Shpipëri Hesapi

Më 22 prill të këtij viti, në Ditën Kombëtare të Tokës, kryetari i Bashkisë së Tiranës, Erion Veliaj, lajmëroi mbylljen e fushatës intensive të kurorëzimit të kryeqytetit me mbjelljen e 120 mijë pemëve. Për disa muaj rresht, ai ishte kryelajmi i bashkisë, me kryetarin që udhëhiqte i veshur me uniformë punëtori një fushatë pyllëzimi, ku u përfshinë institucione të tjera, ministri, ushtria, por edhe donatorë të ndryshëm.

Aleanca për Mbrojtjen e Teatrit ka shpërndarë fotomontazhin e mëposhtëm që tregon se çfarë pasojash kanë ndërhyrjet si kjo në Teatrin Kombëtar. Që mund të mos jetë monument kulture si Kinemaja në foto, por e kujton dhe e riprodhon më mirë Tiranën historike. Vetëm nëse ne të gjithë ndoshta jetojmë në një realitet që nuk po dimë të shquajmë vlerat e kësaj ndërtese që ka zëvendësuar Kinemanë, vlera të cilat mund të rroken nga pamja vetëm për nga shifrat me gjashtë zero. 

Ministrja e Kulturës, Mirela Kumbaro, shprehur gëzim dje në Facebook - mediumi ku ajo preferon të flasë e ku siç mund të shihet nuk e begenis shumë njeri - për firmën e 65 artistëve, me një status që e niste me emrin e Pirro Manit. Por sot, kur z. Mani, ka përgënjeshtruar këtë fakt, znj. Kumbaro ndoshta duhet të kërkojë një ndjesë, sepse ndoshta pa ditur dhe padashur u bë pjesë e një lajmi të rremë.

Për të dytën here brenda 15 muajve Biblioteka Kombëtare shpall gjendjen e emergjencës. Ajo do të qëndrojë e mbyllur deri në fund të Qershorit në përpjekje për të rikuperuar gjithë materialet e dëmtuara dhe përllogaritjen e dëmit të shkaktuar nga vërshimi ujit në katet e nëndheshme të saj.

Të dhënat flasin për 12 mijë njësi me libra revista dhe gazeta të lagura nga uji. Në hapësirën depozituese të koleksioneve bibliotekare e prekur nga përmbytja ishin kryesisht tekste shkollore dhe botime të 15 viteve të fundit.

Ajo që ndodhi me Bashkinë e Tiranës në këto dy ditë, institucionin kampion të vetëpromovimit, dëshmon se fasada, sado e punuar mirë të jetë, mbetet e hollë dhe e zhbëshme.

Videoja e mëposhtme, i shtohet si provë e mëtejshme, skandalit të përmbytjes së Bashkisë, ku janë përfshirë dokumente të shumta, që menaxhohen sikur të jenë në mjediset e një lavanterie, apo pastrimi kimik.

Tirana ka një kryebashkiak që po të varë në gjoks medaljet dhe çmimet që i kanë dhënë vërdallë, mund të duket si ata veteranët sovjetikë që dikur mbushin paradat në kujtim të Luftës së Madhe Patriotike. Vetëm se lufta më e madhe e z. Veliaj është me transparencën, për të cilën çuditërisht ka marrë çmim nga ambasada suedeze.

Shiu i Tiranës ka përmbytur dje edhe sheshin "Skënderbej", një "vepër" me të cilën Bashkia krenohet shumë dhe merr edhe çmime. Ndoshta një kanal më shumë do të hapet në të ardhmen...

Sot Ministria e Brendshme e Shqipërisë është detyruar të publikojë atë që e quan një sqarim për prononcimin e zv.ministrit Julian Hodaj, i cili ka thënë për ADF-në gjermane se Shqipëria ka kapacitet të mbajë 600 mijë emigrantë.  Ministria thotë se lajmi ka nxjerrë deklaratën nga konteksti duke ofruar me këtë rast edhe sqqarimin e vet:

Takimi i kryebashkiakut të Tiranës Erjon Veliaj  me përfaqësinë e aktorëve dhe artistëve ka evidentuar se brenda komunitetit të këtyre të fundit ka dy qëndrime. Njëra palë është shprehur publikisht kundër prishjes së godinës ekzistuese, qëndrim që në thelb bashkohet me kauzën e frenimit të kullave që po përgatitet të ngrihen në atë zonë, e që në fakt janë projekti real i qeverisë.

Është zbardhur projektligji që synon transferimin e një pjese të të ardhurave nga tarifa e aparatit televiziv drejt televizioneve private. Akti që është i paprecedentë, vendos kushte favorizimi financiar për operatorë privatë duke e bërë këtë me para publike. Sipas projekvendimt që sugjeron amendim të ligjit “Për mediat audiovizive” parashikohet krijimi i Fondit të Transmetimit që do të ndajë paranë e dhënë nga qytetarët në masën 70$% për RTSh-në dhe pjesën tjetër për operatorët privatë.