Qeveria

Pasi iku nga ministër i Jashtëm me motivin se ishte lodhur, pasi bëri kritikun e mërzitur nga media “të majta” ndaj qeverisë së Sali Berishës dhe mandej PD-së në opozitë, Besnik Mustafaj është rikthyer në politikë. Atij ja kanë hapur derën në një parti opozitare si PD-ja, e cila është në nevojë të madhe për çdo lloj ndërhyrjeje që jep idenë e ndryshimit dhe çon në fitimin e kohës. Është një rikthim si ai i Eduard Selamit, që pasi u përfol gjatë si një politikan me kushedi se çfarë kapacitetesh, provoi se në fakt është thjesht një anonim i keqkuptuar qëllimisht nga media.

Me kalimin e reformës në drejtësi dhe sidomos të ligjit të vettingut, ka një mësymje propagandistike që e vendos qeverinë në pozicione epërsie të padiskutueshme për zgjedhjet. Pozicione që duken edhe më të logjikshme kur sheh sesi Ilir Meta e la masazhin me Arjanin e hotel “Grand” dhe iu drejtua për ndihmë masazheve nga kryeministri.

Këtë të mërkurë Spanja do të vendosë nëse do t’i drejtohet sërish zgjedhjeve parlamentare për herë të tretë brenda një viti. Kryeministri aktual, Mariano Rajoy pritet të përballet me një mocion besimi në Parlament, pasi nuk ka arritur të krijojë shumicën e nevojshme për të qeverisur. Spanja ka 3 muaj pa një qeveri efektive që nga zgjedhjet e qershorit, që u zhvilluan edhe ato pas zgjedhjeve të dhjetorit.

Mënyra sesi Partia Demokratike po bën opozitë me një seri deklaratash nga selia, shumica e të cilave janë kthyer në recitime pa vlerë për shkak të shpërdorimit që i bëhet fjalës, zhvlerëson edhe ato problematika serioze që artikulohen nga partia kryesore opozitare.

Sot koordinatori i PD-së, Ervin Salianji denoncoi zvarritjen e punimeve në rrugën nacionale Korçë-Ersekë, e cila sipas tij është prej 3 vitesh në gjendjen që nisi investimi. Kjo rrugë  rrugë nacionale lidh më shumë se 20 mijë banorë të rrethit të Kolonjës me Korçën.

Partia Socialiste, e cila po udhëheq reformën në drejtësi me shumicën e propozimeve të saj të rrëzuara nga Komisioni i Venecias, vijon ta konsiderojë këtë proces si atribut të ekskpertizës së saj politike dhe juridike,  duke aplikuar standarde të ndryshme edhe kur vjen fjala për atë që mund të quhet thelbi i reformës, kontrollin e pastërtisë së figurës së gjyqtarëve dhe prokurorëve.

Qeveria shqiptare duket se do të ketë një tjetër përballje ligjore me investitorët vendas e të huaj. Një VKM e qeverisë  që i detyron konçesionarët në fushën e energjisë së rinovueshme që të prishin kontratat e lidhura me KESH sh.a dhe të nënshkruajnë një kontratë të re me OSHEE kanë ngjallur reagimin e ashpër të Shoqatës Shqiptare të Energjisë së Rinoveshme.

Partia Republikne u është bashkuar zërave që i kërkon qeverisë të regjistrojë pronat e banorëve të Himarës dhe të mos avancojë në projekte që cënojnë pronat e bamorëve. Në një deklaratë për shtyp, kryetari Fatmir Mediu tha se dënon cdo forme te dhunes qeveritare mbi banoret e Himares dhe gjithe bregdetit.

Qeveria lë të pandryshuar pagën minimale, ndërkohë zbatohet vendimi i gjykatës që rrëzoi vendosjen e pagës së referencës për kontributet e sigurimeve të profesioneve të lira. Ndërkaq, për ata që kanë tituj shkencor, për kuotën e kontributeve vendoset masa 5% e titullit.

"TemaTv"

Ministrja e Mbrojtjes Mimi Kodheli ka rikthyer në vëmendje një çështje që u debatua jo pak, ajo e dhënies së dekoratave veterenëve të luftës me rastin e 70 vjetorit të çlirimit. Presioni publik dhe ai i opozitës bënë që qeveria të pranojë rishikimin e ligjit, duke angazhuar madje Taulantin Balla të dorëzojë një amendim, i cili ka mbetur vetëm në sirtar dhe për ministren Kodheli fjala që duhet thënë në këtë rast është “t’i gëzojnë” medaljet e luftës ata që i morën. Një urim që zë vend në vitin e fundit të mandatit kur po nis të projektohet edhe fushata për zgjedhjet e ardhshme.

Ilir Meta u shfaq edhe njëherë sot në media, për të kumtuar për shqiptarët e interesuar sesa konstruktiv është dhe sesa për zemër e ka stabilitetin. Në një dalje në “ABC NEWS”, Meta tha ndër të tjera se “I kam thënë Ramës, t’i jap 2-3 vota dhe mund të bësh 71 për të mbajtur qeverinë. Njëlloj siç i kam thënë edhe para një viti që nëse nuk i pëlqen koalicioni me LSI-në mund të bënte koalicion me PD-në nëse dëshironte dhe LSI mund të rrinte në opozitë”.