erdogan

Gjatë 20 muajve të qëndimit të Ahmet Davutoglusë në postin e kryeministrit turk dhe drejtuesit të partisë për "Drejtësi dhe Zhvillim", AKP ka pasur shpesh zëra për një krisje në marrëdhënien mes kryeministrit dhe presidentit turk, Rexhep Taip Erdogan. Por presidenti i hidhte poshtë ato në mënyrë të përsëritur.

Kryeministri i Turqisë, Ahmet Davutoglu ka dhënë dorëheqjen. Mediat njoftojnë për një mbledhje të tensionuar dje mes tij dhe Presidentit Erdogan dje, e cila u cilësua si “përcaktuese për të ardhmen e kryeministrit turk”. Sot Davutoglu mbajti një konferencë për shtyp në të cilën vlerësoi se “ndryshimi në lidershipin e partisë dhe qeverisë do të jetë një gjë e mirë”. Në bazë të statutit të partisë AKP, ai mban edhe detyrën e kryetarit të saj të cilën do ta lërë formalisht pas zhvillimit të Konventës në datën 22 maj.

Dje shumica e agjencive perëndimore të lajmeve informuan rreth vizitës së zv/kryeministrit turk Numan Kurtumulus në Kosovë. Në fakt e si zakonisht; vizitat e subprimatëve të këtillë as që regjistrohen. Ky i radhës mirëpo u plasua me përpikëri dhe gjithandej, jo për shkak të rëndësisë së funksionarit erdoganesk e të papeshë, por për shkak të deklaratave që i apostrofuari i bëri gjatë një feste po aq «interesante» sa edhe vetë deklaratat vetëdenoncuese të tij.

Presidenti turk Erdogan ngjan i mbërthyer nga një valë zemërimi me disa njerëz të politikës anembanë botës. Pas rastit të fundit me Gjermaninë, ku Erdogan kërkon procedimin penal të një komediani, vjen edhe “eventi” i radhës. ANSA njofton se Tib, autoritetit turk për telekomunikacionet ka vendosur bllokimin e aksesit në faqen online të agjencisë ruse, pro -Putin, “sputniknews.com”. “Bëhet fjalë për një masë administrative, ndaj të cilit mund të shkohet në gjykatë”, deklaron enti në fjalë.

Acarimi i i presidentit turk, Recep Tayip Erdogan, me gazetarët po bëhet lajm kudo në botë. Aq sa po ndikon në objektivat e axhendës së vet. “Foreign Policy” shkruan se “The Brookings Institution” për një moment desh e fshiu nga nga kalendari i vet një vizitë dhe një fjalim të Erdogan në të, pasi truprojat e tij shtynë dhe goditën gazetarët turq dhe perëndimorë që ishin mbledhur para think tankut në fjalë në Washington. Presidenti i “Brookinks”, Strobe Talbot, kishte deklaruar se do të anulonte takimin duke krijuar një situatë të tendosur.

Ka bërë bujë një fjalim i presidentit turk në Stamboll, përmes të cilit ai sulmoi sjelljen e disa përfaqësuesve diplomatikë në Turqi. Recep Tayip Erdogan thuhet se ka sulmuar veçanërisht Konsullin e Përgjithshëm të Britanisë së Madhe, Leigh Turner, i angazhuar për çështjen e një gazetari që po gjykohet për akuzën e spiunazhit. “Turneri pati ndjekur të premten me disa diplomatë të huaj, midis tyre edhe me ambasadorin gjerman, Martin Erdmann, hapjen e procesit gjyqësor shumë të diskutueshëm kundër dy gazetarëve kritikë ndaj qeverisë, Can Dündar dhe Erdem Gül.

Autori i këtyre radhëve është një gazetar turk, i cili deri para pak javësh drejtonte gazetën “Zaman”, të përditshmen me tirazhin më të madh në Turqi. Vetëm pak orë pas sekuestrimit të gazetës dhe caktimit të administratorëve shtetërorë, papritmas u konsiderova “anëtar i një rrjeti terrorist”. Prej gati dy vitesh, vendi im është kthyer në një arenë të lojërave politike dhe më datë 4 mars, përjetoi një tjetër skenë surrealiste. Qeveria përdori gaz lotsjellës dhe pompa me ujë për të sulmuar gazetën që unë drejtoja. Disa prej nesh u keqtrajtuan dhe disa të tjerë i shanë dhe i fyen rëndë.

Presidenti turk, Rexhep Taip Erdoan tha se kamikazi belg Brahim El Bakraui, i vetëvrarë në sulmet kamikaze në Bruksel është deportuar nga Turqia në korrik të vitit 2015, pas arrestimit, në qershor të 2015.  Autoritetet turke kishin paralajmëruar ato belge se ai ishte militant islamik.  Megjithatë, El Bakraoui ishte lënë i lirë nga autoritetet belge, pasi nuk ishin zbuluar lidhje me terrorizmin.  Erdoan tha se “Belgjika shpërfilli paralajmërimit e Ankarasë”.  Me kërkesë të tij, El Bakraui u kthye më pas  në Holandë.

Presidenti turk, Rexhep Taip Erdoan u zotua se “do të gjunjëzojë” terrorizmin pas sulmit në Ankara, ku humbën jetën 37 persona dhe u plagosën mbi 100 të tjerë. Mes viktimave është edhe kamikazi i dyshuar.Një autobombë shpërtheu në orën 18:41 të së djelës, pranë një stacioni autobuzi, në Parkun Gyven, në lagjen Kizilai, një nga nyjet e rëndësishme të transportit në kryeqytetin turk. Përmes një deklarate, presidenti turk tha se “grupet terroriste po vënë në shenjestër civilë sepse e kanë humbur betejën me forcat e sigurisë”.

Shpërthimi i fundit në Ankara dhe sulmi ndaj autokolonës ushtarake turke duke se po i hap rrugë një ndërhyrje ushtarake të Turqisë në Sirinë veriore, me qëllim aneksimin e saj. Analistët shkruajnë se si Turqia ashtu dhe Arabia Saudite janë të inteteresuara të ndërhyjnë me operacione nga toka në Siri, duke parë interesat e tyre.
"Synimimi i Erdogan është aneksimi i pjesës veriore të Sirisë, edhe pse zyrtarisht Akaraja e ka mohuar një gjë të tillë" - thotë për agjencinë ruse "Sputinik"' analisti i çështjeve gjeopolitike, Maikëll Kosudofski.