destinacioni

Pyetja se ku i ka çuar qeveria Rama 1.2 milirdë eurot që ka marrë borxh është bërë shpesh në media kohët e fundit, dhe ajo ka gjetur jehonë edhe në kafenetë shqiptare. Që t’i jepet një përgjigje rigoroze kësaj pyetje, duhen konsultuar të dhënat zyrtare të borxhit dhe buletinet fiskale të Ministrisë së Financave, të cilat janë monitoruar në mënyrë strikte nga FMN-ja -- qysh kur kjo e fundit u kthye me kredi në Shqipëri, pas largimit të qeverisë Berisha.

Sa shqiptarë jetojnë jashtë? Statistikat janë të lëvizshme, por “Pew Research Center” ka publikuar një bazë të dhënash(shtator 2014) e cila pasqyron origjinën dhe destinacionin e emigrantëve nga e gjithë bota për vitet 1990-2013. 20 vjetëshi i fundit pranohet se është një ndër më dinamikët në lëvizjen e popullsisë së botës dhe kjo mind të vlerësohet sadopak edhe te shifrat për Shqipërinë. Kërkimi për vendin tonë jep si rezultat shifrën se në vitin 2013, 1 250 000 njerëz që kanë lindur në Shqipëri, banonin në vende të tjera. Po të shohësh listën, del në konkluzionin se “shqiptarë ka kudo”.