Të Kripura

Frrok Çupi, që ndoshta nuk gabojmë të themi se ka marrë çmim në qeverisjen e Berishës, ka vendosur të flasë më vete. Në një shkrim të sotmin të tij, që ja boton gazeta “Tema” online, Çupi thotë se në Vlorë më 1997-n Sali Berisha dërgoi mercenarë iranianë. Këtë gjë se ka thënë kush deri më tani, ndaj kemi përfundimin se Çupi flet me vete deri sa ky version të provohet. Konkretish zotëria thotë se:

Mbretëresha Elisabeth II vdiq. Ligj absolut i jetës, më jodiskriminuesi dhe më i barabarti. Është ky që i jep kuptim intuitës filestare për një metafizikë. Madje sikur të mos vdiste, nuk do të ishte ajo që pranon një pjesë e botës se është. 

Problemi i të vdekurve është se detyron të gjallët që të flasin për ta, në një ritual të përjetshëm që nuk dihet pse vazhdon. Pasi në fakt të gjallët flasin për veten. 

Në kuadër të projektit për ndarjen e re administrative-territoriale mësohet se Partia Socialiste ka bërë gati krijimin e një njësive administrative më vete për menaxhimin e inceneratorëve. Burime të sigurta nga Fabrika e Ideve që drejtohet nga E.F, bëjnë me dije për "Të Kripura" se  propozimi bëhet për të vendosur në kontroll financiar më të mirë një sektor që ndonëse nuk ka lidhje territoriale direkte bashkon në fakt zonat me më shumë popullsi në vend.

E shtunë 23 korrik 2022. Nuk raportohet ende ndonjë vrasje. As e stilit mafioz, as ditën e as natën.

Agresioni kibernetik vazhdon, kundërofensiva e AKSHI-t po ashtu. Edhe me laptop nga plazhet ndoshta. Superekspertët amerikanë nuk dihet ende kur do të flasin

Dita duket e mbarë. Heroi i saj sot është Gent Gazheli i doganave: një tjetër status kundër Irfan Hysenbelliut – tajkunit të Shkozës – të cilit i ka vendosur një gjobë të mirë.

Më poshtë një letër e organizatës së Tragjasit drejtuar kryeministrit Rama: 

Z. Kryeministër, ndoshta ju nuk e keni parë një video të shpërndarë nga z. Sali Berisha për mushkonjat në Orikum. Shikojeni, është e vërtetë. Mushkonjat janë reale, qamet i zi anëekënd. 

Nuk lënë vend pa të pickuar. Dua të them edhe sikur ajo video e Berishës të jetë në Shkodër, ku e kuptoj pse nuk spërkasni, me siguri që edhe në Orikum e Sarandë, Tiranë e Durrës, është nami me mushkonja. 

“Të Kripura” mëson se presidenti aktual, Ilir Meta, ka rezervuar dekoratën e fundit të mandatit të tij për kryeministrin Edi Rama. 

Vizita e fundit në Turqi e z. Meta ishte pikërisht në këtë kontekst: marrja e sigurimeve nga Ankaraja zyrtare për kreun e shtetit, që i ka shumë të paktë miqtë ndërkombëtarë. Pas dekretimit rrufe të Begajt, mësohet se qëndron premtimi për të mos cenuar raportet me Turqinë, tashmë që ka një fije shprese se opozita mund të kthehet në forcë për pushtet. 

Lexoni ju lutem editorian e djeshëm të gazetës "Tema": https://www.gazetatema.net/editorial/rikthimi-i-jugut-ne-harten-e-turizm...

Në takimin e fundit mes tre liderëve të Ballkanit të Hapur, z. Rama ia ka dalë të bindë presidentin serb Aleksander Vuçiç të vijë e të kalojë disa ditë pushime  në Shqipëri. Burimet bëjnë me dije për "të Kripura", se ka qenë kryeministri shqiptar që e ka ngarë i pari bisedën në këtë drejtim, duke i shprehur Vuçiçit se “në kohën e komunizmit për mua ka qenë ëndërr të isha në Beograd, apo të shikoja Dalmacinë”.

Aty për aty, Vuçiç e ka ftuar kryeministrin shqiptar i cili ia ka kthyer se me ardhjen e tij në pushtet e kishte ndaluar pushimin jashtë vendit për ministrat.

George Soros do të ketë së shpejti një bust në Tiranë. Burime të sigurta për “Të Kripura” bëjnë me dije se në vend të kërpudhës së Philipe Parrenos që ka qenë të Kryeministria dhe që u shkatërrua pas protestive të Partisë Demokratike, do të vendoset një bust i filantropit të njohur hungarez, në nderim të kontributit të tij për rilindjen e shoqërisë civile në Shqipëri pas rënies së Diktaturës Komuniste.