Gjekmarkaj

Shqipëria ka sot dy probleme themelore: një qeverisje kriminale në kuptim të implikimit në korrupsion dhe e dyta; kjo qeverisje konfirmohet me votë. Për shkak të një opozite që nuk arrin dot të përfaqësojë tashmë veçse historinë e vet që po e ezauron si ekzistencë në mbijetesë. 

Ajo që ndodhi dje me Partinë Demokratike të ngujuar në Pallatin e Kongreseve ishte asgjë më shumë sesa një mizaskenë e ideuar nga dhaskalë provincialë me maksima filozofike antikomunizmin publicistik.

Sot në një ditë të shenjtë, siç është kjo e Bajramit, u konsumua një ngjarje në kufijtë e aktit terrorist ndaj Heroit tonë Kombëtar. Nuk jam në gjendje ta ndaj, a ta quaj se kush, por organizatorët e faljes së Namazit në sheshin “Skënderbej”, mbuluan me perçe të zezë monumentin e Gjergj Kastriotit, Skënderbeut.