pak të pasura: ato me të ardhura të ulëta dhe me emetim të ulët historik të gazeve serrë do të vuajnë më shumë, do të pësojnë humbje të ardhurash 61% më të madhe se ato me të ardhura më të larta dhe 40% më shumë se vendet me emetime më të larta.

Greqia do të zhvillojë një sistem të mbrojtjes ajrore të ngjashëm me Kupolën e Hekurt të Izraelit, me qëllim që të mbrojë vendin nga kërcënimet ajrore. Lajmin e bëri të ditur ministri i Mbrojtjes, Nikos Dendias.