presidenti

Presidenti i Republikës, Ilir Meta ka paralajmëruar sot se procesi zgjedhor i 25 prillit në Shqipëri do të ketë probleme serioze dhe kontestime. Përmes një dekreti të vet, Meta ka kthyer për rishqyrtim ligjin “Për Policinë e Shtetit”, në të cilin paraqet disa arsye që kanë vlerë politike për zgjedhjet. Që në hyrje të arsyetimit, Presidenti e lidh procedurën e miratimit të ligjit në Kuvend, me procesin zgjedhor, duke hedhur dyshime mbi atë që e quan roli I Policisë në zgjedhje.

Kryeministri i Kosovës Avdullah Hoti ka thënë se në rast të mos dakordimit për çështjen e presidentit, atëherë vendi do të shkoj në zgjedhje. Hoti ka thënë se nëse ka vullnet nga partitë politike për zgjedhjen e presidentit të ri atëherë do të ulen të diskutojmë. Kryeministri ka konfirmuar se koalicioni qeverisës nuk i ka 80 vota të cilat nevojiten për zgjedhjen e presidentit të ri të Kosovës.

Është zbardhur sot në media draftligji për Presidentin e Republikës, një ide që ka vite që diskutohet. Nga sa lexohet në draftin e publikuar, aty preken edhe përkufizimet për Presidentin, që ushtron kompetenca “në cilësinë e organit të lartë shtetëror”.

P.sh nëse në Kushtetutë, neni 86 thotë se:

Presidenti i Republikës është Kryetar i Shtetit dhe përfaqëson unitetin e popullit

Në një diskutim në faqen e tij në Facebook, kryeministri i vendit Edi Rama, ka mbrojtur mendimin se Ilir Metën e zgjodhi president të Republikës, Shqipëria. Sipas tij, “Ne”, d.m.th Ai, nuk kishte votat për të zgjedhur një president tjetër. Por a është e vërteta kështu? Pyetja mund të ketë vlerë për ata që kanë kuriozitet, pasi ruajna Zot, nuk kemi për qëllim të prishim qetësinë e të ngrënit Këlltup karamelet e Edit, që i ngjan përherë e më shumë asaj sëmundjes që të merr pa e ndjerë. Atij arsenikut që të vret pa kuptuar.

Sot në disa media të opozitës është qarkulluar një koment I drejtorit të kabinetit të Kryeministrit Endri Fuga që del në skenë sa herë mendon se pala tjetër ka rënë në kurth dhe çdo koment nuk gjeneron më replika. Shkruan Fuga në tuiter i cituar prej këtyre mediave:

Ka rinisur sezoni menstrual i konfliktit mes presidentit dhe kryeministrit. Presidenti shan e mallkon për Rilindjen, kryeministri zografis mençurinë nëpër stoqe dixhitalë cicërimash tuiteri. Duke folur çuditërisht në emër të shqiptarëve që nuk dihet se për cilën arsye mendon se i përfaqëson. 

Presidenti i Republikës, Ilir Meta ka vendosur të akordojë Medaljen e Mirënjohjes për Gabin, ose bashkimin e të gjithë shitësve të rrovave të përdorura në vendin tonë për ndikimin e tyre në furnizimin e tregut me mallra perëndimore, duke shërbyer në mënyrën e vet si liman i lidhjeve me Perëndimin përmes konsumit. Po kështu presidenti vlerëson rolin e Gabit në çrrënjosjen e kulturës së dokut dhe basmës në veshjen e shqiptarit, shenja të kohës më të errët të Diktaturës.

Zgjedhjet elektorale të radhës do të mbahen më 25 prill. Presidenti Meta ka dekretuar sot datën e zgjedhjeve parlamentare, pas konsultimeve të ditëve të fundit me partitë parlamentare.

Në këto të fundit, opozita propozoi 18 prillin si datë për zhvillimin e zgjedhjeve parlamentare, ndërsa Partia Socialiste ka kërkuar 9 majin, që përkon me Ditën e Fitores ndaj Nazifashizmit.

Presidenti i Libanit, Michel Aoun ka bërë thirrje dje për shpalljen e një shteti shekullar si e vetmja mënyrë për të ruajtur pluralizmin në vend.

Bëj thirrje për shpalljen e Libanit një shtet shekullar. Një shtet  i tillë është e vetmja mënyrë për ruajtjen dhe mbrojtjen e pluralizmit  si dhe krijimin e unitetit. Rinia e Libanit po kërkon ndryshimin…Unë them po, koha ka ardhur. Ka nevojë për zhvillim, modifikim, ndryshim sistemi

Personi që zyrtarisht kryen detyrën e Presidentit të Republikës, Ilir Meta, ka dalë sot me një propozim: të krijohet një media e re, e pavarur. Shkas për këtë është bërë situata e fundit që sipas Metës është shqetësuese.

Dua sot të shpreh solidaritetin më të fortë me të gjithë gazetarët që janë në një presion brutal nga të gjitha drejtimet për shkak të tmerrit nga raportimi i të vërtetave të tyre në publik.